Yon Yesu guun kan ka minin ganin bilungwa 16:10 - Golin: God ka main buku

¹⁰ Na Abe kamin mina milungwa gul na nala di milegire, i ama na ta kanekinanga, ena kabin sire wai wen milama dire, di maribe eramua.

Yon Yesu guun kan ka minin ganin bilungwa 16:10 ပူးပေါင်းရင်းမြစ်များ

Yon Yesu guun kan ka minin ganin bilungwa 16:28

Na Abe milungwa gul pisere ere ime urere, te malia gariba gul pisere na Abe milungwa gul kwi ere yebe nalwa.”

Yon Yesu guun kan ka minin ganin bilungwa 16:5

Ena malia we, na nusi ime erungwa yal yalini milungwa gul nala di erebinba, i yal kobe mile, ‘I alde nane?’ dire sirin bile na tekenwa.

Yon Yesu guun kan ka minin ganin bilungwa 3:14

“Mose gariba simi yongwa milere, oniba giran guman kulungwa mere, ain yobilaan iru ere yere bile waaki dungwa mere, Na U Ibal Obinga Yal iru bile waaki dinamua.

Yon Yesu guun kan ka minin ganin bilungwa 5:32

Dimba yal ta mile na guunan kanan di maribe erungure, te yalini ka dungwa i kawen dima di kaniwa.

Yon Yesu guun kan ka minin ganin bilungwa 7:33

Yesu ka iru dungwa, “Na kaun tawliga i ibal kobe bole milere, ena na nusi ime erungwa yal, yalini milungwa gul na ere nalwa.

Aposel 17:31

God yal ta paale suna ere ingure, yal ta i ibal gariba gariba para muru mile pai erungwa mere pire kirara kawen ka kol pire tenangwa, God kaun ta balungwa paamua. Ibal kobe kawen dima di pirala dire, paale suna ere ingwa yal i gulere alungwa, God iru eremua,” dungwa.

Aposel 2:32

Yesu gulere alungwa, God kal main iru ere yalini tongwa, na ibal kobe para kanebinwa.

Aposel 3:14

Kabin Sire Wai Wen Milungwa Yal, kal dime di erungwa i ibal kobe yalini ka di kile di mena ere, iru dinga, ‘Yal ta ibal si gulungwa kan gule ero.’

Aposel 7:52

I sanamoi gilekume ka kebe yal taran tawle ta sekemo? Para muru simua. ‘Kal dime di erungwa yal unamua,’ dire iru gala dungwa yal kobe, i sanamoi gilekume para yalin kobi si gulemua. Malia kal dime di erungwa yal i para bale taal sire si gulinwa.

Orom 1:17

Ka main dungwa i, kal ta i maribe erungwa iru kane pirebinga. Ibal pirin paangwa gule ere tongure, kabin sire wai wen milama dire, God kol ta iru i maribe ere na tongwa kanebinwe. Ibal kobe iru milala di pirangwa, ena ibalin kobe kawn kule pire gi di Yesu tere ere ere milamue. Iru erungwa mere, ka main minin ganin iru bilungwa paangwa, “Yal ta pire gi di God tenangure, God mile, ‘Yal i pirin paangwa gule ere tegire, kabin sire wai wen milemua,’ dinangwa, ena yal i u wai pire mile painangwal painamua.”

1 Korin 1:30

Yesu Kirisito ibal kobe kule yere mile painangal painanga iwe. God kawn kule kal iru ere i tomue. God nomanin pai na tongure, te kal digan erebinga God pirin gule ere na tongure, te yalini kabin sire wai wen milungwa mere, iru ere na tongure, te God i aa ki dungure sigare kule u wai nama dire, kal iru ere na tongure, God Wan, Yesu Kirisito milungwa pire kalin sui sui ere na ibal kobe na tomue.

2 Korin 5:21

Kal digan ere taalime erungwa Kirisito main iru ta ere warekimba, na ibal kobe yalini bole pena gale u taran pi milere, God kabin sire wai wen milungwa mere, iru milabina dire, kal digan ere taalime erungwa, Kirisito pirin i aw si ire gule ere na tomue.

Galesia 5:5

I manaa dinba na inan ibal kobe mile, God ere wai ere na tomia, u wai nabina di pirebinga, pire gi di milebinwe. Milebinga God Iban aa ki di na tongure, kwi kane milebinwe.

1 Timoti 3:16

Na ibal kobe ka main pirebinga goma main aal kule paire malia u maribe ongwa, kirara wi yebe ongwa piro. “Yalini u ibal pire u maribe ongwa, te yalini kalkan erangwa ibal painama di pirama dire, God Iban i maribe erungwa, te yalini mile pai erungwa angel kobe kanungwa, te gariba bilin kole kole para yalini guun kan kere di maribe ere ibalin kobe tongwa, te gariba gul ibal kobe kole kole milungwa, pire gi di yalini tongwa, te kamin mina naabile aw dungwa gul God yalini awli omua.”

1 Pita 3:18

Ka di tega main iwe. I ibal kobe kal digan ere taalime eringa, God pirin gule ere i terala dungure, Kirisito kamin kaun gin taran tawle gulemue. Yalini na ibal kobe God bole u taran pi milama dire, yalini gulungwa. Kal digan ere taalime erebinga ibal u wai nabina dire, yalini kabin sire wai wen mile kal dime dire ere na te milungwa yal gulungwa. Ibal kobe yalini gain kirara si gulimba, yalini iban sigare kule milemue.