Kibiru 4:9 - Golin: God ka main buku

⁹ Ka di i tega main iru paimia, ena God ibalin kobe yalini bole kirara erin dorimil milama dire, pi iru nangwa kol imo dimue.

Kibiru 4:9 ပူးပေါင်းရင်းမြစ်များ

Matyu 1:21

Abalini wan ta kule nenangwa kaan Yesu yenanwa. (Kaan Golin ka iru paangwa, aa ki di tongwa yal.) Yalini gawliman ibal gariba gariba i kal digan ere taalime erungwa kire di ere aa ki dinangwa kaan iru yenanwa,” dungwa.

Taitas 2:14

Kile kaman ka main paangwa si keli sibinga, pirin pai na tongwa, tobe tere pirin gule ere na tenama dire, te nomanin naabile na tenama dire, te na ibal kobe paale suna ere na inama dire, te kal wai dungwa erala dibinga, erabinga painama dire, yalini miin mayan garu di na ibal kobe na tomue.

Kibiru 11:25

God main i gibilin mui kol yere garibanin main paangwa mere, ere kamin kaun tawle miinin maanangwa, yalini iru pirala di pirekimba, God gawliman kobe Isirel ibal gain giil pire milungwa, yalini gain giil iru pirala di piremue.

Kibiru 3:11

Dire na maabinan mina aa taw sire ka iru diga, ‘Ibalin kobi ure na bole erin dorimil ta milekenamua.’”

Kibiru 4:1

Te God mile, “I na bole erin dorimil milabilwa,” dire aan kere yongwa malia para ka iru di na ibal kobe na tomia, ena na ibal kobe para iru milabina dire, kuril pire kanekun ere milabinwe.

Kibiru 4:10

Ibal ta kol iru pire God bole erin dorimil milangwa, ena God konagi ere wei sire pare, erin milungwa mere, ibalini para iru milamue.

Kibiru 4:3

Na ibal kobe ka main pire gi dire pi tegi yobinga, ena God bole erin dorimil milebinwe. Milebinba Isirel ibal kobe kan diga iwe. God ka dungwa ka main minin ganin bilungwa mere, iru u maribe ongwa piro. “Na maabinan mina aa taw sire ka iru diga, ‘Ibalin kobi u na bole erin dorimil ta milekerabilwa.’” Yalini kamin te gariba kaya ere wei sire milimba, ka iru di Isirel ibal tomue.

Kibiru 4:8

Te Yosua Isirel ibal awli gariba suna ongwa kaun, God ibal bole erin dorimil milungwa main Isirel ibal iru mere milekungwa, ena eme God, “Malia waa,” dire dungwa mere kwi dimue.

1 Pita 2:10

Goma i ibal kobe ibal imore milinba, malia i God ibalin kobe milinwe. God piranin pai ibal tongwa, goma i ibal kobe ta pirekinba, malia piranin pai i tongwa pirinwe.

Rebelesen 14:13

Ena iru kanere pare, kamin ai ka ta ime ungwa pirigire, ka iru di na tongwa, “Ka ta di i terala pire ka minin ganin bilo. Ibal malia mile God Singaba ka main pire gi di mile gulangwa, ena ibalin kobi wai pire miriin painamua.” Dungure God Iban mile, “Ka dingai i kawen dinwa,” dimue. Dire, “Ibalin kobi konagi nega di erungwa pisere imore mile, te mile pai erungwa mere, God pire milamia, ena wai pire miriin painamua,” dimue.

Rebelesen 21:4

Ibal kobe kay miingwa, kwi ta miikinama dire, yalini iru ere ibalin kobi tenamua. Ibal gulungwa main wei sinangure, kwi ta gulekinangure, te ibal kay mun bile yaare miingwa, kwi ta miikinangure, te simil kay miingwa, kwi ta miikinangure, te gain giil pirungwa, kwi ta pirekenamua. Goma main iru paangwa, kirara malia wei sinamua.”