Aposel 15:18 - Golin: God ka main buku

¹⁸ God Singaba goma ka iray di maribe erere malia kwi dimua.’”

Aposel 15:18 ပူးပေါင်းရင်းမြစ်များ

Matyu 13:35

Yesu iru di tongwa, “Ka kebe yal goma dungwa mere pire nima ongwa. ‘Ka di ibal teralga di bile diralwa. Goma gariba ere yongwa kaun, kalkan aal kule imo di paingwal paingwa, malia di maribe eralwa.’”

Matyu 25:34

Ena kenin erungwa yal bil iru di ibal anan wen kol milungwa teralga, ‘I ibalin kobe, na Abe miriin pai i tongwa, na miliga gul ere wo. God kenin ere ke milungwa ain i ala unanga, kama kaya wen gariba main ere yongwa aa te wai ere i tongwa i nenana dire, ere ala wo.

Aposel 17:26

Gariba ibal muru sanamoi gilekume yal taran ta milungwa, ena ibal para maale sulu dungwa. Main paangwa i God iru erungwa, God gariba bilin ta ibal kamin kaun u maribe nama dire, te gariba bilin para muru dinangwa u maribe nama dire, God kaya nomanin si pire eremua.

Epesas 1:11

Ena kamin kaya God konagi erala di pirungwa mere, yalini kal para muru iru ere milemue. Ere milungwa na Kirisito u taran pire bole pena galere, God ibalin kobe na milabina dire, yalini na Yuda ibal paale suna ere imue.

Epesas 1:4

Na ibal kobe kabin sire wai wen milabina dire, te pirin paangwa gule ere na ibal kobe na tenama dire, kamin gariba ere yekungwa kaun, God na ibal kobe paale suna ere imue. Kirisito pire gi di tere God ibalin kobe milabina dire, na ibal kobe paale suna ere imue. Yalini den miriin na tongwa,

Epesas 3:9

God konagi ta erala di pirungure aal kule paangwa i, di maribe ere ibal tegire, pirama dire, konagi iru ere na tomue. God kalkan para muru ere yerere, kobaan ere milemue. Ere milere goma maalungwa ibal kobe ka main aal kule paangwa i, di maribe ere ibalin kobe ta tekemue.

2 Tesalonaika 2:13

Tenamba na enan kobe, God den miriin i tongwa, na morin morin maki ye deminin si God te milabinwe. God aa te pilaan pai i tongure, sigare kule u wai nana dire, kamin kaya wen yalini i ibal kobe paale suna ere imue. U wai nanga main iwe, i ibal kobe kabin sire wai wen milana dire, God Iban yobilaan bile i tongure, te ka main kawen dungwa pire gi di milanga, u wai pi milanwe.

1 Pita 1:20

Kal iru erama dire, gariba gul main ta ole ere yekungwa kaun, God yalini paale suna ere imue. Irere i ibal kobe milinga pire, kamin kaun wei sinangwa kaun malia Kirisito i maribe ere i tomue.

Rebelesen 13:8

Bolima Siipe Siipe Gawlin si gulungwa, yalini buku ta ibal mile painangwal painangwa kaan bile paalemue. Gariba gul main ole ere yekungwa kaun, kaan i goma bile paalemue. Ibalin kobi taman, gariba ibal imo milungwa para muru, ana dire deminin si kabe biin i tenamue.

Rebelesen 17:8

Goma kabe biin i kwi milimba, malia ta milekemua. Ta milekimba, enderin gaul ai pisere ere yebe urala di eremua. Unangure pare, eme kirara wei sinamua. Ibal mile painangwal painangwa, ibalin kobe kaan gariba gul kaya ole ere yekungwa kaun, buku ta ali bile paalemua. Paalimba ibal kobe gariba gul mile kaan iru bile paalekungwa, ena ibalin kobi gariba gul milungwa kabe biin i kane buul kunamua. Goma kwi milimba, malia ta milekire eme u maribe namia, ena ibalin kobi kane buul kunamua.