Aposel 16:16 - Golin: God ka main buku

¹⁶ Ena ana di God tongwa ai obinga, nil erari gi ta sia den miriin suna paingure, eme kal ta painangwa goma di maribe erungwa. Abalini ibal kobe kal iru erangwa di maribe erere, kobile moni binanbile ire ke milere duulin bile warungwa yal kobe tongwa.

Aposel 16:16 ပူးပေါင်းရင်းမြစ်များ

Aposel 16:13

Sare kaun u bawa dungure, ogu ai mena pire nuule binan obinga. Ibal ana di God tongwa gul ana di milim mo, kanabina dire obinga. Pirere abal kobe u ku bilungwa kanere, amin di mile ka main di tobinga.

Aposel 16:18

Gala dungwai, are kaun kaun di milungure, Pol nigi de pire sinaa dire iru di sia tongwa, “Na Yesu giran mina di i teiwa. Abalini den miriin suna pisere ere mena po.” Dungure gin taran u mena ongwa.

Aposel 16:19

Abalini ke milere duulin bile warungwa yal kobe, moni kwi ta aa te nekerabina di kanere, Pol te Sailas galsuna aa gi dire, yal kobe gure pala di ka kol pirungwa yal kobe milungwa gul ongwa.

Aposel 19:24

Epesas ai, ain yobilagi wai wen kal miremil erungwa yal, kaan Demitirias milere, kobile galbale ta kaan Atemis, galbale ogu dungwa mere megemaaga ain yobilagi ere yongwa. Konagi aa ki di tongwa yal kobe, kobile moni binanbile kire di aa te nongwa.

Galesia 5:20

te galbale kobile deminin si terere, te kume kaa te kankiray ere ibal terere, te kura bile kaymin paale terere, te ibal kalkan wou nerere, te den gule ibal terere, te inin gain kal kenin erere, te kawre dire guman inin inin direre, te kule si ware u inin baan baan pirere,

1 Timoti 6:10

Kirara wei sinangwa main iwe. Ibal kobe kobile moni binanbile aa te nerala di pire oisa tongwa, kal ki erungwa main main komin kanin dimue. Ibal taw kobe kobile moni irala di pirungwa maangwa, ena ibalin kobi ka main pire gibilin mui kol yere inin gain giil bil pire imue.

2 Timoti 3:8

Yanis te Yambiris yal sui, kaymin paale Mose tongwa mere, yalin kobi kan diga i, kaymin paale ka main kawen dungwa tomue. Yalin kobi nomanin gule daalin sungure, te ka main pire gi dungwa, main i pirungwa ta paikimue.

2 Pita 2:3

Ka main kakiibi dire nil si tongwa yalin kobi kalkan kane den inanin giramia, ena ka pore ta paikungwa di i tere, i kalkan aa te nenga, inin irala dinamue. Goma wen ka kol ere tongwa yal, God pirin pai yalin kobi tongure, giil pire inamue. Yalin kobi kirara sire i sutaw ere tenangwa yal, God ul ta paikire sirala dire, suul milemue.