Epesas 1:18 - Golin: God ka main buku

¹⁸ Di tere sirin bile tega iwe. God, “Kal wai ere i teralwa,” dire, “Na duulan bilana wo,” di i tongwa i wai pire kwi paire suul mile pirana dire, “Nomanin bilkaw pai i ibalin kobe to,” dire sirin bile teiwe. Te God, “Ka wai di i teralwa,” dire aan kere yere di gawliman kobe tongwa, ka i pirana dire, “Nomanin pai i ibalin kobe to,” dire sirin bile teiwe.

Epesas 1:18 ပူးပေါင်းရင်းမြစ်များ

Matyu 13:15

Nomanin paikungwa milungwa, kiraan te omilin para gi di milemua. Iru erekinangwa, omilin kanere kiraan pirere nomanin painamba, yalin kobe nomanin si kiruul sire God nomanin tegi dinangwa, yalini yalin kobe pilaan pai tenamua.’

Maka 10:17

Ena Yesu baan ta ere nala di ongure, yal ta Yesu guman mina bonin gwalin yaa gobin bile milere, iru sirin bile tongwa, “Nil si tongwa yal waiye, ta konagi wai erabinga mile pairabingal pairabine?”

Luku 24:45

Dire ka main minin ganin ere gule pirama dire, ka nil si tongwa.

Aposel 16:14

Abal ta kaan Ilidia deminin si ana di God tere, te nobe mayan gal aibe tobe erangwa yongure, ibal gibilin sungwa. Abalini, Tayataira ibal kule nongwa. Pol ka dungwa abalini nomanin suna si pirama dire, God Singaba abalini den miriin awra di tongwa.

Aposel 26:18

Kamin si bilungwa gul pisere naabilungwa u maribe nama dire, nomanin pilaan pai yalin kobe tenanwa. Tenangire Satan ka dungwa pisere, God ka dungwa wiina ere tenamua. Iru erere pire gi na tenangwa, ena kal digan ere taalime erungwa kire di eramua. Erangure te God nomanin kulaparin ere tongwa ibal, yalin kobe bole para milamua.’

Orom 11:29

Iru erungwa main iru paangwa, God mile, “Aa te wai ere teralwa,” dungwa eramue. Erere te, “Ibal ta paale suna ere ibinwa,” dungwa mere eramue. God iru erungwa nomanin si kiruul ta sekimia, ena kirara iru ere milemue.

Orom 2:4

Mo, God wai wen pire ibal terere, te yaa ime sire kane gogo ere milungwa kal main i, ta maakima di pirino? I kal digan ere taalime eringa pisere nomanin suna si kiruul sinana dire, yalini wai wen pire i tongwa i iru pire pol ta si pirekeno?

2 Korin 4:4

Ibalin kobi pire gi di Yesu ta tekungwa main iwe. Gariba gul kakiibi kobaan ta milungwa, kaan Satan, ibalin kobe ka main pire gi ta dekenama dire, yalini kiraan sire nomanin si kel di ibalin kobi te milemue. God milungwa mere, Kirisito nomanin naabile aw dungwa kirara iru mere milere, yalini ka main aw dungure milungwa kol wai i, ibalin kobi ta kanekinama dire, Satan nomanin si kel di ibalin kobi tomue.

2 Korin 4:6

God mile, “Si bilungwa ali para aw di piraa sinamua,” dimue. Dire milere, te God naabile aw dungwa mere, Kirisito i maribe erungwa, na ibal kobe pire pol si pirabina dire, yalini na nomanan suna pai mile naabile aw di na tomue.

Galesia 5:5

I manaa dinba na inan ibal kobe mile, God ere wai ere na tomia, u wai nabina di pirebinga, pire gi di milebinwe. Milebinga God Iban aa ki di na tongure, kwi kane milebinwe.

Epesas 1:11

Ena kamin kaya God konagi erala di pirungwa mere, yalini kal para muru iru ere milemue. Ere milungwa na Kirisito u taran pire bole pena galere, God ibalin kobe na milabina dire, yalini na Yuda ibal paale suna ere imue.

Epesas 1:7

Kirisito eri pera mina gule mayan garu di na ibal kobe tongwa iwe, na ibal kobe kal digan ere taalime ere kanin paangwa mere milebingire, pirin paangwa, pirin i gule ere na tere si kwi ye na tongure, sigare kule u wai obinwe. God kal wai ere na tongwa iwe,

Epesas 2:12

Goma i ibal kobe Kirisito bole taran ta milekire i inin baan pi milinwe. God paale suna ere ingwa ibal, i ta milekingi, i baan ta ibal milinwe. God aan kere yere, “Kal iru ere i teralwa,” dimba, ka iru di i ibal kobe ta tekungure milinwe. Gariba gul iray iru milinga, kamin wai ta u maribe nama di pirekire, te God aa ki di na tenama di ta pirekinwe.

Epesas 3:16

Na iru sirin bile God tobinga, i ibal kobe pire gi di Kirisito tere yalini i nomanin suna mile pai erama dire, God inin Iban nusi i tere, yobilaan bil wen paangwa mere, i nomanin te denin miriin suna yobilaan bile niminin milana di pire di tobinwa. God yobilaan bile miriin pire ibal tongwa mere pirere, God iru ere i tenangwa di yalini tobinwa. Di tere ka ta iru para sirin bile tobinga, i ibal kobe denin miriin tenanga main, kirara iru wen milana di pire, di God tobinwa.

Epesas 3:8

God ibalin kobe milungwa suna na yal digan ta miliiba, Yuda ta milekungwa ibal, Kirisito ka main kirara wai wen dungwa kere di maribe ere ibalin kobe tenama dire, konagi iru ere na tomue.

Epesas 4:1

Ena Yesu Singaba pire wiina ere tega, kanin pai na tongure miliga, na i kiranin aa tere ka iru di i tobinga, God, “Na duulan bilana wo,” dire aa du di i tongwa kol i, i duulin bile ware milo.

Epesas 4:4

Kirisito te yalini ka main ibal kobe bole pena gale u taran pi milemue. Milungure God Iban taran ibalin kobe den miriin suna milemue. Te eme God ere wai ere na tenama di piringa iwe. Yalini, “Na duulan bilana wo,” di i tongwa ere kamin ai nala di piringa i, kol taran dimue.

Epesas 5:8

Goma i ibal kobe kal digan ere si bilungwa ali milinba, malia Yesu Singaba i kule yere, kire di i ku bile yalini aw dire naabilungwa mere, bolin mina ere i tongwa milinwe. Nomanin naabilungwa ibal kobe mile kal ere warungwa mere, i iru wiina ere waro.

Pilipai 3:14

Konagi nega di eriga, na kalkan kane pol sire iralga iwe, Kirisito Yesu kamin mina na bole pena gale milama dire, God, “I milana wo,” di na tongure, pi iru milalwe.

Kolosi 1:12

God kenin ere ke milungwa gul naabile aw dungure, yalini ibalin kobe ain iray kalkan ere tenangwa mere, para iru ere i tenama dire, yobilaan pai i tomue. Tomia ena maki ye Abe God to.

Kolosi 1:23

Kal iru ere i tenangwa main iwe. I ibal kobe ka main pire gi dinga, ai si ware milanga, mama di painangwal painamue. Milere ka main pire pol sire, “God kal wai ere na tenamua,” dire pi tegi yenga main, i aa gi di pire waranwe. Ka main dungwa i, gariba gul para muru pai waa dungure, na Pol ka main iray konagi erama dire, God konagi iru na tomue.

Kolosi 1:27

God konagi erala dire, iru nomanin si pirungwa, “Ka main kawen diga wi yebe pire wai wen dimia, gariba bilin ta ta para muru di maribe ere ibal teralwa,” dimue. Ka main aal kule paangwa iru di paalungwa paangwa, “Kirisito Iban i denin miriin suna pai milemia, ena God naabilungwa ai iray i pi si dawle milanwa.”

Kolosi 1:5

Ka main kawen kirara dire, te Yesu guun kan kawn kule di i tongwa kaun i ibal kobe mile, “Na miliga gul u bawa dungure, aa ki di na tenangwa paimua,” dire pi tegi yenwe. Yenga ena i ka main pire gi dire, te denin miriin ibal tenga main i maribe erinwe. God aan kere yere, “Kal iru ere i teralwa,” dungwa pirere pi tegi yenga, ena kalin kan dungwa i, kamin mina dime di dimue.

Kolosi 2:2

I ibal kobe denin miriin suna yobilaan bilama dire, te i denin miriin te ibeya eringa den taran yenama dire, te ka main pire pol singa kawen kirara dinangwa di pirana dire, konagi nega di ere i teiwe. Tega ena God ka main aal kule paangwa kan diga i, Kirisito milungwa main i pire pol si piranwe.

Kolosi 3:15

I nomanin susu si pire, takal erala di piranga, ena kol ta i nala dinangure, Kirisito denin miriin aa te ura di i tenangure, kol i nala di piranga kol i, dime di po. I ibal kobe Kirisito miin gain te yobilagi dungwa mere milinga den taran milana dire, God den aa te ura di i tere paale suna ere imue. I maki ye God te milangal milo.

1 Tesalonaika 2:12

God kenin ere ke milungwa ain i pi suna milana dire, te yalini yobilaan bile naabilungwa bole para iru milana dire, God kal iru ere i terala dimue. Dungwa iray te God ka main i ibal kobe pire ware milanga, God i kane gun ye i tenama dire, ka iru di i tobinwe.

1 Tesalonaika 5:8

Ibal iru milimba, na ibal kobe aw dire nomanin suna naabilungwa, ena omilanan ta maalekirabinwe. Simil nen diinin gal ain yobilagi ta sigi dungwa mere, na ibal kobe iru mere pire gi di Yesu tere, te denan miranan ibal terabinwe. Te simil nen gibilin gal ain yobilagi ta kawre warungwa mere, God na ibal kobe aa ki dinangure, sigare kule kirara u wai nabina dire, kal iru ere na tenama dungwa erungwa, aa gi di pirabinwe.

2 Tesalonaika 1:11

Kal iru u maribe nangwa pirere, te i ibal kobe milinga pire ana di God morin morin tobinwe. Di tobinga iwe, God “Na duulan bilana wo,” di gala di i tongwa i para iru wen duulin bile mili nana dire, di terere, te i kal wai erala dire, te ka main konagi para erala dingire, u maribe nama dire, te God yobilaan bile i tenama dire, di tobinwe.

2 Tesalonaika 2:16

Na Abe God den miriin na ibal kobe na tere te kal wai ere na tongwa pire yobilaan bile milabingal milabinga na tere, te kal wai ere na toma di pirebinga main para wen ere na tomue. Na tongwa yal i te Singaba Yesu Kirisito bole

1 Timoti 6:12

Ka main pire gi dinga pire niminin milala dire, konagi nega di eringa mere, iru kuunin ere milo. Mile painangal painana dire, ere milo. I iru ere milana dire, ka main pire gi dinga di maribe ere ibal tenga kaun God, “I wo,” di gala di i tomue.

Taitas 2:13

Iru ere milabinga kaun, God yobilaan bilere aa te pilaan pai na tongwa yal, Yesu Kirisito, yalini naabile aw dungwa bole unangwa, kamin kaun i u maribe nama di pire, na ibal kobe pi tegi yobinga, kawen u maribe nama dire, suul mile kane milebinwe.

Taitas 3:7

Kal wai ere na tongwa pire, kal digan ere taalime erebinga pirin paangwa i, gule ere na tongure, kabin sire wai wen milama dire, te na ibal kobe mile pairabingal pairabinga pi tegi yobinga, na iru wen milama dire, nusi ime ere na tomue.

Kibiru 10:32

Dimba goma God ka main nil si i tongwa, main pire pol singire pare, kalkan u maribe ongwa nomanin si pirino? Taalime main pire gain giil pire milinba, i yobilaan bile mile ka main aa gi di pirinwe.

Kibiru 6:4

Ibal kobe ka main pire nomanin naabilungwa, ibalin kobi ka main i pisere mun kal waa tomia, ena ibalin kobi kwi nomanin suna si kiruul ta sikire, sigare kule u wai ta pekenangwa paamue. Ibalin kobi iwe. Kamin ai kal wai nusi ime ere ibalin kobi tongwa kane pirere, te God Kegemama Iban obin si ibalin kobi tongure irere,

1 Pita 1:3

Singaba Yesu Kirisito Nen God milungwa, na ibal kobe maki ye tere deminin si yalini terabinga paamue. Yalini piranin wen pai na tomia, ena Yesu Kirisito gulere alungwa iru erere, ena si kwi ye na ibal kobe na tongure sigare kulebinwe. Iru ere na tongwa pire, “Kal wai ere na teralwa,” dire aan kere ye na toma di pire pi tegi yobinwe.

1 Pita 3:9

Ibal taw kal ki ere i tenangwa, i maan iru ere te kole erekio. Mo ibal taw ka su gale i tenangwa, ena i maan ka su gale te kole erekio. Ta erekire, ena God kal wai ere ibalin kobe tenama dire, i iru sirin bile God to. I iru ere ibalin kobe tenanga main iwe, Kal wai ere i tongwa i ibal kobe inana dire, God mile, “Na munan kol duulan bilana wo,” dire gala di i tomue.

1 Pita 5:10

I baan tawle giil pire milangire pare, aa te wai ere ibal tongwa yal God, i niminin milana dire, te i pire gi dinga pi nima nama dire, te yobilaan bile i terala dire, kal main iru ere i tenamue. God yalini naabile aw dungwa mile painangwal painangwa bole milana dire, te Kirisito bole pena gale milana dire, God “Ere wo,” di i tomue.