Yon Yesu guun kan ka minin ganin bilungwa 16:23 - Golin: God ka main buku

²³ “Kaun i u maribe nangwa ka ta ama sirin bile na tekenanwa. Na kawen di terala piro. I yal kobe, ‘Kal ta na to,’ dire na kaanan wiina ere sirin bile na Abe tenanga, kan dinanga kal i, yalini i tenamua.

Yon Yesu guun kan ka minin ganin bilungwa 16:23 ပူးပေါင်းရင်းမြစ်များ

Matyu 21:22

I pire gi dinanga ena kal ta ana di God tenanga inanwa,” dungwa.

Matyu 7:7

“Kaan dinanga inana ena i kaan do. Te kal ta waa duunanga kanana, ena i waa duyo. Te kana giran mile si gule dinanga kol yawle i tenamia ena si gule do.

Yon Yesu guun kan ka minin ganin bilungwa 14:20

Kamin kaun i u bawa dinangure, i yal kobe iru piranga, na Abe bole taran miligire, te na i bole taran miliga mere, i na bole taran milia di piranwa.

Yon Yesu guun kan ka minin ganin bilungwa 14:22

Dungure Yudas Isikerio duun, kaan Yudas mile, ka iru di Yesu tongwa, “Singabo, gariba ibal i milinga main di maribe ere tekere, ‘Na yal kobe di maribe ere na teralwa,’ dinga i, tamintan main paangwa pire dine?”

Yon Yesu guun kan ka minin ganin bilungwa 14:5

Dungure Tomas ka iru di tongwa, “Singabo, i pi milanga ain na yal kobe ta kanekibinga, tameran ‘Kol dungwa kaninwa,’ di na tene?”

Yon Yesu guun kan ka minin ganin bilungwa 15:7

I na bole pena gale milabilga, te na ka diga pire nomanin suna ye milanga, ena kalkan i irala di pire, ana di God tenanga inanwa.

Yon Yesu guun kan ka minin ganin bilungwa 16:19

Gawlima kobe sirin bile Yesu terala di pirungwa, Yesu kaya pire bawa dire iru di tongwa, “Na mile, ‘Kaun baan tawle milalgire, na ta kanekinanba, kaun taw para milalgire, na kananwa,’ iru di i tega, ka iray diria ere milino?

Yon Yesu guun kan ka minin ganin bilungwa 16:26

Kaun ta i u bawa dinangure, i na kaanan wiina ere sirin bile tenangure, i ka dinanga na kebe yekiralgire,

Yon Yesu guun kan ka minin ganin bilungwa 16:30

I kal main para piringa ibal kobe ka di i tenangwa, ta paikinangwa paangwa, malia main i kanebinwa. I yal iru milinga, God milungwa gul pisere ere ime unga pire gi dibinwa.”

Epesas 2:18

Tongure Yuda ibal te Yuda ta milekungwa ibal bole milebinga, Kirisito kal wai wen ere na tomia, ena God Iban kol bala di na tongure, na ibal kobe para Abe God milungwa gul pi ku bile taminin si milebinwe.

1 Yon 2:1

Na kule yega kobe, i ibal kobe kal digan ere taalime ta erekinana dire, ka minin ganin bile i teiwe. Ka bile i teiba, na ibal ta kal digan ere taalime erabinga, ena aa ki di ibal tongwa yal, Abe God bole milere yal iray, na ibal kobe pi kulere ka di God tere aa ki di na tenamue. Aa ki di ibal tongwa yal, Yesu Kirisito, kabin sire wai wen milungwa yal milemue.