2 Pita 2:2 - Golin: God ka main buku

² U sutaw namba main geray dungwa i, ibal binanbile pire duulin bile waramue. Te yalin kobi main geray dungwa erangwa, ena ka main kol wai dungwa, di ime eramue.

2 Pita 2:2 ပူးပေါင်းရင်းမြစ်များ

Matyu 22:16

Di paalere yalin kobe gawlima taw, te Kerodi gawlima kobe para, nusi Yesu milungwa gul erungwa. Erungure pi bawa dire iru di Yesu tongwa, “Ka nil si tongwa yalo, i morin kirara kawen dinga pirebinwa. God main paangwa mere nil si ibal tenga para pirebinwa. Ibal singaba taran i aa ki di tekire, ibal maangwa te yaangwa i nomanin taran si pirinwa.

Matyu 24:24

Kaun iray kakiibi kobaan taw ure, ‘Na Kirisito miliwa,’ dinangure te kakiibi kobaan taw mile, ‘Na God ka kebe yal miliwa,’ dire u maribe namua. Pirere kal guman kwi dungwa erere, te kal main main ama erangwa, ibal kane buul kunamua. Kunangure God paale suna ere ingwa yalin kobe para kakiibi di tere kela kule terala dire, eramba.

Matyu 7:14

Mile painangwal painangwa kol iwe. Kana giran megemaaga dire kol sirin bile paangure, ena ibal taran taran tawle kol i duulin bile omua.

Maka 12:14

Nusi erungure, Yesu milungwa gul urere iru di tongwa, “Nil si tongwa yalo, i morin kawen dinga pirebinwa. Ibal singaba taran i aa ki di tekinwa. Ibal maangwa te yaangwa i nomanin taran si pirinwa. Te God ka para wen main paangwa mere ka nil si tenwa. I iru ere milinga pirere kobile takis Orom yal bil kaan Sisa terabinga, na yal kobe kile kaman ka main paangwa mere si keli sirabin mo sekerabine?”

Maka 13:22

Kaun iray kakiibi kobaan taw ure, ‘Na Kirisito miliwa,’ dinangure, kakiibi kobaan taw mile, ‘Na God ka kebe yal miliwa,’ dire u maribe namua. Pirere kal guman kwi dungwa erere, te kal main main ama erangwa, ibal kane buul kunamua. Kunangure God paale suna ere ingwa yalin kobe kakiibi di tere, kela kule terala dire eramba.

Yon Yesu guun kan ka minin ganin bilungwa 14:6

Dungure Yesu ka di kole ere iru dungwa, “Ibal kobe na Abe milungwa gul nangwa kol iray na miliwa. Kal para wen kirara kawen dungwa di maribe erungwa yal, na miliwa. Ibal kobe mile painangwal painama dire, na miliwa. Ibal kobe pire gi di na tenangwa, ibalin kobe tawle na Abe milungwa gul pi milamua.

Aposel 13:10

iru di tongwa, “Satan wan i milinwa. Kalkan para wai wen erungwa i kaymin paale tenwa. Kakiibi dire bawle tere, nomanin suna maa muulungure, Yesu Singaba kol wai bala di ibal tongwa, i su su ere milinwa.

Aposel 14:2

Yuda ibal Yesu ka main pire gi dekungwa yalin kobe milere, Yuda milekungwa ibal kobe deminin ki yere ka main enin kobe tenama dire, yalin kobe ibal kobe kiraan sungwa.

Aposel 16:17

Abalini Pol te na yal kobe duulin bile ware iru gala dungwa, “Yalin kobe God bil wen nilerari yal milungwa, u wai nanga kol i maribe eremua.”

Aposel 18:26

Yuda ka main ogu ala yobilaan bile ka di tongwa Pirisila te Akwila pirere, yalini awli ogin pirere, Yesu Singaba kol bala di ibal tongwa mere kawen nil si tongwa.

Aposel 19:9

Tomba ibal taw pire gi dikire girin di milere, ibal u ku bilungwa mina Yesu kol bala di tongwa di ime erungwa. Iru erungure Pol yalin kobe milungwa gul pisere gawlima kobe awli pire, yal ta kaan Tiranas, nil si tongwa ogin, are kaun kaun ka main diria ere milungwa.

Aposel 22:4

Yesu kol bala di ibal tongwa duulin bile warungwa ibal kobe, na si gulala dire, giil pire tere yal abal para kanin sire, kanin paangwa ogu ala eriwa.

Aposel 24:14

Ka ta di maribe ere i terala piro. Yesu kol ta kwi bala di ibal tongwa yalin kobe, ‘Kakiibi kol dimua,’ dimba, main iray dungwa mere, na God ana dire deminin si teiwa. Mose kile kaman ka te ka kebe yal kobe bilungwa mere, para pire gi diwa.

Orom 2:24

Si tengire ka main minin ganin iru dire bilungwa paangwa, “I Yuda ibal kobe kal digan iru ere milinga, ena Yuda ta milekungwa ibal kanere gain ka si God tomua.”

1 Timoti 5:14

Abal weray kobi iru erungwa paamia, ena abalin kobi kwi yal ta nama di piriwe. Kaymin paale na tongwa yal, na ibal kobe yaa ime si na tekenama dire, abalin kobe kwi yal ere pire gaan kule yere milin nongwa abal konagi erungwa mere, kwi si aine eramue.

Taitas 2:8

Kaymin paale i tongwa yal kobe, kalibain di na yal kobe tenangwa paikinamia, yalin kobi gay gule milama dire, ka main wai paangwa iray ka nil si to. Ka iru nil si tenanga, birun bale manin bale na ibal kobe na ta tekenamue.

1 Pita 2:12

God ta pire tekire imore milungwa ibal, i ibal kobe ibalin kobe bole ereko mile painanga, ena mile pai wai wen i maribe ere milanwe. Ibalin kobe mile, “I ibal kobe kal ki erungwa erinwa,” dire ka digwane waa i terala dinamba, i kal dime di ere milinga kanamia, ena God gariba gul u milangwa kaun, ibalin kobi deminin si yalini tenamue.

2 Pita 2:12

Awi bolima eli paangwa nomanin paikire inin nomanin pire erungure, ena ibal kobe kabe iray kan kule si gulabina dire milemue. Kabe iru milungwa mere, yalin kobi kal ta main pire pol ta sekungwa, kal main i ka di ime eremue. Awi bolima eli paangwa ibal kobe kabe iray si gulungwa mere, God yalin kobi iru si gulamue.

2 Pita 2:15

God ka dungwa pire wiina ere tongwa kol, yalin kobi kol wai iray piserere, kol gogo duulin bile pire kol wai ta kanekimue. Beo wan Belam kobile moni irala dire, kal digan erere irere wai pirungwa, yalini kol iru egilungwa mere, yalin kobi kol i para duulin bile egilemue.

2 Pita 2:18

Yalin kobi inin kaan gale yebe ere ka imore dimue. Kal piril sungwa erungwa ibal milungwa suna, ibal taw ka main malia pire gi dire ibal digan kobi milungwa gul piseremue. Piserungure ibalin kobi bawle terala dire, ka main kakiibi nil si tongwa yal kobe mile, “Abal kunibe ingwa main, main i para eranga kuunin paimua,” dire kiraan sire bawle ibalin kobi tomue.

2 Pita 2:21

Kabin sire kal wai erungwa main pire pol ta sikire, main i duulin bile ta erekinangwa, ena kal nigi dongwa eramue. Eramba main i kaya pire pol sire duulin bile erere, eme main i mun kal waa tere God kile kaman ka di tongwa piserangwa, ena kal nigi wen dongwa eramue.

2 Pita 2:7

Main paangwa si keli sungwa yal kobe, abal kunibe ingwa main main erungwa, yal Eloto kanere nigi de wen piremue. Pirere yal wai milungwa, God yalini kenin ere milungure yalini u wai omue.

Yut yalini ka minin ganin bile tongwa 1:10

Iru dimba, malia God pire tekungwa yal kobe kan diga i, yalin kobi kal ta main pire pol ta sekungwa, ena kal main i, ka di ime eremue. Te awi bolima ele paangwa nomanin paikire inin pire erungwa mere, yalin kobi iru eremia, ena u main pire kirara wei simue.

Yut yalini ka minin ganin bile tongwa 1:15

God pire tekungwa yal kal piril sungwa ere, te yalin kobi God ka di ime ere tongwa, ‘I pirin paimua,’ di yalin kobi terala dire, te ibal para ka kol ere terala dire, yalini unamua.”

Yut yalini ka minin ganin bile tongwa 1:4

Ka minin ganin bile i terala di piriga main iwe. God pire tekungwa yal taw, ka main ibal taminin milungwa suna aal kule u milemue. Na ibal kobe kal digan ere taalime erebinga, God pirin i gule ere na tere kal wai iru ere ibal tongwa, yalin kobi pirimba, “Na gaynan kal piriga maangwa mere erabinwa,” dire, te na yal kobe Singaba taran Yesu Kirisito ka dungwa, yalin kobi ka di kile di mena eremue. Kamin kaya wen ka main minin ganin ka iru dire bilungwa paangwa, “Ibal kobe kal ki iru erangwa, ena ka kol ere tere pirin pai ibalin kobi tenamua.” Dungure malia yalin kobi ka dungwa i, pire imue.

Yut yalini ka minin ganin bile tongwa 1:7

Te Sodom ai te Gomora ai te ogu ai binan kole kole para dungwa, ibalin kobe goma milungwa main iray di terala piro. Angel kobe taw kal digan erungwa mere, ibalin kobi si aine erere, te abal kunibe irala di miriin kabin paangure, te yal abal ingwa main duulin bile ta erekire kal main gogo ere waremue. Iru ere milungwa, enderin gaul ai giil pire enderin de painangwal painamue. Painangwa i pire na ibal kobe para iru ta erekirabina dire, i maribe ere na tomue.

Rebelesen 12:9

God angel kobe niminin milere oniba bilkaw iray te gawliman angel kobe para sire pusi gariba gul eremue. Oniba bilkaw iwe. Goma wen oniba milungwa kaan Satan dimue. Yalini gariba ibal para muru kakiibi di tere kela kule dire bawle tomue.

Rebelesen 13:14

God yalini kane unin si milungure pare, kabe biin ta eme u maribe ongwa i, kal guman kwi dungwa main main kabe biin ta goma u maribe ongwa i guman mina eremia, ena gariba gul ki pai milungwa ibal, yalini ibalin kobi bawle tomue. Kabe biin ta goma milungure, di kuba pera si gulimba, kwi imo milungure, te kabe biin ta eme ungwa i, gariba ibal kobe ka di tere iru dungwa, “Kobile bale kabe biin i giran guman si paale ire ere yeyo,” dire di ibalin kobi tomue.

Rebelesen 13:8

Bolima Siipe Siipe Gawlin si gulungwa, yalini buku ta ibal mile painangwal painangwa kaan bile paalemue. Gariba gul main ole ere yekungwa kaun, kaan i goma bile paalemue. Ibalin kobi taman, gariba ibal imo milungwa para muru, ana dire deminin si kabe biin i tenamue.