Aposel 2:27 - Golin: God ka main buku

²⁷ I mile pai eringa mere na iru milala di pire miliga, na ibanan gulungwa yongwa gul ta milekenangure, simin nele kabe na ta nekenamua.

Aposel 2:27 ပူးပေါင်းရင်းမြစ်များ

Matyu 11:23

Kapanaum ibal kobe ena iwe. I kamin ibal milia di pirinba, God i pusi enderin gaul ai eramua. Kal guman kwi dungwa, i milinga gul ere i tobinga mere Sodom ibal iru ere terabinga, ena Sodom ibal gariba God si gule wei sungwa malia imo milamua.

Maka 1:24

Milere gala dire iru dungwa, “Yesu Nasarete nen na kanan paamia, i kanin ta painan dino? Na yal kobe na si sutaw ere na terala dire uno? God kabin sire wai wen milungwa yal, i yalini milinga, na i gumanin kaniwa.”

Luku 1:35

Dungure angel maan dire iru dungwa, “God Kegemama Iban ere ime ure i den miriin suna nangure, te God yobilaan bile kuman kinin si i tenamua. Tenamia ena gaan i kule yenanga ibal mile iru dinangwa, ‘Kabin sire wai wen milungwa yal mile, God Wan milemua.’

Luku 16:23

Enderin de paangwa ai milere giil bil pirere, kane yebe erere Ebarakam te Alasaras bole para tayan milungwa kanere

Luku 24:44

Ena Yesu ka iru di yalin kobe tongwa, “Kalkan u maribe ongwa i, na i bole milebinga kaya di i teiwa. Mose kile kaman ka te ka kebe yal ka minin ganin bilungwa, te geril minin ganin bile paalungwa ka main minin ganin iru para na kanin dungwa, milin paire kaya u maribe omua.”

Luku 4:34

“Yesu Nasarete nen milinga, na inan kanan paamia i kanin ta painan dino? Na ibal kobe na si sutaw ere na terala dire uno? God kabin sire wai wen milungwa yal, i yalini milinga na i gumanin kaniwa.”

Yon Yesu guun kan ka minin ganin bilungwa 11:39

Yesu ka iru dungwa, “Kobile milin kana giran si pere dinga, i mena ero.” Dungure gulungwa yal alenbi Mata, ka di kole ere iru dungwa, “Singabo, i ka dinba, kamin kaya kine yalini kobile giran ali yobinga, ena daalin simua.”

Aposel 2:26

Iru milinga, na nomanin suna gun yere ka diga wai pire diwa. Na gariba ibal miliiba i unangire na yobilanan te gaynan u kwi nangwa, na wai pire miliwa.

Aposel 2:28

Kol wai bala di na tengire, mile pairabingal pairabinga i maribe ere na tenwa. Na i bole pena galebilga gun yere miriin pairalwa.’ Iru dimua.

Aposel 3:14

Kabin Sire Wai Wen Milungwa Yal, kal dime di erungwa i ibal kobe yalini ka di kile di mena ere, iru dinga, ‘Yal ta ibal si gulungwa kan gule ero.’

Aposel 4:27

Kerodi te Pontias Pailete te Yuda milekungwa ibal te Isirel nen kobe, ibalin kobe ogu ai bil iray bole para u ku bilere kura bile nilerari yal Yesu tomua. Yesu kabin sire wai wen milungure, kenin erungwa yal konagi ere milama dire, kabe ki tongwa mere Yesu i suna erinwa.

1 Korin 15:52

Bu ta eme dinangwa kaun, omilin kiimin sungwa mere, gin taran iru miin gain ta kwi kulabinwa. Bu ta i dinangwa kaun ibal kobe pire gi di Yesu tere gulungwa, God ulin yuungure u kwi pire alangure, te na ibal kobe para miin gain guman ta kwi kulabinwa.

1 Korin 15:55

“Ibal kobe gulungwa main na ibal kobe na ta si kiranin bilekenamua. Ibal kobe gulungwa main gain giil pire na ibal kobe ta na tekenamua.”

1 Yon 2:20

Dimba God kabin sire wai wen milungwa yal, Kirisito yalini inin Iban nusi ere i tongwa, ena i ibal para inin inin nomanin paangwa milinwe.

Rebelesen 1:18

Kwi imo mile painangwa yal, na miliwa. Goma na guliiba malia na kwi miliga, kwi imo mile pairalgal pairalwa. Ibal gulungwa te ibal gulungwa ain kana giran ki milin na kenin ere ke miliwa.

Rebelesen 20:13

Pirin nil ali gulungwa alungure, te gulungwa ain te ibanin milungwa ain para alungure, ibalin kobi goma mile pai erungwa mere, God ka kol ere tere pirin pai ibalin kobi tomue.

Rebelesen 3:7

“Ena na ka ta dirala i ka minin ganin bile Piladelpia ka main ibal taminin to. “Ka pore di i tega i, yal ta kal dime di ere dorimil mile, kirara kawen dungwa yal iray, na miliwa. Debiti ain, God kenin ere ke milungwa ain, kana giran ki na aa teiwa. Ibal ta ala nama dire, na kol yawle teiwa. Te yal ta kwi si pere dinangwa ta milekemua. Te ibal ta ala pekenama dire, na kol yaaliwa. Te yal ta ibal i yawle tenangwa ta milekemua.