Epesas 6:18 - Golin: God ka main buku

¹⁸ I morin morin ana di God tere, “Na aa ki di na to,” dire sirin bile tere tere milo. Milanga kaun i God Iban, “Ka iru do,” dire, ka nil si i tongwa mere, dire dire milo. Milere si kwi yere mile, ana di God te milangal milo. God ibalin kobe yalini ibal kobi aa ki di tenama dire, ana di God te milo.

Epesas 6:18 ပူးပေါင်းရင်းမြစ်များ

Matyu 17:21

[I komina mawal ere ana di God tere, ‘Aa ki di na to,’ dinanga ena sia iru maa si mena eranba, ana iru di tekenanga kuunin ta erekinanwa,” dungwa.]

Matyu 26:41

Satan i kiranin sire kela kule tenangure i manaa dirala dire, i ul paikire si kwi ye mile ana morin di God te milo. I nomanin iru si piringa, ‘Na yobilaan biliga eralwa,’ di pirinba gain obin domua.”

Maka 13:33

Kaun i kalkan kobe u maribe nangure kaun pirekinba, el kwi nuu mile kanekun ere milo.

Maka 14:38

Satan i kiranin sire kela kule tenangure i manaa dirala dire, i ul paikire si kwi ye mile ana morin di God te milo. I nomanin iru si piringa, na yobilaan biliga eralwa di pirinba gain obin domua.”

Luku 21:36

Kal main i, u maribe nangwa i yobilaan bile milere, te Na U Ibal Obinga Yal gumanan mina ale milala dire i kanekun ere mile, ana di God te milangal milo.”

Luku 22:46

Milungure Yesu yalin kobe ulin yuure, ka iru di yalin kobe tongwa, “Tameran ul pai miline? Satan i kiranin sire kela kule tenangure, i manaa dirala dire i ale ana di God te milo.”

Luku 3:26

Nagai nen, Maata milungwa. Maata nen, Matatayas milungwa. Matatayas nen, Semen milungwa. Semen nen, Yosepe milungwa. Yosepe nen, Yoda milungwa.

Luku 3:37

Elemeke nen, Metusala milungwa. Metusala nen, Inoke milungwa. Inoke nen, Yerete milungwa. Yerete nen Makalali milungwa. Makalali nen, Kenan milungwa.

Aposel 1:14

yalin kobi iru, te abal taw kobe, te Yesu man Maria, te Yesu kebin kobe, ibalin kobe nomanin u taran pire ana di God te milungwa.

Aposel 10:2

Yalini God ka main aa gi di pirere yaa ime sire deminin si tongure, yalini enin kobe para iru ere milungwa. Yuda kal aa te nekungwa ibal, yalini binanbile aa ki di tere ana di God te milungwal milungwa.

Aposel 12:5

Pirungwa ena Pita kanin paingwa ogu pai milungure, ka main ibal taminin ana wen di God te milungwal milungwa.

Aposel 6:4

Iru erangure na yal kobe ana di God tere, ka main kere di te milabingal milabinwa.”

Orom 12:12

God “Kal wai i teralwa,” dire aan kere yongwa pi tegi yere miriin paire gun yeyo. Gain giil pire taalime erangwa main main u maribe nangwa, pire unin si mile nigi di pirekire, ana di God te milangal milo.

Orom 8:15

Nil konagi ibal milungwa mere milere, te kuril pire God tongwa main kwi pirana dire, na ibal kobe iru ta milekebinwe. Ta milekebinba God wan abilin milabina dire, yalini Iban denan miranan suna pai milungure na ibal kobe mile, “Abe, na Abe,” dire di God tobinwe.

Galesia 4:6

Yalini wan milinga, ibal kobe kane bawa dinama dire, God mile yalini Wan Iban nusi na tongure, den miriin suna mile, “Abe, na abe,” di tomue.

Epesas 1:16

ena i ibal kobe kanin pire morin maki ye deminin si God te miliwe. Na ana diga, i ibal kobe kanin pire ana iru diwe.

Epesas 2:22

I ibal kobe Kirisito u taran pire bole pena galinga, ogu kan dibinga i, i eri ta dungwa mere milingire, God Iban i denin miriin suna pai milemue.

Epesas 3:18

Te i ibal kobe te God ibalin kobe para muru, God den miriin ibal tongwa meri, pire pol sinana dire, di tobinwa. God den miriin ibal tongwa main, i kirara muru tongwa mere, pirana dire, di God tobinwa.

Epesas 3:8

God ibalin kobe milungwa suna na yal digan ta miliiba, Yuda ta milekungwa ibal, Kirisito ka main kirara wai wen dungwa kere di maribe ere ibalin kobe tenama dire, konagi iru ere na tomue.

Epesas 6:19

Te na miliga para pire, sirin bile ana di God to. Ka main milin aal kule paangwa na yobilaan bile di gawa di ibal terala dire, “Ka iru nil si na to,” dire, di te milo.

Pilipai 1:4

Na i ibal kobe kanin pire, ana di God tega kaun, na miranan paangure di te miliwe.

Pilipai 4:6

Kal i mo i sigin pirekire, nomanin suna ku ku ta maakio. Ta maakire, “Komina te kalkan kemina kuunin pire iru tawle na to,” dire ana dire sirin bile God to. Tenanga ena, “Wai pire gun ye i teiwa,” dire maki ye God to.

Kolosi 1:3

Na i ibal kobe kanin pire ana di God tobinga, na morin morin maki ye Singaba Yesu Kirisito Nen God te milebingal milebinwe.

Kolosi 1:4

Maki ye tobinga main iwe, i ibal kobe pire gi di Kirisito Yesu tenga, te God ibalin kobe para, i ibal kobe denin miriin te milinga, ka iru di ungwa pirebinwe.

Kolosi 4:2

I ibal kobe ana di God te milanga, nomanin si baan baan gogo ta erekire, si kwi yere pirekun ere mile di to. Te milere maki ye deminin si God te milo.

1 Tesalonaika 5:17

Morin morin ana di God to.

1 Timoti 2:1

Ena ka ta u maribe ongwa, goma kaman di i terala piro. Ibal para muru kan pire sirin bile tere, ana di tere, kebe yere di tere, maki ye God te milo.

2 Timoti 1:3

Na sanamoi gilekume nomanin naabile konagi ere God tongwa mere, na para iru ere yalini tere maki ye God teiwe. Girungwa taangwa na ana di God tere, i kanin pire maki ye God teiwe.

Pailimon 1:5

Maki ye tega main iwe, God ibalin kobe para denin miriin tenga, te pire gi di Yesu Singaba tenga, ibal kobe ka iru di na tongwa pirere maki ye God teiwe.

Kibiru 5:7

Ena Yesu gariba gul milungwa kaun, yalini gala bil dire kay miire ana di God te milemue. Yalini ta gulekinama dire, God yalini kal main iru ere yalini tenangwa paamue. God main iru pai dungwa, yalini ana di God tomue. Tere God giran pire wiina ere tomia, ena ka di God tongure piremue.

1 Pita 4:7

Ena kamin te gariba kalkan para wei sinangwa kaun, kaya u maala omue. U maala omia, ena nomanin paangwa main pire erere, te gaynin kal piringa maangwa inin manaa di to. Ana di God te milala dire, kal iru ere milo.

Yut yalini ka minin ganin bile tongwa 1:20

Dimba na ye nega kobe, i God ka main pire gi dinga pi nima nama dire, inin niminin mile milo. God Kegemama Iban yobilaan bile i tongwa, ana di God tere,