2 Korin 7:7 - Golin: God ka main buku

⁷ Yobilaan bile na tongwa main iwe. Yalini inin pi bawa dungwa tawle pirebinga, taman. Yalini i milinga gul milungure, i yobilaan bile yalini tenga piriga, ena na ama wai piriwe. Yalini mile, “Korin ka main ibal ka iru di na tongwa piro. ‘Na ibal kobe Pol kanabina di pirere, te miriin giil pire Pol terere, te Pol guun kan pire yebe erebinwa,’” dire i ka iru dinga, Taitas ure di na tongwa, ena na wai wen pire milebinwe.

2 Korin 7:7 ပူးပေါင်းရင်းမြစ်များ

Matyu 26:75

“Sia korale be dala di pirangwa, i ginin sutakobe na kaanan di aal kule ka di kile di mena ere na tenanwa,” dire Yesu goma iru di Pita tongwa, nomanin si pirere, Pita mena pire kay mun bile yaare simil kay miingwa.

Matyu 5:4

Ibal kobe kay miire miriin giil sire, ena ibalin kobe miriin paamua. Paangure God den miriin a ura di tenamua.

Luku 22:44

Yesu nomanin suna kirara ku ku maamia, ena ana dire dire milungwa. Mayan ole si yaa sungwa mere, yalini pire payan bilungwa, iru yaa main sungwa.]

Aposel 11:23

U bawa dire God kal wai ere ibal tongwa kane wai pirere, te ibalin kobe Yesu Singaba ka main aa girin di milama dire, yobilaan bile tongwa.

Orom 1:12

Ka diga i, main iru paamia piro. I ibal kobe te na para aa ki di inin inin te ibeya erabina dire, na pire gi diga i kanangire, te i pire gi dinga na para i kanalwe.

1 Korin 5:2

I ibal kobe kal iru eringa, tameran inin kaan gale yebe ere miinin maane? Iru eranga pisero. I ibal kobe mun bile kay miire milanba. I milinga suna yal ta kal iru erungwa, i bole ta milekenama dire, i mena kol ero.

2 Korin 1:14

Piriiba malia main kole tawle pirinwe. Pirinba Singaba Yesu ere ime unangwa kaun main kirara pire pol si milere, te kaun iray i ibal kobe mile pai eringa, na kane wai pire miinin maarabinga mere, i ibal kobe na mile pai eriga kane wai pire miinin maanana di pirebinwe.

2 Korin 1:4

Taalime main main u maribe pi na ibal kobe tongwa, God aa ki di na ibal kobe tomue. God aa ki di na tongwa mere, ibal kobe taalime main main u maribe nangwa, aa ki di ibalin kobi iru ere terabinga, kuunin painamue.

2 Korin 2:9

Na goma kile kaman ka bile i tega, i pire wiina erin mo, erekin mo, na i sua i kanala dire, bile i teiwe.

2 Korin 5:2

Malia na ibal kobe ogu ta mile paibinga mere, gaynan te yobilagi kule miriin sire buul kunebinba, kamin mina gaynan ta u sigi dinangure, kwi kulabina di pirebinwe.

2 Korin 7:6

Iru milebinba ibal kobe guman yaare miriin pire milungwa, God yobilaan bile ibalin kobe tongwa paamue. Paangwa mere God Taitas nusi na milebinga gul i erungure, ure yobilaan bile na tomue.

2 Korin 7:8

Na ka minin ganin goma bile i tega, giil pire i teiba, malia miriin ta pire i tekiwe. Goma miriin taw piriiba, malia miriin ta pirekiga main iwe. Ka minin ganin bile i tega, i kaun tawle giil pirinwe.

2 Korin 8:16

Na yobilaan bile aa ki di i terala di pirebinga mere, God yobilaan bile Taitas tongure, yalini bole ereko aa ki di i terala di piremue. Iru di piremia, ena na wai pire maki ye God tobinwe.

Pilipai 1:20

Na kal ta ere, gay gulalga kal i, ta erekirala di piriwe. Malia kal main obin dongwa ere na tomba, goma ka main di gawa diga mere, malia te eme para yobilaan bile para iru dirala di piriwe. Kwi imo milal mo, te gulal mo, Kirisito kaan gale yebe ere deminin si terala di pire, ka main kawen dungwa di gawa diralwe.

Kolosi 2:5

Na i ibal kobe bole ta milekebinba, na ibanan i bole para milinga, ena i ibal kobe pire gi di Kirisito tenga dime di ware aa gi di pire ere ware milinga, na kanere wai pire gun yeiwe.

1 Tesalonaika 3:6

Malia Timoti i milinga gul pire urere i ibal kobe pire gi dinga te den miriin ibal tere milinga ka pore wai di na tere, te i ibalin kobe, “Nomanin wai pire na tenwa,” dungure, te na yal kobe i ibal kobe i kanabina di pirebinga mere, i para iru na yal kobe na kanabina di pirinwe.

1 Tesalonaika 3:8

I ibal kobe Yesu Singaba bole aa gi di pire waranga, ena na yal kobe wai pire milabinwe.

Kibiru 2:1

Ena ka diga main iru paamia, ena Yesu ka main di na tongwa aa gi di pire milabinwe. Ka dungwa i pisere main ta duulin bile ta warekirabina dire, aa gi di pire milabinwe.

Yemis 5:17

U maribe nangwa mere, goma Ilaya ana di God tongwa iwe. Na ibal kobe milebinga mere Ilaya para iru mile, “Nimin ta sikio,” dire yobilaan bile ana di God tongure, ena me erin sutakobe, te ta kole nimin ta sikimue.

2 Yon 1:4

Abe God kile kaman ka di na tongwa mere, ka main kawen dungwa i wan abilin taw duulin bile wiina ere milemia, ena na wai wen piriwe.

Yut yalini ka minin ganin bile tongwa 1:3

Ena na ye nega kobe, God aa ki di na ibal kobe tongure sigare kule u wai obinga, ka main i na bile i terala di piriiba, malia na iru piriga paangwa, pire gi dungwa ka main kaymin paale tongwa ibal ka dungwa yaa ime sinama dire, yobilaan bile i ibal kobe terala dire, ka minin ganin iray bile teralwe. Pire gi dungwa main i, God ginin ta tawle si aine di yalini ibalin kobe tomue.