Epesas 4:13 - Golin: God ka main buku

¹³ Tongure na ibal para mili nabinga nabinga, ena God Wan pire gi di tere, te yalini main wen pire pol sire u taran pire den miriin taran yere milabinwe. Milabinga ena Kirisito dime dire kal wai erungwa mere, u ibal wen pire ibal nomanin painangure milabinwe.

Epesas 4:13 ပူးပေါင်းရင်းမြစ်များ

Matyu 11:27

Dire iru dungwa, “Na Abe konagi kalkan kobi para muru na tomua. Na Abe God Wan, na taran milia, yalini taran tawle na pire pol simua. Yalini Wan na iwe, na inan taran tawle, na Abe pire pol siwa. Sire na Abe guun kan di maribe ere ibal taw terala di pirebina, ena yalin kobe para wen pire pol sinamua.

Yon Yesu guun kan ka minin ganin bilungwa 1:16

Dungure yalini kenin wai wen ere ibal tomia, ena kal wai wen ere na ibal kobe tongwa. Yalini iru na tere tere milungwa.

Yon Yesu guun kan ka minin ganin bilungwa 16:3

Na Abe te na para milebinga mere, ibalin kobe ta pire pol sekungwa iru ere i tenamua.

Yon Yesu guun kan ka minin ganin bilungwa 17:21

Na Abe, ibalin kobe bole pena gale u taran pi milama dire, ana di i teiwa. I na bole pena gale u taran pi milebilga mere, ibalin kobe na yasu iru bole milabina dire, i iru ere to. I na nusi ime eringa, gariba ibal iru kawen pirama dire, ibalin kobe bole pena gale u taran pi milama di piriwa.

Yon Yesu guun kan ka minin ganin bilungwa 17:3

I God taran kirara kawen milinga ibal kobe iru pire pol sire, te i yal ta Yesu Kirisito nusi ime eringa, ibal kobe yalini para pire pol sinangwa, ena mile painangwal painamua.

Yon Yesu guun kan ka minin ganin bilungwa 6:69

God kabin sire wai wen milungwa yal, i yalini milinga malia na ibal kobe kane bawa dire pire gi di i tobinwa.”

Aposel 4:32

Ena pire gi di milungwa ibal nomanin u taran pire bole pena galungwa. Galere, “Na kal dimua,” ibalin kobe ta dikire, kalkan aa te nongwa obin si ibal kobe tongwa.

1 Korin 1:10

Iru paamba na ka main enan kobe we. Na ibal kobe Singaba Yesu Kirisito pirere, yalini yobilaan bile na tongwa mere, i kiranin aa tere ka iru di i tega. I ibalin kobe ka dinanga ka taran tawle diria ere milo. Guman inin inin dinama dire, dikio. Nomanin taran si pire kal taran iru ere milala di piranga, u taran pi milo.

1 Korin 14:20

Na enan kobe, i nomanin si piranga, gamege nomanin si pirungwa mere, i iru ta nomanin si pirekio. Kal ki erungwa main gamege ta pirekun erekungwa main i, iru ere milo. Milanba ibal nomanin paangwa mere, i iru mile nomanin si pirekun ere milo.

1 Korin 2:6

Ka iru dibinba ibal kobe ka main nomanin suna paire bil gale u ibal mere ongwa, nomanin paangwa ka di ibalin kobe tobinba, kamin kaun malia ibal nomanin paangwa mere, ta dikire, te gariba gul kenin ere ke milungwa yal kobe nomanin paangwa mere, ka iru ta dekebinwe. Yalin kobi kenin ere ke milungwa kaun wei sinangure, u sutaw namue.

2 Korin 4:6

God mile, “Si bilungwa ali para aw di piraa sinamua,” dimue. Dire milere, te God naabile aw dungwa mere, Kirisito i maribe erungwa, na ibal kobe pire pol si pirabina dire, yalini na nomanan suna pai mile naabile aw di na tomue.

Galesia 4:19

Na gaan kule yega kobe, abal gaan kulala di erungwa, gain giil pirungwa mere, na giil iru piriwe. Piriga main iwe, i ibal kobe u Kirisito milungwa mere, ainere milana dire, na gaynan giil piriwe.

Epesas 1:17

Singaba Yesu Kirisito Nen God yobilaan bile naabilungwa bole milungwa, ana di yalini terere, i ibal kobe nomanin paire God milungwa main pire pol sinana dire, “God Iban nusi i denin miriin suna ero,” di teiwe.

Epesas 1:23

Te ka main ibal taminin milungwiwe. Kirisito miin gain te yobilagi dungwa mere, ibalin kobe iru milungure, te nomanin dungwa mere, Kirisito iru milemue. Milimba nomanin u inin baan nangwa wai painamo? Ta paikinamia. Nomanin gain bole ereko dinangwa wai paamue. Miin gain te yobilagi imore painangwa, kalkan te konagi ta erekinamba, nomanin pi suna man bile tenangwa, ena kalkan para muru erangwa painamue. Painangwa mere kalkan para wen Kirisito komin kanin milemue.

Epesas 2:15

Goma kayminan ibal kole kole milebinba, Kirisito gulungwa, ena Mose kile kaman ka pirin obin dongwa na tongure, yalini pirin i gule ere na tongure, Yuda ibal te Yuda ta milekungwa ibal u taran pire kura ta bilekire pena gale milebinwe.

Epesas 4:12

Iru paale suna ere ingwa main iwe, God ibalin kobe ka main konagi erabina dire, te Kirisito bole pena galebinga kobe, ka main pire niminin milabina dire, kal iru ere na ibalan kobe na tomue.

Epesas 4:3

I ibal kobe u taran pi milana dire, God Iban i di ku bilemia, ena i kirara iru wen milana dire, den miriin taran yere ere milo.

Epesas 4:5

Main iwe, Singaba Kirisito taran milungure, te pire gi di Yesu tobinga main, main i taran paingure, te ka main nil bilebinga main para taran dimue.

Pilipai 3:10

Kirisito mile pai erungwa, pire pol sirala dire, te Kirisito kwi alungwa yobilaan iru irala dire, te Kirisito gain giil pirungwa mere pirala dire, te Kirisito nomanin si pire inin gain pirekire gulungwa mere, na para iru gaynan kuril pirekerala di piriwe.

Pilipai 3:8

Dimba kal iru tawle tamama. Na Singaba Kirisito Yesu mile pai erungwa main, pire pol sirala dire, kalkan para muru eriga, kirara u main nama di piriwe. Yalini pire pol sirabinga main, maa yebe pire, kalkan para main muru yaa ime simue. Na yalini nomanin si pire tere kalkan para muru kal digan dima di pire, piseriwe. Na Kirisito aa gi di pire bole pena gale u taran pi milabila dire, piseriwe. “Mose kile kaman ka pire wiina eriga kabin sire wai wen miliwa,” dire goma diga mere iray, malia iru mere ta milekiwe. Malia pire gi di Kirisito tega, God kanere, “I kabin sire wai wen milinwa,” di na tongure miliwe.

Kolosi 1:28

Main iru painama di pire Kirisito ka main kere di ibal tobinwe. Ibal kobe Kirisito bole pena gale u ibal ongwa mere, iru kuunin nangure, awli pi God aan mina terabina dire, na ibal kobe nomanin paangwa pire bigan kule i tere ka nil si tobinwe.

Kolosi 2:2

I ibal kobe denin miriin suna yobilaan bilama dire, te i denin miriin te ibeya eringa den taran yenama dire, te ka main pire pol singa kawen kirara dinangwa di pirana dire, konagi nega di ere i teiwe. Tega ena God ka main aal kule paangwa kan diga i, Kirisito milungwa main i pire pol si piranwe.

Kibiru 5:14

Dimba ka main milin ibal ere gule pirangwa paamue. Ibalin kobi main ta wai paim mo, ki paim mo, pire pol sirala dire, ibalin kobi nomanin paangwa pire ere milungwa kanamue.

2 Pita 1:4

Kal iru ere na ibal kobe tomia, ena yalini mile kal iru ere i terala dire, aan kere ye na tongure, ka dungwa i, maa yebe pire wai wen dimue. Ka dungwa i, i ibal kobe aa gi di piranga, ena gariba gul gaynin kal piringa maangwa i mun kol ere God main paangwa u taran pi milanwe.

2 Pita 3:18

God ere wai ere i tongwa, te aa ki di na ibal kobe tongwa yal, Singaba Yesu Kirisito i pire pol singa, main sutan iray piringire maa kora kulan pire erala dire ere milo. Na ibal kobe para malia deminin si yalini terere, te te milabingal milabinwe. I kawen.

1 Yon 5:20

God kawen milungwa, na ibal kobe yalini pire pol sirabina dire, God Wan ere ime ure nomanin pai na ibal kobe tomue. Tongure kanebinwe. God kawen milungwa na ibal kobe yalini bole pena gale tere, te yalini Wan Yesu Kirisito para bole pena gale tobinwe. Iru milungwa mere, God kirara kawen milungure, te mile painangwal painangwa main iru dungwa paamue.