Yon Yesu guun kan ka minin ganin bilungwa 19:6 - Golin: God ka main buku

⁶ Dungure Yuda ibal ka main kenin erungwa yal bil kobe, te yalin kobe el kwi nu milungwa yal kobe para, Yesu ungwa kanere gala bil dire iru dungwa, “Eri pera mina si gulo, eri pera mina si gulo.” Dungure Pailete ka iru di yalin kobe tongwa, “Kal ki erangwa yalini kal ta erekima di kania, ena i yal kobe yalini awli pire eri pera mina si gulo.”

Yon Yesu guun kan ka minin ganin bilungwa 19:6 ပူးပေါင်းရင်းမြစ်များ

Matyu 26:58

Milungure, Pita tawliga tayan mile duulin bile pire, kenin erungwa yal bil ogin malge pi bawa dire, ere suna ongwa. Pirere kalkan u maribe nangwa kanala dire, el kwi nu milungwa yal i bole amin di milungwa.

Matyu 27:22

Pailete iru sirin bile tongwa, “Yal ta Yesu kaan ta Kirisito iwe, takal ere terabine?” Dungure, “Eri pera mina si gulo,” dungwa.

Matyu 27:24

Dimia ena Pailete ka dungwa kuunin paikima di pirere, te ibal kobe wi yau dire kura bilama di pirere, yalini nil kulere ibal binanbile u ku bilungwa guman mina aan bigin sire iru dungwa, “Yal ta iray si gulangwa na pirin ta paikimua. I ibal kobe inin konagi paimua.”

Luku 23:4

Dungure ena Pailete ka iru di Yuda ka main kenin erungwa yal bil kobe, te u ku bilungwa ibal kobe tongwa, “Kal ki erangwa yalini kal ta erekima di kania, ena ka kol main ta paikimua.”

Yon Yesu guun kan ka minin ganin bilungwa 18:3

Kanemia ena Yudas eri main iray ongwa. Yuda ka main kenin erungwa yal bil kobe te Parasi kobe mile, “Simil nen te ka main ogu el kwi nu milungwa yal kobe awli po,” di Yudas tongure, yalini awli ongwa. Yalin kobe simil te kuba aa te ire pirere enderin derin aa te ire, te kewa gale ire ongwa.

Yon Yesu guun kan ka minin ganin bilungwa 18:31

Dungure Pailete ka iru di tongwa, “I ibal kobe inin yalini awli pire, i inin ka main paangwa mere pire ka kol ere to.” Dungure Yuda ibal yal singaba ka iru di tongwa, “Na yal kobe ibal ta si gulabinga, Orom ibal kile kaman ka paangwa manaa dimua,” dungwa.

Yon Yesu guun kan ka minin ganin bilungwa 18:38

Dungure Pailete ka iru sirin bile Yesu tongwa, “Kirara kawen dungwa main tamintan paame?” dungwa. Dire kwi ere mena pire ka iru di Yuda ibal kobe tongwa, “Kal ki erangwa yalini kal ta erekima di kania, ena ka kol main ta paikimua.

Yon Yesu guun kan ka minin ganin bilungwa 19:15

Dungure ibal kobe gala bil dire iru dungwa, “Awli baan ta pire si gulo. Awli baan ta pire si gulo. Eri pera mina si gulo.” Dungure Pailete ka iru di ibal kobe tongwa, “I ibal kobe yal bil eri pera mina na si gulama di pirino?” Dungure Yuda ibal ka main kenin erungwa yal bil kobe ka di kole ere iru dungwa, “Orom yal bil Sisa, na ibal kobe yal bil yalini taran milema di pirebinwa,” dungwa.

Yon Yesu guun kan ka minin ganin bilungwa 19:4

Pailete kwi ere mena pire ka iru di ibalin kobe tongwa, “Ena i ibal kobe kane milo. Kal ki erangwa yalini kal ta erekima dire, na kanebinba, i para iru kanana dire, kwi awli abila urala erebinwa.”

Aposel 2:23

Yesu kanin sungwa, goma wen God iru erala di nomanin si pirungure u maribe omua. I yal kobe yalini awli pi God ka dungwa wiina erekungwa yal kobe tere, ‘Eri pera mina si gulo,’ dingire si gulemua.

Aposel 7:52

I sanamoi gilekume ka kebe yal taran tawle ta sekemo? Para muru simua. ‘Kal dime di erungwa yal unamua,’ dire iru gala dungwa yal kobe, i sanamoi gilekume para yalin kobi si gulemua. Malia kal dime di erungwa yal i para bale taal sire si gulinwa.