Yon Yesu guun kan ka minin ganin bilungwa 6:2 - Golin: God ka main buku

² Yalini kal guman kwi dungwa erere, te ibal nibil erungwa pilaan pai tongwa, ena ibal binanbile u ku bile yalini duulin bile warungwa.

Yon Yesu guun kan ka minin ganin bilungwa 6:2 ပူးပေါင်းရင်းမြစ်များ

Matyu 12:15

Di paalungwa Yesu pirere baan iray pisere ere ongure, ibal binanbile duulin bile ongwa. Ibal para nibil erungwa Yesu aa te wai ere tere,

Matyu 13:2

Ibal binanwenbile u ku bile Yesu yobile i suna erungure, sipe ta ala pire amin di milungure, ibal taminin makalua binan kole milungwa.

Matyu 14:14

Yesu sipe pisere pi gariba gul ongwa kaun, ibal kobe miriki wen milungwa kanere, miriin giil pire tongwa. Tere nibil erungwa ibal aa te wai ere tongwa.

Matyu 8:1

Yesu kamin kuul milere pisere kwi ere ime ungure ibal binanbile duulin bile ungwa.

Maka 1:45

Yesu “Di tekio,” dire manaa di tomba yalini pirere ibal para bolin kule tere, ka i di warungwa. Ka i di warungwa, Yesu ogu ai bil ala nala di omba, ala pekenangwa paangwa. Gariba simi yongwa gul pi milimba, ibal gariba binan kole kole para, yalini milungwa gul kire di u taminin sungwa.

Maka 6:33

Ongure ibal miriki Yesu u ongwa guman kanere ogin pisere mugu di pire, kaya u kol baan suul milungwa.

Yon Yesu guun kan ka minin ganin bilungwa 11:47

Di tomia ena Parasi kobe te Yuda ka main kenin erungwa yal bil kobe bole, “U ku bilo,” di yal singaba kobe di tere, u ku bilere iru dungwa, “Yal iray kal guman kwi dungwa binanbile eremia, ena na yal kobe takal ere yalini terabine?

Yon Yesu guun kan ka minin ganin bilungwa 12:18

Yesu kalkan naanin paangwa i maribe erungwai, ibal kobe bolin kule tongware ibal binanwenbile pi Yesu kol baan guman kanungwa.

Yon Yesu guun kan ka minin ganin bilungwa 12:37

Yalini kal guman kwi dungwa binanbile erungure, ibal kobe kanimba, pire gi di yalini tekungwa.

Yon Yesu guun kan ka minin ganin bilungwa 2:11

Kal guman kwi dungwa ta i maribe erungure, ibal kobe buul kunungwa, Kena ai Galili gariba gul suna dungwa malia kawn kule erungwa. Ena Yesu inin naabile yobilaan bilungwa i maribe ere ibal kobi tongure, yalini gawlima kobe pire gi di Yesu tongwa.

Yon Yesu guun kan ka minin ganin bilungwa 2:23

Ena komina bil nongwa erin kaun iray, Yesu Yerusalem milere kal guman kwi dungwa erungure, ibal kobe buul kunere ibal binanbile pire gi di Yesu tongwa.

Yon Yesu guun kan ka minin ganin bilungwa 20:30

Dungure Yesu gawlima kobe bole milungwa kal guman kwi dungwa taw ama binanbile erimba, buku iray minin ganin ta bilekigi.

Yon Yesu guun kan ka minin ganin bilungwa 3:2

gilaa kaun ta Yesu milungwa gul urere iru di tongwa, “Arabayo, i nil si tongwa yal God nusi erungwa, na yal kobe kanebinwa. God yal ta aa ki dekenangwa, i kal eringa mere yal ta erekinamua. God i kawen aa ki di tomua.”

Yon Yesu guun kan ka minin ganin bilungwa 6:14

Yesu kal guman kwi dungwa kalkan naanin paangwa iray, i maribe erungwa ibal kobe kanere iru dungwa, “‘Ka kebe yal ta nusi gariba gul eralwa,’ dungwa kawen kirara umua.”

Yon Yesu guun kan ka minin ganin bilungwa 6:22

Ena paangure kamin taangure, ibal binanbile nil benge binan koli imo mile paingwa. Mile paire sipe taranta u ongwa kanere, te Yesu gawlima kobe bole sipe ali pekungwa, para kanungwa.

Yon Yesu guun kan ka minin ganin bilungwa 6:26

Di tongure Yesu en dire iru dungwa, “Na kawen dirala piro, i ibal kobe na waa duunga iwe. Na kal guman kwi dungwa erebingire, ibal kobe buul kune kanemia, na waa duukire i komina nere kubin maamia, ena na waa duunwa.

Yon Yesu guun kan ka minin ganin bilungwa 6:30

Dimia ena ibalin kobe ka iru dungwa, “Kal guman kwi dungwa eringire, na ibal kobe kane buul kunabina, ena pire gi di i terabinga iwe, takal guman kwi dungwa erane? te ta konagi erane?