Yon Yesu guun kan ka minin ganin bilungwa 21:16 - Golin: God ka main buku

¹⁶ Ka iru dire kwi sirin bile iru di tongwa, “Yon wan Saimone, i denin miriin na ten mo?” Di tongure yalini, “Owa,” dire ka iru di Yesu tongwa, “Singabo, na nomanin wai pire i tega i kaninwa.” Dungure Yesu mile, “Na ibalan kobe bolima siipe siipe milungwa mere, i kenin ere milo.”

Yon Yesu guun kan ka minin ganin bilungwa 21:16 ပူးပေါင်းရင်းမြစ်များ

Matyu 2:6

‘Betelekem ai Yudia gariba gul suna dungwa, Yudia ogu ai mege ta dimua, tamama. I ibalin kobe milungwa suna yal singaba ta u maribe pire, na ibalan kobe Isirel kenin wai ere tenamua.’”

Matyu 25:32

Gariba ibal muru na miliga gul u ku bilangure, ibal bolima siipe siipe te bolima meme obin sungwa mere, ibal iru obin sirabinwa.

Matyu 26:72

Dungure Pita kwi ama ka di kile di mena ere, maabin mina aa taw sire iru dungwa, “Yalini guman na kawen kirara ta kanekiwa.”

Luku 19:10

Ibal kobe God main ta pirekire, wou bilungwa waa duure kanere aa ki di tegire, sigare kule u wai nama dire, Na U Ibal Obinga Yal ere ime wiwa.”

Yon Yesu guun kan ka minin ganin bilungwa 18:17

Ongure kana giran milungwa gi iray ka iru di Pita tongwa, “I yalini gawlima kobe ta milin mo, milekene?” Dungure Pita ka di kole ere iru dungwa, “Na ta milekiwa.”

Yon Yesu guun kan ka minin ganin bilungwa 18:25

Ena Pita gwi gule enderin pire milungwa, ena ibal kobe ka iru di Pita tongwa, “I yalini gawlima ta milin mo milekene?” Di tongure Pita mile, “O, o na ta milekiwa,” dungwa.

Yon Yesu guun kan ka minin ganin bilungwa 21:17

Yesu ginin sutan goma ka di Pita tere, malia kwi sirin bile ka iru di tongwa, “Yon wan Saimone, i nomanin wai pire na ten mo?” Yesu ginin sutakobe, “I nomanin wai pire na ten mo?” di sirin bile Pita tomia, ena Pita nigi de pire guman yaare ka iru di Yesu tongwa, “Singabo, i kalkan para piringa, ena na nomanin wai pire i tega kaningirawa.” Dungure Yesu mile, “Na ibalan kobe bolima siipe siipe milungwa mere, i kenin ere milo.

Aposel 20:28

I yal kobe inin kenin ere te, ‘Ka main ibal taminin kenin ero,’ dire God Kegamama Kegemama Iban di tongwa mere, para kenin ero. Yesu mayan garu dire gulungwa, God ka main ibal taminin tobe iru tongwa, ibalin kobi bolima siipe siipe milungwa mere milemia, i ibalin kobi kenin wai ere milo.

Kibiru 13:20

Ena na ibal kobe Singaba Yesu gulere alungwa, God aa tongure alemue. Te God ka wai di bole pena gale ibal tongwa imo di painangwal painama dire, Yesu mayan garu dimia, ena bolima siipe siipe kenin ere milungwa mere, ka main ibal taminin iru milungwa, Yesu mile ibalin kobi kenin ere milungwa yal Singaba Taran milemue.

1 Pita 2:25

Bolima siipe siipe kol ta kanekire kol gogo warungwa mere, i ibal kobe kol iru warinba, malia i ibanin kenin ere ke milungwa yal kwi duulin bile milana dire, kwi sinaa dire unwe.

1 Pita 5:2

God mile, “Ka main ibal taminin ta kenin ero,” di i tongwa kenin wai wen ero. Bolima siipe siipe milungwa mere, ibalin kobi iru milungwa kenin ero. Konagi iray eranga, ki pire inin nigi de pire erekio. Konagi iru erala di pire, dime di pirere ero. God i iru erana di pirungwa paamue. Tobe irala di pire, konagi iray ta erekio. Imore aa te wai ere ibal terala di pire ere to.

Rebelesen 7:17

Ibalin kobi iru ere milangwa main iwe. Kenin ere ke milungwa ain suna Bolima Siipe Siipe Gawlin, Yesu Kirisito, milere ibalin kobi kenin ere terere nil gibilin bilungwa gul awli namua. Nil iray nenangwa, nil gulungwa kwi ta gulekire mile painangwal painamua. Ibalin kobi kay miingwa God miriin pire omilin duul kire di ere tenangwa, kay miingwa kwi ta miikinamua.”