Aposel 8:37 - Golin: God ka main buku

³⁷ [Dungure Pilipi iru di tongwa, “I pire gi wen di God tenanga nil bile i terabinga paamua.” Dungure yalini mile, “Yesu God Wan milema di pire, pire gi diwa,” dungwa.]

Aposel 8:37 ပူးပေါင်းရင်းမြစ်များ

Aposel 8:36

Ena yalsu kombil ware pire nil ai ta u bawa dungure, yal singaba dungwa, “Nil milemia kano. Nil bile na tenanga para painamba kal ta na si pere dim mo?”

Aposel 8:38

Dire “Bolima awsi kan kule paalo,” dungure Pilipi te yal singaba, nil milungwa gul ere ime pire, bau suna pire nil bile tongwa.

Matyu 16:16

Sirin bile tongure, Saimon Pita maan dire iru dungwa, “I God konagi erungwa yal Kirisito milere, te mile painangwal painangwa Kobaan God, yalini Wan, i milinwa.”

Matyu 28:19

Tomia ena gariba ibal kole kole para u na gawlimanan kobe muru nama dire i pi konagi erana po. Abe te yalini Wan te yalini Kegemama Iban, yalin kobe kaan gale nil bile to.

Maka 16:16

Ibal ta pi tegi ye na tere nil bile inamia, ena God aa ki di ibalini tenangure sigare kule u wai namua. Namba ibal ta pi tegi ye na tekenamia, ena kal digan erungwa pirin pai imo dinangure, God ka kol ere tere giil pire tenamua.

Yon Yesu guun kan ka minin ganin bilungwa 6:68

Dungure Saimon Pita ka iru dungwa, “Singabo, i piserabinga, ibena milungwa gul nabine? Ibal kobe mile painangwal painangwa main i ka dinga kawen di maribe erinwa.

Yon Yesu guun kan ka minin ganin bilungwa 9:35

Ena aa nusi mena erungwa Yesu pirere, waa duure kanere ka iru di tongwa, “U Ibal Ongwa Yal pire gi di teno?”

Yon Yesu guun kan ka minin ganin bilungwa 11:27

Dungure abalini owa dire ka iru di tongwa, “Singabo, God Wan Kirisito nusi gariba gul ime erungwa, i yal iray milina di pire na pire gi di i teiwa,” dungwa.

Yon Yesu guun kan ka minin ganin bilungwa 20:31

Yesu mile God konagi erungwa yal Kirisito milere, te God Wan para milungwa, i ibal kobe iru pire gi dinana dire, na ka pore minin ganin biligi. Pire gi dinanga, ena Kirisito yobilaan bile i tenangure, dorimil wai wen mile painangal painanga.

Aposel 2:38

Dungure Pita maan dire iru dungwa, “I kal digan ere taalime eringa God kire di erama dire, i nomanin suna si kiruul sire te Yesu Kirisito kaan gale yebe ere, nil bile iyo. Iru eranga ena God yalini inin Kegemama Iban i tenangure inanwa.

Aposel 8:12

Erimba God kenin ere ke milungwa mere, te Yesu ka pore Pilipi ka di tongwa mere, ibal kobe pire gi dungure, yal abal para nil bile tongwa.

Aposel 8:21

I nomanin paikungwa God iru kanungure, na ka main konagi erebinga i para eranga ta paikimua.

Aposel 9:20

Yalini gin taran Yuda ka main ogu ala iru bolin kule tongwa, “Yesu God Wan milemua.”

Orom 10:10

Kal iru erungwa mere, main u maribe ongwa iwe. Na ibal kobe Yesu nomanin suna pire tere pire gi dibinga, ena kal digan ere taalime erebinga God pirin gule ere tere, “I kabin sire wai wen milinwa,” di na tomue. Te na ibal kobe, “Yesu ka main pire gi dibinwa,” kirara di gawa dibinga, ena God aa te pilaan pai na tongure, sigare kule u wai obinwe.

1 Korin 12:3

Ka ta di maribe ere i terala piro. God Iban ibal ta kulangwa, ena ibalini mile, “Na kankiray ere Yesu teiwa,” di yalini ta tekenangure, te God Kegemama Iban ibal ta kulekenangwa, ena ibalini mile, “Yesu milere kal para kobaan milemua,” dire ta di tekenangwa paamue.

1 Pita 3:21

Nil iwe. Ka main nil bilungwa main mere nil i di bile dimue. Yesu Kirisito gulungwa God si kwi ye tongure alungwa main i na ibal kobe pire gi di yalini tere nil bilebinga, ena sigare kule u wai obinwe. Nil bilebinga iwe, gaynan debegi yongwa bigin iru ta si na tekungwi, na nomanin naabile na tenama dire, ana di God tobinwe.

1 Yon 4:15

Ibal kobe mile, “Yesu God Wan milemua,” dire di gawa dinangwa, ena God bole pena gale ibalin kobi tenangure, yalini te ibalin kobi bole u taran pi milamue.

1 Yon 5:1

Ibal kobe mile, “Yesu milere, God konagi erungwa yal, Kirisito milemua,” dire ka i pire gi dinangwa, ena ibalin kobi God wan abilin milemue. Milungure ibal kobe den miriin nen tenangwa, ena ibalin kobi den miriin wan para tenamue.

1 Yon 5:5

Gariba kal pirungwa maanangure, ibena manaa di tename? Ibal ta mile, “Yesu milere God Wan milemua,” dire ka i pire gi dinangwa, ena ibal i manaa di tenangwa kuunin painamue.

1 Yon 5:10

Ibal ta pire gi di God Wan tenangwa, ena ibalini nomanin suna kawen dima di pirimba, ibal ta God ka dungwa kawen dima di pirekenangwa, ena God kakiibi dungwa mere, ibalini iru dimue. God kanere yalini Wan ka di maribe erungwa, ibalini kawen dima di pirekungwa, ena God kakiibi dungwa mere, ibalini iru dimue.