Yon Yesu guun kan ka minin ganin bilungwa 16:1 - Golin: God ka main buku

¹ “I yal kobe pire gi dinga mun kal waa tekenana dire, na ka iru di i teiwa.

Yon Yesu guun kan ka minin ganin bilungwa 16:1 ပူးပေါင်းရင်းမြစ်များ

Matyu 11:6

Yal ta na inan kanere nomanin su su sekenangwa ena miriin painamua.”

Matyu 13:21

dulaanin ikire ka main baan tawleta aa gi di milemua. Ibalin kobe ka main aa gi di pirungwa ibal kura pai tere, te taalime u maribe pi tomia, ena ka main i, i mun kol eremua.

Matyu 13:57

Iru dire mun kal waa Yesu tongwa. Tongure Yesu iru di tongwa, “Ka kebe yal ibal kobe pire yebe ere tomba, inin garibanin ibal, te nen man kobe pire yebe ere tekungwa paamua.”

Matyu 24:10

Tenangure ena ibal kobe binanbile ka main piserere, ka main yal taw bale taal sire den gule tere, guman inin inin dinamua.

Yon Yesu guun kan ka minin ganin bilungwa 15:11

“Na wai pire miranan paiga mere, i yal kobe para iru milana dire, ka diga iray kaya di i yal kobe teiwa.

Yon Yesu guun kan ka minin ganin bilungwa 16:4

Dimba ibalin kobe kal iru ere milangwa kaun u maribe nangure, na ka diga i nomanin si pirana dire, kaya di i teiwa. “Goma na i yal kobe bole miliga ka iru di i tekiwa.

Orom 14:21

Na kabe nerabin mo, nil bia te nil wain nerabin mo, kal ta erabinga, yal ta kanere ka main paangwa mere, ta erekire kal piril sungwa erangwa iwe. Iru ta erekinama dire, komina iray ta nekire kal iru ta erekirabinwe.

Pilipai 1:10

I main iru ere milanga, ena main wai paangwa kal i, pire bawa di kananwe. Di kananga ena Kirisito u bawa dinangwa kaun, nomanin naabile dorimil milere, te God pirin gule ere i tongwa pirin kwi ta pai i tekenangure, wigi sire wai wen milanwe.

1 Pita 2:8

Te ka main minin ganin baan ta iru dire bilungwa paangwa, “Yal iray biriin dungwa mere milemia, ibal taw pi wabe sinangure, kol gaul sinamua.” Ibalin kobe ka main ta pire wiina ere tekungure, ena pi wabe sungure kol gaul simue. Kal main iru u maribe nama dire, God kaya pire paale dimue.