2 Korin 8:8 - Golin: God ka main buku

⁸ Ena ka diga i, i kiranin aa tere kile kaman ka di i tekiiba, i denin miriin ibal tenga kawen kirara ten mo, tekin mo, na kanala dire, Masedonia gariba baan ta ka main ibal kobe nega dire ibal taw aa ki di terala dungwa mere, di maribe ere i teiwe.

2 Korin 8:8 ပူးပေါင်းရင်းမြစ်များ

Orom 12:9

Ena i denin miriin ibal tenga, kirara niminin mile te milo. Kal ki erungwa main i den ki ye to. Main wai dungwa aa gi di pire ware milo.

1 Korin 7:12

Yal abal imo milungwa na ka di i terala piro. Ka diralga i, God Singaba ka ta dekungwa, na inan ka diralwe. Ka main enin ta milungure, ebinbi pire gi di Yesu ta tekenamba, yal abal sui, “Si waire si dawle milabilwa,” dinamia, ena yalini ebinbi ta i de erekinangwa paamue.

1 Korin 7:25

Ena kumil gi kobe milungwa mere, main paangwa ka diralwe. Ka di i teralga God Singaba kile kaman ka di na tekimba, God Singaba miriin pire na tere yobilaan bile na tomia, ena ka diralga ibal kawen dungwa dima di pirangure, na inan nomanin si pirega di i teralwe.

1 Korin 7:6

Na ka diga i, kaman i ta tekebinba, “I iru eranga paimua,” ka iru diwe.

2 Korin 6:6

Kal dime dire ere milere, te nomanin paangwa mere ere milere, te nigi de pire na tongure kane gogo ere milere, te aa te wai ere ibal terere, te God Kegemama Iban aa ki di na tongure milere, te denan miranan kirara ibal terere,

2 Korin 8:10

Kal tenanga iray na main kaniga mere, di i terala piro. Me erin ta goma i ibal kobe kawn kule, “Kobile moni terabinwa,” di pire kobile moni taw i ku bile maule yenwe.

2 Korin 8:24

Milemia ena aa te wai ere tere bole pena gale yalin kobi to. Tenanga ka main ibal taminin ta ta para kanere, te na i ibal kobe guun kan gale yebe erebinga, “Na ka diga paamua,” di piramue.

2 Korin 9:2

I ibal kobe aa ki di terala di nega di eringa piriwe. Piriga ena na miinin maare i kaanin gale yebe ere ka iru di Masedonia gariba gul ibal tega, “Akaya gariba gul ka main enan kobe me erin ta goma aa te wai konagi iray erala di eremua.” Iru diga, ena Masedonia ibal i ibal kobe yobilaan bilinga pirere, kobile moni kaya i ku bilemue.

2 Korin 9:7

Yal inin inin nomanin si pire, “Iru teralwa,” dungwa mere, tenangwa paamue. Nigi de pire kal tenangwa wai ta paikinangure, wai pire kal tenangwa wai painamue. Yal ta wai pire kalkan tenangwa, ena God den miriin yalini tenangwa paamue.

Epesas 4:15

Ta milekerabingi, na inan denan miranan ibal tere ka paangwa mere direre, te Kirisito bole pena gale tere u taran wen pi milabinga u ibal mere pire milabinwe. Kirisito iwe, yalini na ibal kobe gibilanan mere milungure,

Epesas 6:24

I ibal kobe Singaba Yesu Kirisito den miriin te milingal milinga, ena God kenin wai ere i ibal para tenama di pirebinga paamue.

Kibiru 10:24

Na ibal inin inin denan miranan te ibeya ere main wai paangwa mere erabina dire, inin inin yobilaan bile iru ere milabinga paamue.

1 Pita 1:22

Ena i ibal kobe ka main kawen dungwa i pire wiina eringa, i nomanin suna naabile i tongure milinwe. Milere te i ka main ibal milinga suna inin inin denin miriin suna te ibeya eringa, ena i denin miriin kawen kirara inin inin te ibeya ero.