Yon Yesu guun kan ka minin ganin bilungwa 18:3 - Golin: God ka main buku

³ Kanemia ena Yudas eri main iray ongwa. Yuda ka main kenin erungwa yal bil kobe te Parasi kobe mile, “Simil nen te ka main ogu el kwi nu milungwa yal kobe awli po,” di Yudas tongure, yalini awli ongwa. Yalin kobe simil te kuba aa te ire pirere enderin derin aa te ire, te kewa gale ire ongwa.

Yon Yesu guun kan ka minin ganin bilungwa 18:3 ပူးပေါင်းရင်းမြစ်များ

Matyu 25:1

Ena Yesu ainere iru dungwa, “Kamin kaun iray gi anan kole kole muru enderin derin gale, abal ingwa yal unangwa pi, ‘Aya maya,’ dire guman yenangwa mere, God kenin ere ke milungwa iru mere milamua.

Yon Yesu guun kan ka minin ganin bilungwa 13:2

Kamin girungure Yesu te gawlima kobe bole komina ne milungwa. Satan kaya iru pire dungwa, “Saimon Isikerio wan Yudas Yesu bale taal sinamua,” dungwa.

Yon Yesu guun kan ka minin ganin bilungwa 18:12

Dungure simil nen kobe te simil nen yal singaba te Yuda ka main el kwi nu milungwa yal kobe, yalin kobi Yesu kaale gi dire kanin sungwa.

Yon Yesu guun kan ka minin ganin bilungwa 18:18

Ena kamin gwi erungure nil konagi ibal te el kwi nu milungwa ibal kobe para, enderin gale paalungwa. Galere ale milere gwi gulungwa enderin pirungure miin sungwa. Pita ibalin kobe bole milere enderin pirungure miin sungwa.

Yon Yesu guun kan ka minin ganin bilungwa 18:22

Ka dungwa i, el kwi nu milungwa yal ta pirere Yesu guman mina sire, ka iru dungwa, “I Yuda ka main kenin erungwa yal bil ka di kole ere tenga, tameran ka digan iru di tene?”

Yon Yesu guun kan ka minin ganin bilungwa 19:6

Dungure Yuda ibal ka main kenin erungwa yal bil kobe, te yalin kobe el kwi nu milungwa yal kobe para, Yesu ungwa kanere gala bil dire iru dungwa, “Eri pera mina si gulo, eri pera mina si gulo.” Dungure Pailete ka iru di yalin kobe tongwa, “Kal ki erangwa yalini kal ta erekima di kania, ena i yal kobe yalini awli pire eri pera mina si gulo.”

Yon Yesu guun kan ka minin ganin bilungwa 7:32

Ena Yesu milungwa mere u ku bilungwa ibal kobe ka diria iru ere milungwa Parasi kobe pirere, yalin kobe te Yuda ka main kenin erungwa yal bil kobe bole, Yesu si kanin sirala dire, simil nen taw nusi erungwa.

Aposel 1:16

“Na enan kobe, goma God Kegemama Iban Yudas kal erangwa ka dungwa mere, Debiti giran mina dungure ka main minin ganin bilungwa iray u maribe omua. Ibal Yesu kanin sinama dire Yudas yalin kobe awli Yesu milungwa gul omua.

Aposel 10:1

Yal ta kaan Konilias, simil nen singaba mile Sisaria gariba gul ki pai milungwa. Milere simil nen Itali gariba nen ibal anan kole muru aan kawn muru, kenin ere milungwa.