Aposel 27:5 - Golin: God ka main buku

⁵ Silisia te Pambilia gariba kani pire Maira ai Ilisia gariba gul suna dungwa pi bawa dibinga.

Aposel 27:5 ပူးပေါင်းရင်းမြစ်များ

Aposel 13:13

Ena Pol te gawlima kobe, Pepos ai pisere sipe mina pi Pega ai pi bawa dungwa. Pega ai Pambilia gariba suna dungwa, Yon Maka yalin kobe pisere kwi sinaa dire Yerusalem ai ongwa.

Aposel 15:23

Ka minin ganin iru bile tongure, yal sui i ongwa. “Aposel kobe te ka main goma yongwa yal kobe, na yal kobe i enin kobe milebinwa. Yuda milekungwa ibal enin kobe Antioko ai te Siria gariba te Silisia gariba milinga, aya maya, di tere ka minin ganin bile tobinwa.

Aposel 15:38

Pirimba goma ka main konagi erere yalini Pambilia ai sinaa dire ere ain pire bole para pekungwa, Pol iru nomanin si pire dungwa, “Yalini na bole nangwa, kuunin paikimua.”

Aposel 15:41

Pirere Siria gariba suna pire, Silisia gariba suna pire, ka main ibal taminin yobilaan bile tongwa.

Aposel 2:10

te Pirisia ibal, te Pambilia ibal, te Isipi ibal, te Sairini ibal Ilibia gariba ki paingwa, te Yuda ibal, te ibal taw kobe Yuda ka main duulin bile warungwa Orom pisere u milungwa,

Aposel 21:39

Dimba Pol maan di tongwa, “Na Yuda ibal milere, Silisia gariba gul ogu ai bil ta kaan Tasas ai iray nen miliwa. I owa dinanga, na ka di ibal kobe teralwa.”

Aposel 22:3

“Na Yuda ibal milia, na mina Silisia gariba gul ai ta kaan Tasas milere na kule yomba, na Yerusalem ai abila miligire, Gameliel yalini ka nil si na tongure, u ibal pire miliwa. Na ibal kobe sanamoi ka main paangwa mere, kaman na tongure, i yal kobe God konagi ere girin di milinga mere, na para iru ere miliwa.

Aposel 6:9

Ibal taw kobe goma nil konagi yal Sairini gariba te Alekandiria gariba te Silisia gariba te Esia gariba milimba, malia imore mile Yuda ka main ogu ta u ku bilungwa. Ku bilere yalin kobe te Sitiben bole ka bolebilin dungwa.

Galesia 1:21

Ena Yerusalem pisere Siria te Silisia gariba gul sui iray pi bawa dibinwe.