Yon Yesu guun kan ka minin ganin bilungwa 18:20 - Golin: God ka main buku

²⁰ Yesu ka di kole ere iru dungwa, “Ibal kobe para pirama dire, ai penin mile ka di maribe eriwa. Yuda ibal u ku bilungwa ain, ka main ogu mege te bil para ka nil si te milegal miliwa. Na ka diga aal kule ka ta nil si tekiwa.

Yon Yesu guun kan ka minin ganin bilungwa 18:20 ပူးပေါင်းရင်းမြစ်များ

Matyu 24:26

“Ena ibal kobe mile, ‘Kirisito gariba simi yongwa milemia kano,’ dinangwa i kanana pikio. Mo ibal taw kobe mile, ‘Kirisito kiile ala aal kule milemia kano,’ dinangwa i ka dungwa i pirekio.

Matyu 26:55

Dire pare Yesu iru di u ku bilungwa ibal tongwa, “I di kuba pera te kuba ire unga, komina kunibe nongwa mere iru kuunin ta milebinga, kanin na kulala dire uno? Yuda ibal ka main ogu bil, kaun kaun ka nil si te milebinga, na kanin ta sikingirawa.

Matyu 26:65

Dungure ena kenin erungwa yal bil iray, galsuna aa te ole dire iru dungwa, “Yalini God gain ka simua. Ka kol kanungwa yalin kobe tameran ka kwi diname? Yalini gain ka sungwa pirere,

Matyu 4:23

Ena Yesu Galili gariba gul kola koli para wen warere, ibal kobe ka main ogu ala God ke mile kenin erungwa mere, kere di tere ibal kobe nibil ta ta para, aa te pilaan pai tongwa.

Matyu 9:35

Ena Yesu ogu ai bil mege para wen warungwa. Warere Yuda ibal ka main ogu ala ka nil si tere, “God i kenin ere ke milamua,” dire ka pore wai i kere di tere, te ibal nibil te nimbona erungwa main main para, aa te wai ere tongwa.

Maka 8:32

Dire ka iru di gawa dungure, Pita awli baan ta pire kan tere, “I kan dingai kwi dikio,” dungwa.

Luku 21:37

Iru dungwa kaun iray, Yesu Yuda ka main ogu bil ka nil si te milere, te kamin girungure, pi Olibe kamin kuul pire pai milungwa.

Luku 4:15

Biingure ena Yesu Yuda ka main ogu ala ka main kere di tomia, ena ibal para deminin si tongwa.

Yon Yesu guun kan ka minin ganin bilungwa 18:21

Tameran ka sirin bile na tene? Na ka diga pirungwa ibalin kobe, i sirin bile piro. Na ka diga ibalin kobe piremua.”

Yon Yesu guun kan ka minin ganin bilungwa 6:59

Dire Yesu Kapanaum ka main ogu ala mile ka iru nil si ibal kobe tongwa.

Yon Yesu guun kan ka minin ganin bilungwa 7:14

Ena komina bil erin kaun i taw mili suna mugu sungure, ena Yesu Yuda ka main ogu bil ala pire ka nil si ibal tongwa.

Yon Yesu guun kan ka minin ganin bilungwa 7:26

Milimba yalini malge mile ka di ibal tongure, ibal wen ta ka di sutaw ere yalini ta tekemua. Yal singaba kobe yalini God konagi erungwa yal, Kirisito milema di, yal singaba kobe malia iru nomanin si piremo?

Yon Yesu guun kan ka minin ganin bilungwa 7:28

Ena ibal kobe iru dungwa Yesu ka nil si te milere gala dire iru dungwa, “Na inan miliga mere, te na inan mile ere ime uga ain, i pire pol sino? Na inan nomanin paangwa mere ta ukiwa. Na nusi ime erungwa yal i, yalini kirara kawen milemua. I yal kobe yal i kane pol sekinba,

Yon Yesu guun kan ka minin ganin bilungwa 7:4

Yal ta guun kan warama di pirangwa, ena kalkan erungwa aal kule ta erekinamua. I kalkan eringa kirara kawen paamia, ena ibal para guman mina ero.”

Yon Yesu guun kan ka minin ganin bilungwa 8:2

Paire kwimile taanima wen Yesu kwi ere Yuda ka main ogu bil ala ongwa. Pire ibal binanbile Yesu milungwa gul ungwa, yalini amin di milere ka nil si tongwa.

Yon Yesu guun kan ka minin ganin bilungwa 8:26

I yal kobe milinga ka binanbile di gawa dire, kawre di i teralba, na nusi ime erungwa yal kawen dungure, te yalini ka di na tongwa mere, iru tawle aine di gariba ibal kobe teralwa.”

Aposel 26:26

Yal bil Agiripo, na ka digiray i main wen piringa, ka di gawa diralwa. Yesu gariba gul ere milungwa mere, aal kule dikungwa, i para piringa kaniwa.