Yon Yesu guun kan ka minin ganin bilungwa 5:9 - Golin: God ka main buku

⁹ Dimia ena yal i gin taran u wai ongure, bol kawi ire kol ware ongwa. Aa te wai ere tongwa kaun i, Sare kaun dungwa.

Yon Yesu guun kan ka minin ganin bilungwa 5:9 ပူးပေါင်းရင်းမြစ်များ

Maka 1:31

Tongure Yesu abalini milungwa gul urere, aan aa tere aa ki di alungure, gain nega dungwa gwi sungure, komina gin taran ki yalin kobe tongwa.

Maka 1:42

Dungure seki egilungwa yal, gin taran gain wiige sire u wai ongwa.

Maka 10:52

Dungure Yesu iru di yalini tongwa, “Ena ere po. I pire gi dinga mere u wai enwa,” dungwa. Yalini gin taran omilin pilaa dungure, Yesu duulin bile ongwa.

Maka 5:29

Aa tongure, mayan si milungwa kaya keneba yongwa. Gain wiige sungwa kanere, “Yesu pilaan pay na tomua,” dire iru pirungwa.

Yon Yesu guun kan ka minin ganin bilungwa 5:14

Kaun tawle wei sungure, Yesu ka main ogu bil ala pire yalini kanere ka iru di tongwa, “I nibil eringa malia u wai enwa. I nibil bil erekirala dire, i kal digan ere taalime eringa pisero.”

Yon Yesu guun kan ka minin ganin bilungwa 7:23

Mose kile kaman ka dungwa mere, si keli sekerala dire, ena i Sare kaun gomege gain puul bile eringiwe. Iru erina ena na Sare kaun, nibil erungwa yal kirara muru aa te wai eriga, tameran i yal kobe den gule na tene?

Yon Yesu guun kan ka minin ganin bilungwa 9:14

Yesu gariba mina ebil si bile aa kiraa erungwa, te omilin gi dungwa yal aa pilaa di tongwa kaun iray, Sare kaun dungwa.