Yon Yesu guun kan ka minin ganin bilungwa 8:49 - Golin: God ka main buku

⁴⁹ Dungure Yesu maan dire iru dungwa, “Sia ta na denan miranan suna ta milekemua. Na Abe aa te yebe erebinba, i na aa te yebe erekinwa.

Yon Yesu guun kan ka minin ganin bilungwa 8:49 ပူးပေါင်းရင်းမြစ်များ

Yon Yesu guun kan ka minin ganin bilungwa 11:4

Ka dungwa i Yesu pirere ka iru dungwa, “Yalini nibil ere milimba, Alasaras u kwi namua. Ibal kobe God kaan gale deminin si tenama dire, te God Wan para kaan gale deminin si tenama dire, nibil ta i u maribe pi tomua.”

Yon Yesu guun kan ka minin ganin bilungwa 12:28

Na Abe ibal kobe i kaanin gale yebe erama dire, i kal iru ero.” Dungure kamin mina ka ta iru ime ungwa, “I ka dinga kaya iru eriiba, kwi ama iru eralwa.”

Yon Yesu guun kan ka minin ganin bilungwa 14:13

I ana di God tere, ‘Kal ta na to,’ dire na kaanan wiina eranga, ena kal iru ere i teralwa. Na Abe yobilaan bil bilungwa, yalini Wan na i maribe erala dire kal iru ere i teralwa.

Yon Yesu guun kan ka minin ganin bilungwa 17:4

I yobilaan bil bilinga, na gariba gul ure i maribe eriwa. ‘Na konagi ero,’ di na tenga mere, na kaya ere wei siwa.

Yon Yesu guun kan ka minin ganin bilungwa 7:20

Dungure ibal kobe en dire iru dungwa, “Sia ta i den miriin suna milungurawa. Ibena i si gulama di pirine? Si gulangwa ibal ta milekemua.”

Yon Yesu guun kan ka minin ganin bilungwa 8:29

Na nusi ime erungwa yal na bole milebilwa. Yalini gun ye na tenama di piriga mere eriga, ena yalini na pisere erekimua.”

Aposel 5:41

Aposel kobe u ku bilungwa ai pisere wai pire iru dungwa, “Yesu pire gi dibinga giil pirebingire, goma God, ‘Para wai paimua,’ dungure u maribe omia wai pirebinwa.”

1 Korin 11:14

Na ibal kobe inan main paangwa mere, iru pirebinga paangwa. “Yalgo gibiliigin araway paangwa gay gulungwa main paamba,

1 Korin 15:43

Yobilagi maul si yongwa kaun miin gain kaan ta paikungure, niminin ta milekimba God ulin yuungure alangwa kaun i, kaan painangure kirara niminin mile milamua.

1 Pita 2:23

Ibal gain ka si yalini tomba, yalini maan gain ka ta si kole ere tekemue. Gain giil pire yalini tongure milungwa, yalini mile, “I siralwa,” dire kawre ta maan di tekemue. Ta di tekimba, “God ka kol ere ibal tongwa paimua,” di pire pi tegi yomue.