Yon Yesu guun kan ka minin ganin bilungwa 5:17 - Golin: God ka main buku

¹⁷ Tomba Yesu en dire iru dungwa, “Na Abe konagi ere milemia, ena na para ere miliwa.”

Yon Yesu guun kan ka minin ganin bilungwa 5:17 ပူးပေါင်းရင်းမြစ်များ

Matyu 10:29

Kauba dauna sutan i gibilin sirala erungwa kobile baa, toea taranta tenba, Abe mile kauba dauna taran i milama di pirangwa i milamua, te gulama di pirangwa i gulamua.

Yon Yesu guun kan ka minin ganin bilungwa 10:36

Dungwa ena na iwe, na Abe na paale suna ere irere na nusi gariba gul ime erungure, na mile, ‘God Wan miliwa,’ dibina ena tameran, ‘God gain ka si tenwa,’ di na tene?

Yon Yesu guun kan ka minin ganin bilungwa 14:10

Na Abe na bole si waire si dawle taran milebinga, i pire gi ta dikino? Na ka di i tega, na inan nomanin pire ta dikiwa. Na Abe bole pena galebilga, yalini konagi kal guman kwi dungwa ere milemua.

Yon Yesu guun kan ka minin ganin bilungwa 5:16

Ena ibal kobe nibil erungwa Yesu Sare kaun kaun aa te wai ere te milemia, ena Yuda yalin kobi kal nigi dongwa ere Yesu tongwa.

Yon Yesu guun kan ka minin ganin bilungwa 5:18

Dungure ena Yuda yalin kobi iru di pirungwa, “Yalini Sare kaun kile kaman ka si keli sire, te yalini mile, ‘God na Abe milemua,’ dungwa God ke kuunin milia, di piremua.” Iru di piremia, ena Yuda yalin kobi Yesu si gulala di kawen pirungwa.

Yon Yesu guun kan ka minin ganin bilungwa 9:4

Na nusi ime erungwa yal konagi ere na ibal kobe tongwa, kamin kaun malia u bawa dungure, na ibal kobe ere milabinwa. Kamin kaun ta u maribe nangwa ibal kobe konagi ta erala di piramba, ta erekinamua.

Aposel 14:17

Dimba God mile ibal kobe na kirara milama di pire, kal wai i maribe eremua. Kal wai ere i tongwa main iru paangwa, nimin sungure komina sinin sungure nere kubin maangure, miinin maare gun yere milinwa.”

Aposel 17:28

‘Yalini milungwa, ena na ibal kobe kol ware kwi milebinwa.’ I inin ka minin ganin bilungwa yal taw kobe iru bilungwa, ‘Yalini gawlin kobe milebinwa.’

1 Korin 12:6

Ibal kobe ka main konagi erama dire, kal miremil erungwa main main paamba, ibalin kobi konagi erama dire, God taran tawle konagi erungwa main di tere yobilaan bile tomue.

Kolosi 1:16

Te yalini ta milekenangwa, God kalkan i para muru ta ere yekenamba. Yalini milungwa kalkan para muru ere yomia, kamin mina kalkan dungwa mo, gariba gul kal dungwa para ere yere, te kalkan omilan kanebinga mo, kalkan omilan ta kanekibinga para ere yere, te kamin ai yobilaan bilungwa ibal te singaba ibal te kenin erungwa ibal te niminin milungwa ibal para ere yomue. God te Kirisito bole kalkan i ere yobilgire, ibal kobe Kirisito kaan aa te yebe erama dire, God kalkan para muru ere yomue.

1 Tesalonaika 2:13

Ena kal ta ama i milinga gul u maribe pi tongwa, na yal kobe morin morin maki ye deminin si God tobinga, main iru paangwa, na yal kobe God ka main kere di i tobingire pirere aa gi di pire main iru piringa, “Ka dungwa pirebinga i ibal ka main ta dikimba, God ka main dungwa paamua.” I kirara kawen dingire, i ibal kobe pire gi di milinga, ka main main paangwa i, i nomanin suna konagi paimue.

Kibiru 1:3

Te yalini Wan milungwa mere main iwe. God naabile aw dungwa mere, yalini para iru naabile aw dimue. Te God milungwa mere, yalini iru wen si paale ire milemue. Te kalkan para muru imo di paangwal paangwa, yalini yobilaan bile ka dungwa main iru paimue. Ibal kobe kal digan ere taalime erungwa, pirin gule ere terala dire gulungure, ena yalini kamin ai pire naanin wen paangwa yal, God guman mina amin di milemue.