Yon Yesu guun kan ka minin ganin bilungwa 18:28 - Golin: God ka main buku

²⁸ Ena kwimile taanima ibal kobe Kayapas ogin pisere, Yesu awli pi Orom gabman yal bil ogin ongwa. Yuda ibal yal singaba kobe ogu iray ala ta pekungwa. Kile kaman ka manaa dungwa ta duulin bile ta erekire, te Yuda ka main komina bil nenama dire, ogu iray ala ta pekungwa.

Yon Yesu guun kan ka minin ganin bilungwa 18:28 ပူးပေါင်းရင်းမြစ်များ

Matyu 27:27

Ena Orom yal bil simil nen kobe Yesu awli yal bil ogin kaan Piretorium suna pirere, ena simil nen muru Yesu milungwa gul u ku bile i yobile suna erungwa.

Maka 15:16

Ena simil nen Yesu awli ire, singaba bil ogu kaan Piretorium suna pirere, simil nen taw imo milungwa, “Ere wo,” dire gala dungwa.

Luku 22:66

Ena kamin taangure, Yuda ka main singaba kobe, te ka main kenin erungwa yal bil kobe, te ka main nil si tongwa yal kobe u ku bilungure, ibal kobe Yesu awli u ku bilungwa mina ongwa.

Yon Yesu guun kan ka minin ganin bilungwa 11:55

Ena Yuda ibal bolima siipe siipe sungure God yalin kobe ta sekungwa kaun nomanin si pire, komina bil nerabinga kaun, kaan Pasoba, u maala ongure, ibal kobe mena kole kole ki paingwa para pi Yerusalem wi yebe ongwa. Komina bil ole nekire ibal kobe nomanin suna wai dinama dire, gain bigin sirala di ongwa.

Yon Yesu guun kan ka minin ganin bilungwa 18:13

Kanin sire goma awli pi Anas milungwa gul ongwa. Kamin kaun i Kayapas mile, Yuda ka main kenin erungwa yal singaba milungure, Anas yalini imaunbi milungwa.

Yon Yesu guun kan ka minin ganin bilungwa 18:15

Ena simil nen kobe Yesu awli ongure, Saimon Pita te Yesu gawlima yal ta para, mun kol duulin bile ongwa. Yuda ka main kenin erungwa yal bil Yesu gawliman yal ta iray guman kanemia, ena yalini Yesu duulin bile pi ala omba,

Yon Yesu guun kan ka minin ganin bilungwa 18:33

Pailete kwi pi inin ogin ala pire, “Yesu awli wo,” di gala dungure, awli ungure iru di tongwa, “I Yuda ibal yal bil kawen i milino?”

Yon Yesu guun kan ka minin ganin bilungwa 18:39

Dimba komina bil nenga kaun iray, na morin morin kanin paangwa yal ta gule eriwa. Yuda ibal yal bil i, na kanin gule ere tenama di pirino?”

Yon Yesu guun kan ka minin ganin bilungwa 19:11

Dungure Yesu ka di kole ere iru dungwa, “Kamin ibe God yobilaan bile i ta tekenangwa, i kal iru ta ere na tekenanba. Main iru paimia, ena yal ta na awli pi i tongwa yalini kal digan ere taalime erungwa pirin bilkaw paimua. Paingure i pirin tawlita pai i tomua.”

Yon Yesu guun kan ka minin ganin bilungwa 19:14

Kamin kaun i omale kaun milimba, kamin gire taanangwa ena komina bil iray ki nenangwa kaun dinangwa. Pailete ka iru di Yuda ibal kobe tongwa, “I ibal kobe yal bil milemia kano.”

Yon Yesu guun kan ka minin ganin bilungwa 19:9

kwi pi gabman ogin ala pire ka iru di Yesu tongwa, “I milinga, alde mile une?” Di tomba, Yesu pire unin si milungwa.

Aposel 10:28

Pita iru di ibalin kobe tongwa, “Yuda ibal te Yuda milekungwa ibal bole ka wai dire suna ta milekenangwa, Yuda main iru paangwa i kaninwa. Kaninba, God main iru di maribe ere na tongwa, ‘Yuda milekungwa ibal nomanin gule daalin ta sikemua,’ dire di na tongwa piriwa.

Aposel 10:32

Yal ta nusi Yopa gariba ere, yal ta kaan Saimon Pita awli wo, di to. Bolima gain kal mirimil erungwa yal kaan Saimon, pirin nil binan ki paingure, Saimon Pita yalini bole ki paimua.’

Aposel 11:3

iru di Pita tongwa, “Yuda milekungwa ibal gain bile erekungwa, tameran i ogu ala ene? Tameran bole para komina nene?”

Aposel 3:13

Ebarakam te Aisaka te Yakobo te na sanamoi, yalin kobe God nilerari yal Yesu kaan aa te yebe eremua. Erimba i ibal kobe Yesu awli pi Pailete tengire Pailete, ‘Kan gule eralwa,’ dungure, i ibal kobe manaa dinwa.

Aposel 4:27

Kerodi te Pontias Pailete te Yuda milekungwa ibal te Isirel nen kobe, ibalin kobe ogu ai bil iray bole para u ku bilere kura bile nilerari yal Yesu tomua. Yesu kabin sire wai wen milungure, kenin erungwa yal konagi ere milama dire, kabe ki tongwa mere Yesu i suna erinwa.