Yon Yesu guun kan ka minin ganin bilungwa 9:31 - Golin: God ka main buku

³¹ Ibal kobe kal digan ere taalime ere milungwa, yalin kobi ana di God tomba ta pirekemua. Pirekimba ibal kobe deminin sire God gun ye tere, te yalini ka dungwa pire wiina ere tenangwa, ena yalin kobi ana di God tenangwa piramua.

Yon Yesu guun kan ka minin ganin bilungwa 9:31 ပူးပေါင်းရင်းမြစ်များ

Yon Yesu guun kan ka minin ganin bilungwa 11:22

Kalkan iru u maribe omba, i ‘Kalkan na to,’ di ana di God tenanga, ena malia para ere i tenamua.”

Yon Yesu guun kan ka minin ganin bilungwa 15:16

I yal kobe na paale suna ta erekinba, na i yal kobe paale suna eriwa. I kal wai erana di piriga i pi iru erana dire, na i yal kobe nusi eriwa. I kal wai eranga i, di painangwal painamua. I ana di God tere, ‘Kal ta na to,’ dire na kaanan wiina eranga, ena na Abe kalkan i, i tenamua.

Yon Yesu guun kan ka minin ganin bilungwa 4:34

Dungure Yesu ka iru di gawlima kobe tongwa, “Na inan komina main iwe, na nusi ime erungwa yal ka dungwa mere wiina ere terere, te ‘Konagi ero,’ di na tongwa mere, ere wei siralwa.”

Yon Yesu guun kan ka minin ganin bilungwa 7:17

Na ka nil si tega, God ka dungwa mere na aine dibin mo, te na inan nomanin paangwa mere dibin mo? God mile yal ta kal iru erama di pirungwa mere, yal iray kal iru eramia, ena yalini piramua.

Yon Yesu guun kan ka minin ganin bilungwa 9:30

Dungure yalini ka di kole ere iru dungwa, “Ayo, yal ta yalini nusi ime erungwa yal i ta pirekinba, na omilan gi dungwa yalini aa te pilaa di na tomua. I ka dinga i, na pire buul kuniwa.

Yon Yesu guun kan ka minin ganin bilungwa 9:32

Yal ta man kule nongwa omilin gi dungwa, kwi aa te pilaa di tongwa iwe, kamin kaya wen te malia para, iru ta erekungwa pirebinwa.

Kibiru 10:7

Dire pare ka iru di yalini teiwa. God ye, i inin pire kal ta ere na terala di piringa mere, iru ere na to. Mose kile kaman ka buku mina na kan dire bilungwa mere, iru ere na to.”