Aposel 2:41 - Golin: God ka main buku

⁴¹ Yalini ka main dungwa ibal binanbile pire gi dungure, nil bile tongwa. Tongure ibal binanwenbile, tiri tausen, kwi kwi maalungure Yesu ka main ibal taminin u bil ongwa.

Aposel 2:41 ပူးပေါင်းရင်းမြစ်များ

Yon Yesu guun kan ka minin ganin bilungwa 14:12

Na kawen dirala piro. Ibal kobe pire gi di na tenangwa, ena na konagi eriga mere yalini para erangwa paamua. Te na Abe milungwa gul nalga, ena ibalin kobe konagi erangwa na konagi eriga yaa ime sinamua.

Yon Yesu guun kan ka minin ganin bilungwa 21:11

Dungwa ena Saimon Pita pi sipe ala pire nil kabe sungwa gal gure pala di makalua gul binan pire, i mena erungwa. Nil kabe bil binanbile, wan kandret na pipti tiri, sungwa gal ali mile paamba, gal kan si ole ta dikungwa.

Aposel 1:15

Ena kaun iray Yesu gawlima kobe yal sui sui sui aan kawn muru u ku bilungure, Pita suna ali alere iru dungwa,

Aposel 13:48

Ka dungwa i Yuda milekungwa ibal pirere wai wen pirere, God Singaba ka main di yebe erungwa. Mile painangwal painama dire God paale suna ere ingwa ibalin kobe, pire gi dungwa.

Aposel 2:37

Ena Pita ka dungwa i pire, ibal kobe miriin bil pirere iru di Pita te nusi erungwa ongwa yal kobe, Aposel, tongwa, “Na enan kobe, takal erabine?”

Aposel 2:47

Ibalin kobe God deminin si tongure, ibal kobe para kanere wai pire gun ye tongwa. God ibal aa ki dungure sigare kule u wai pire, are kaun kaun Yesu ka main ibal taminin u bil ongwa.

Aposel 27:37

Ibal binanbile, tu kandret sewenti sikis, sipe ala milungwa.

Aposel 3:23

Ibal kobe ka kebe yal iray ka ta pirekenangwa, ena God ibalin kobi para sinangwa paamua.’

Aposel 4:4

Iru erimba ibal binanbile Yesu ka main di tongwa pirere, pire gi dungwa. Dungure malia yal kobe binanwenbile, paib tausen, pire gi di Yesu tongwa.

Aposel 7:14

Yosepe ‘Ere wo,’ di nen te ibalin kobe tongure, nen te ibal binanbile, sewenti paib, para Isipi gariba omua.

Orom 13:1

Ena na gariba gul ibal kobe gabman ka dungwa, pire wiina ere terabinga paimue. Gabman para muru milungwa main iwe, God yobilaan bile tongure milere, te gabman malia kenin ere milungwa God paale suna ere ingure milemue.

1 Tesalonaika 1:6

Na yal kobe te Yesu Singaba kol egilebinga mere, kol iru egilinwe. Ka main kere di i tobinga, ibal kobe gain giil pire i tomba, i ibal kobe gun yere wai pirana dire, God Kegemama Iban kal iru ere i tongwa ka main iray aa gi di pirinwe.

1 Pita 3:20

Sia kan diga iwe. Kamin kaya goma wen yal Noa milungwa kaun, God ka dungwa giran wiina ere tekire gulungwa, ibalin kobi iru mere sia milemue. Noa sipe bilkaw ere milungwa kaun, ibalin kobe God giran wiina ere tenama dire, yalini suul mili ongwa ongwa omba, ibal anan kole muru kole sutakobe tawle u sipe ala pire mama mile paingure, ibalin kobi nil si nekemue.

Rebelesen 16:3

Angel ta goma pele bala garu dungure, angel ta ama pele bala garu di pirin nil ali eremue. Eremia ena pirin nil u ibal gulungwa mayan mere ongure pare, nil kabe pirin nil ali milungwa para de gulemue.