2 Korin 8:12 - Golin: God ka main buku

¹² Yal ta terala di pire nega di eramia, ena i kalkan aa te nenga mere tenanga God kanere, “Aa te nongwa mere na tomua,” dire wai piramue.

2 Korin 8:12 ပူးပေါင်းရင်းမြစ်များ

Matyu 25:17

Ena nil konagi yal kina tausen sutan irere ama iru erere, ena kina tausen sutan ama, taw kora kule imua.

Matyu 25:22

Dungure nil konagi yal kina tausen sutan ingwa yal ure iru dungwa, ‘Singabo, kina tausen sutan na tenba, kobile moni konagi erere kina tausen sutan ama kora kule iga, para i teiwa.’

Luku 16:10

Kalkan tawliga kenin wai erungwa paimia, ena kalkan binanbile kenin wai erangwa painamua. Te kalkan tawliga kenin erimba, kakiibi dire bawle tomia, ena kalkan binanbile kenin ta erekire, kakiibi dire bawle tenangwa paamua.

2 Korin 8:11

Iru eringa, ena maliaga i ku bile to. Goma i yobilaan bile terala dinga, ena malia kalkan aa te nenga mere, kobile moni maule i ku bile to.

2 Korin 8:13

“To,” di i tega iwe. Ibal taw aa ki di tengire, dorimil milama dire, pirin bil pai i teralga, tamama. Dimba malia kalkan binanbile aa te nenga, ena aa te nekungwa ibal aa ki dire tenanga, kuunin painamue. Iru eranga, ena kamin kaun ta eme i kal tawle aa te nenanga kaun, ibalin kobi kalkan maan i tenamue. Iru painangwa i ibal kobe te ibalin kobi kuunin kuunin milanwe.

2 Korin 8:19

Nusi erabinga yal iwe, na yal kobe aa te wai konagi erebinga i, yalini na bole warabina dire, ka main ibal taminin kobe yalini i maribe ere imue. God Singaba kaan ibal ai yebe dinama dire, te aa te wai konagi erebinga i, nega di erebinga i iru kanana dire, konagi iru erebinwe.

2 Korin 9:7

Yal inin inin nomanin si pire, “Iru teralwa,” dungwa mere, tenangwa paamue. Nigi de pire kal tenangwa wai ta paikinangure, wai pire kal tenangwa wai painamue. Yal ta wai pire kalkan tenangwa, ena God den miriin yalini tenangwa paamue.

1 Pita 4:10

I ibal kobe konagi ta ta miremil erana dire, God yobilaan bil pai i tomia, ena aa ki di inin inin te ibeya erala dire, konagi main i nega di eranwe.