2 Yon 1:2 - Golin: God ka main buku

² Ka main kawen dungwa, na ibal kobe nomanin suna di painangwal painangwa, ena na ibal kobe denan miranan i ibalin kobe tobinwe.

2 Yon 1:2 ပူးပေါင်းရင်းမြစ်များ

Yon Yesu guun kan ka minin ganin bilungwa 14:16

Na Abe ka sirin bile teralgire, ena aa ki di ibal tongwa yal, i yal kobe bole morin morin mile painama dire, nusi ere i tenamua. Aa ki di ibal tongwa yal i, yalini kawen kobaan milemua.

Yon Yesu guun kan ka minin ganin bilungwa 15:7

I na bole pena gale milabilga, te na ka diga pire nomanin suna ye milanga, ena kalkan i irala di pire, ana di God tenanga inanwa.

1 Korin 9:23

God kal wai ere ibal tongwa mere, na para ere na tenama dire, Yesu guun kan pire kalkan para eriwe.

2 Korin 4:5

Na yal kobe inan mile pai erebinga main, kere di maribe ere i ta tekere, “Yesu Kirisito mile na inan kobanan milemua,” di tere, te Yesu wai pirama dire, na yal kobe i nil konagi yal mile aa ki di i tobinwe.

Kolosi 3:16

Kirisito ka main di i tongwa nomanin si suna yeyo. Yenanga milin u maribe namue. I ibal kobe nomanin paangwa pire pol sinanga, ena inin inin ka nil si te ibeya ere kiraan aa tere di to. Denin miriin suna wai pire deminin si God tenanga kaun ka main geril dire, te ka main geril kayma wai paangwa di to.

2 Timoti 1:5

I ain Elois, te i manin Yunis, kirara kawen ka main goma pire gi dungwa mere, i para iru eme pire gi dinga, nomanin si pire te miliwe. Ka main iru, i pire gi dina di pire, kawen iru pire miliwe.

2 Pita 1:12

Ena kal main di i tega i kaya para pirere, te ka main kawen dungwa, aa gi di pire niminin mile milinba, i nomanin suna kwi, kwi nomanin si pirana dire, ka di i te milalwe.

1 Yon 1:8

Na ibal kobe mile, “Kal digan ere taalime ta erekungwa ibal milebinwa,” dirabina, ena na inan milebinga mere paikungwa pire ka main pire nomanin suna ta yekebinwe.

1 Yon 2:14

Na kule yega kobe, i ibal kobe para Abe God main pire pol singa pire, ka minin ganin iray bile i teya. I gaan kule yenga ibal kobe, kamin kaya goma wen Yesu Kirisito milungwa, i yalini main pire pol singa pire, ka minin ganin iray bile i teya. I yal garamil kobe, i yal kobe yobilagi niminin milere, te God ka main dungwa i pire nomanin suna yerere, te Satan i mun kol ere si kiranin bilere, te iru ere milinga pire, ka minin ganin iray bile i teya.

1 Yon 2:17

Gariba gul wei sinangure, te gariba gul gain kal pirungwa maangwa para wei sinamba, ibal ta mile God ka di yalini tongwa wiina ere te milamia, ena yalini mile painangwal painamue.