Yon Yesu guun kan ka minin ganin bilungwa 21:17 - Golin: God ka main buku

¹⁷ Yesu ginin sutan goma ka di Pita tere, malia kwi sirin bile ka iru di tongwa, “Yon wan Saimone, i nomanin wai pire na ten mo?” Yesu ginin sutakobe, “I nomanin wai pire na ten mo?” di sirin bile Pita tomia, ena Pita nigi de pire guman yaare ka iru di Yesu tongwa, “Singabo, i kalkan para piringa, ena na nomanin wai pire i tega kaningirawa.” Dungure Yesu mile, “Na ibalan kobe bolima siipe siipe milungwa mere, i kenin ere milo.

Yon Yesu guun kan ka minin ganin bilungwa 21:17 ပူးပေါင်းရင်းမြစ်များ

Matyu 25:40

Dinangure yal bil maan iru di terabinga, ‘Na kawen di terala i piro. Kalkan kan dibinga i na ibalan kobe digan milungwa ere tenga mere, i iru ere na tenwa.’

Maka 14:72

Dungure sia korale gin taran kwi be dungwa. Dungure Yesu goma ka iru di Pita tongwa, “Sia korale ginin sutan be dirala pirangwa i ginin sutakobe na kaanan di aal kule, ka di kile di mena ere na tenanwa,” dire Yesu goma iru di Pita tongwa nomanin si pirere kay mun bile yaare simil kay miingwa.

Yon Yesu guun kan ka minin ganin bilungwa 12:8

Kul gal bona aa te nekungwa ibal i bole para morin mile painamba, na i ibal kobe bole baan araway ta milekerabilwa.”

Yon Yesu guun kan ka minin ganin bilungwa 13:38

Dungure Yesu ka di kole ere iru di tongwa, “Na miliga pire i milinba, na pire kawen gulala di pirino? Na kawen i inin di terala piro. Yal korale be dala di erangwa, i ginin sutakobe na kaanan di aal kule, di kile di mena ere na tenanwa,” dungwa.

Yon Yesu guun kan ka minin ganin bilungwa 14:15

“Ena i yal kobe den miriin na tenanga, ena na kile kaman ka di i tega wiina eranwa.

Yon Yesu guun kan ka minin ganin bilungwa 15:10

Na kile kaman ka di tega wiina eranga, ena na denan miranan i yal kobe te milalwa. Te milalga mere iwe. Na Abe kile kaman ka di na tongwa wiina eriga, ena yalini den miriin na te milemua.

Yon Yesu guun kan ka minin ganin bilungwa 16:30

I kal main para piringa ibal kobe ka di i tenangwa, ta paikinangwa paangwa, malia main i kanebinwa. I yal iru milinga, God milungwa gul pisere ere ime unga pire gi dibinwa.”

Yon Yesu guun kan ka minin ganin bilungwa 18:27

Dungure ena Pita mile, “Na ta milekiwa,” dungure korale gin taran be dungwa.

Yon Yesu guun kan ka minin ganin bilungwa 18:4

Ibal kobe kalkan para ere Yesu terala di pirungwa Yesu inin piremia, ena ibal kobe ungwa Yesu maala pire ka iru di tongwa, “I ibal kobe ibena waa duune?”

Yon Yesu guun kan ka minin ganin bilungwa 21:18

Na kawen di i terala piro. I yal garamil milinga kaun i inin kin dere, te kol ta nala di piringa enba, yal dimanin milanga kaun i anin suala galangire, ibal ta i kanin sire kol ta nala pirekinga, ain i awli namua.”

Yon Yesu guun kan ka minin ganin bilungwa 4:16

Dungure ena Yesu ka iru di abalini tongwa, “I pi wininbi gala dire awli ya unana po.”

Aposel 1:24

Ibalin kobe ana di God tere iru dungwa, “Singabo, ibal para wen nomanin te den miriin suna i kaninwa. Yudas ka main konagi pisere, te nusi erungwa ongwa yal, Aposel konagi para pisere pi enderin gaul ai omua. Ongure yal ta yalini ain nangwa, i maribe ere na to.”

Aposel 11:10

Ginin sutakobe ul kiibi iru kanigire, kalkan i kwi ere kamin mina omua.

Aposel 15:8

God Kegemama Iban na ibal kobe tongwa mere, Yuda milekungwa ibal tongwa God nomanin kanungwa kobaan milere, ‘Para paimua,’ dimua.

2 Korin 1:12

Ena na ibal kobe mile pai erebinga, miinin maabinga main iwe. Na ibal kobe gariba gul mile pai erebinga, te kalkan ama para ere i ibal kobe tobinga, na di gawa di i tere, te giran niriin ka ta di i tekebinwe. Iru ere i tobinga, na inan nomanin wai paima di pire erebinwe. Erebingire te ibal nomanin paangwa mere pire ta erekebinba, God kal wai ere aa te wai ere na tongwa pire erebinwe.

Epesas 4:30

God Iban i denin miriin suna pai milungwa iwe. God nil konagi ibal milinga, kal iru i maribe ere ibal terere, te kaun ta God ere wai ere i tenangure, sigare kule u wai nanga main, iru para i maribe ere ibal tomue. God Kegemama Iban iru ere milemia, ena i kal ta erangire, yalini miriin giil sinama dire, kal iru ta erekio.

1 Pita 1:6

Kal main iru u maribe nangwa pire miriin payo. Painanba taalime main main i sua i kanama dire, gaynin giil piringa, ena malia i baan tawle nigi de pire guman yaangwa milanwe.

2 Pita 3:1

Ena na ye nega kobe, goma na ka minin ganin bile i tega, te malia ta kwi bile i teiwe. Malia na ka di i tega i, i nomanin naabilungwa suna kwi si pirana dire, ka minin ganin sutan iray bile i teiwe.

Rebelesen 2:23

Abalini gawl kule yongwa kobe, na ibalin kobi si gulalwa. Si gulalga ena ibal den miriin suna te nomanin suna si pirungwa mere na piria, ka main ibal taminin ta ta, para iru kanamua. Te i ibal kobe mile pai eringa mere, na tobe maan iru ere i teralwa.

Rebelesen 3:19

Na denan miranan ibal tega, ena na ibalin kobi para kan tere na giranan wiina erama dire, kile kaman ka di teiwa. Iru eriga paamia, ena si nege eringa pisere, te kal digan eringa mun kal waa tere, nomanin suna si kiruul so.