2 Korin 9:6 - Golin: God ka main buku

⁶ Ena i piro. “Yal ta komina tawliga yaalangwa tawliga buule nenamua. Te yal ta komina binanbile yaalangwa binanbile buule nenamua.” Dungwa main i, ibal ai yebe di tenanga, ena eme God ai yebe di i tenamue.

2 Korin 9:6 ပူးပေါင်းရင်းမြစ်များ

Luku 6:38

I kalkan obin si ibal tenanga, ena God obin si i tenamua. Tenangwa kalkan binanbile i tenangure, gal maa muulungwa mere i tenamua. I ibal kobe kalkan ere tenangwa mere, God para iru maan i tenamua.”

1 Korin 1:12

Ka diga i main iru paingwa. I ibal kobe mile yal taran taran ka ta ta iru dinga. Ibal taw mile, “Na Pol gawliman miliwa,” dungure te ibal taw mile, “Na Apolos gawliman miliwa,” dungure te ibal taw mile, “Na Pita gawliman miliwa,” dungure te ibal taw mile, “Na Kirisito gawliman miliwa,” dimue.

1 Korin 15:20

Ena na ka iru diiba, kirara kawen di i terala piro. Ibal kobe gulangwa God mile, “Ibal kobe gulere alangwa kal iru ere terabinwa,” dungure ka dungwa i, ibal kobe kawen dima di pirama dire, God ulin yuungure, Kirisito goma kawn kule gule alemue.

1 Korin 7:29

Na enan kobe, ka diga main iru paimua diya. Gain giil pirebinga kaun baan araway ta dekenamia, ena abal ingwa yal kobe, yal temine mile abal bole paikungwa mere iru milo.

2 Korin 9:10

Ibal komina yaalama dire, God komina milin ibalin kobi tere, te ibal komina nenama dire, God komina tomue. Iru tongwa mere, God i ibal kobe komina milin i tenangure, yaalingire binanbile bile maale sulu dinangwa buule nenanwe. Te i ibal kobe aa te wai ere ibal tenangire, maale sulu dire u gariba kole kole nama dire, God iru ere i tenamue.

2 Korin 9:5

Iru paangwa i pire kobile moni i terala dinga, aa tekun erana dire, ka main enan taw kobi goma nusi eriwe. I kaya aa tekun eranga, ena i inin nomanin si pire tenana di ibal iru piramue. Na kura ka di i tegire, tenanga ta paikinamue.

Galesia 3:17

Na ka di i tega main iru paamia. God mile, “Kalkan iru iru ere i teralwa,” dire aan kere ye tomue. Tongwa main iwe. Di tongwa pare, me erin po kandret teti wei sungure, Mose kile kaman kawn kule ka u maribe omue. U maribe omba God aan kere ye tongwa yaa ime ta sikinamue. God aan kere ye tongwa kawen kirara dungwa paamia, ena mana taan dire, “Paikimua,” ta dikinamue.

Galesia 5:16

Ena na ka di i terabina piro. God Iban i denin miriin wou bilungwa mere, wiina ere waro. Te gaynin kal piringa maangwa pisero.

Epesas 4:17

Yesu Singaba milungwa mina, na maabinan aa taw sire kawen kirara di pol si i teiwe. Ka main pire gi dekungwa kobe kal ere warungwa mere, i iru ta kwi erekio. Ibalin kobe nomanin gogo sire

Kolosi 2:4

Ibal kobe i kiranin sire bawle i terala dire, ka dinangwa i ta pire tekenana dire, ka diga i di i teiwe.

Kibiru 6:10

I ibal kobe God ibalin gawliman kobe aa ki di te milinga, konagi ere ibalin kobi tere, te denin miriin tenga, ena God kalin eringa i pire, kal wai ere i tenamue.