Aposel 17:32 - Golin: God ka main buku

³² “Yalini gulere alemua,” Pol iru dungure, ibal taw di gogo erimba, ibal taw iru dungwa, “Ka i dinga, kaun ta kwi pirala erebinwa.”

Aposel 17:32 ပူးပေါင်းရင်းမြစ်များ

Luku 14:18

Di tomba ibal para wen teran teran ere pikinama dire di tomua. Yal ta goma dire iru di nilerari yal tongwa, ‘Na komina gul kaya gibilin siga, pi kanalwa. Iru eralga ena para ere po, di na to.’

Luku 22:63

Ena yal kobe Yesu el kwi nu milere, ebi mi yalini tere sungwa.

Luku 23:11

Kerodi te yalini simil nen bawle tere, te gain ka si tongwa. Tere gal wai wen dungwa kaw tere nusi Pailete milungwa gul erungwa.

Luku 23:36

Dungure simil nen para ka di sutaw ere tere kal iru erungwa. Yalin kobe u Yesu milungwa gul ure, “Nil wain gi kiingwa no,” dire

Aposel 13:41

‘Aya, God ka main kaymin paale tenga, yal kobe pire milo. I gariba gul milinga kaun na konagi ta erabinga, yal ta di i tenamba, i ta pire tekenanwa. Buul kuningi, wei sinanwa.’”

Aposel 17:18

Epikurian ibal ka main te Sitoiki ibal ka main nil si tongwa, yalin kobe Pol bole ka bolebilin dire taw iru dungwa, “Ka milin paikungwa yal, takal waa di na tename?” Dungure taw ama iru dungwa, “Gariba baan ta kamin ibal di maribe eremua.” Pol Yesu guun kan te Yesu gulere alungwa ka dungware, yalin kobe iru dungwa.

Aposel 17:31

God yal ta paale suna ere ingure, yal ta i ibal gariba gariba para muru mile pai erungwa mere pire kirara kawen ka kol pire tenangwa, God kaun ta balungwa paamua. Ibal kobe kawen dima di pirala dire, paale suna ere ingwa yal i gulere alungwa, God iru eremua,” dungwa.

Aposel 17:33

Dungure Pol ibal milungwa gul pisere ere ongwa.

Aposel 2:13

Ibal taw iru dimba ibal taw kobe ka di sutaw ere tere, “Yal kobe wain nil nere, omilin maalemua,” dungwa.

Aposel 24:25

Kabin sire wai wen milangwa ka, te aan bule ere milangwa ka, te God ka kol pire ibal tenangwa, ka para di tongure Pilikis buul kune kuril pire dungwa, “Para wa, ere po. Kaun ta dinangwa, ‘Ere wo,’ di teralwa.”

Aposel 25:19

Ta erekimba yalin kobe inin ka main paangwa pire bolebilin dire, te yal ta kaan Yesu, ‘Gulere alemua,’ Pol dungwa mere pire, ka bolebilin dire iru tawle dimua.

Aposel 26:8

Ibal gulere alungwa God iru erungwa, i yal kobe tameran erekinama di pirine?

1 Korin 1:23

na ibal kobe iwe, Kirisito eri pera mina gulungwa main iray, kere di ibal tobinwe. Ka di tobinga Yuda ibal mile, “Kal nigi dongwa dimua,” dungure te Yuda milekungwa ibal mile, “Ka dinga paikimua,” dimue.

1 Korin 15:12

Ena na yal kobe para mile, “Kirisito gulere alungwa, God kal iru ere yalini tomua,” dire kere di maribe ere ibal kobe tobinga, ena i ibalin kobe mile, “Ibal gulungwa u kwi pire kwi ta alekinamua,” dire, tameran ka iru dine?

1 Korin 4:10

Kirisito kaan gale deminin si terabinga pire na ibal kobe yal du dungwa milebinba, i ibal kobe Kirisito bole pena gale mile nomanin paangwa milingiraba. Na ibal kobe yobilagi ura dungwa milebinba, i ibal kobe yobilaan bile niminin mile milingiraba. Ibal kobe nigi de pire na ibal kobe tomba, ibal kobe deminin si i ibal kobe tonguraba.

2 Korin 6:2

I iru eranga main iwe, God ka iru dungwa paangwa, “‘Aa te pilaan paire ere wai ere i teralwa,’ diga kaun i ka di na tenga piriwa. Te aa ki di ibal tongure, sigare kule u wai ongwa kaun, ena kaun ta iru dungwa mere na i ibal kobe aa ki di i teiwa.” Ka iru dungwa paamba, i iru piro. Miliagira kamin wai taangwa kaun u pilau dimia. Te God aa ki di i tongure, sigare kule u wai nana dire, maliagira kaun iray u maribe ongwa dimia.

Kibiru 11:36

Te ka di sutaw ere ibal taw tongure milere, te kuba aa tere ibal taw de dagi sungure milere, te kanin si ibal taw tere kanin pai tongure milemue.

Kibiru 13:13

Mayan garu di na ibal kobe tomia, ena yalini mena kol mile gay gulungwa mere, inin ibal kobe pi yalini kulere para gay gule milabinwe.