2 Korin 6:8 - Golin: God ka main buku

⁸ te ibal na kaanan gale yebe ere na tongure, ibal taw na kaanan gale ime ere na tongure milere, te ibal taw ka digwane waa na tongure, ibal taw deminin si na tongure milere, te kal main iru ere milebinga, na God konagi yal milema di ibal iru pire na kanemue. Na yal kobe kakiibi dima di ibal iru pirimba, kawen di milebinwe.

2 Korin 6:8 ပူးပေါင်းရင်းမြစ်များ

Matyu 10:25

Iru paimia ena nil sungwa gaan kobe mile, nil si tongwa yal milungwa mere milala di pirangwa milamia, te nil konagi yal mile, na singaba yal milungwa mere milala di pirangwa milamia. Ena ibal kobe mile, ‘Sia yal bil kaan Bielsebul milinwa,’ iru di yal singaba ta tomia, ena gain ka bil si yalini gawliman kobe tenamua.

Matyu 22:16

Di paalere yalin kobe gawlima taw, te Kerodi gawlima kobe para, nusi Yesu milungwa gul erungwa. Erungure pi bawa dire iru di Yesu tongwa, “Ka nil si tongwa yalo, i morin kirara kawen dinga pirebinwa. God main paangwa mere nil si ibal tenga para pirebinwa. Ibal singaba taran i aa ki di tekire, ibal maangwa te yaangwa i nomanin taran si pirinwa.

Matyu 27:63

iru dungwa, “Singabo, ena kasu kobaan kwi imo mile, ‘Are kaun sutakobe wei sinangure kwi alalwa,’ dungwa maliaga pirebinwa.

Maka 12:14

Nusi erungure, Yesu milungwa gul urere iru di tongwa, “Nil si tongwa yalo, i morin kawen dinga pirebinwa. Ibal singaba taran i aa ki di tekinwa. Ibal maangwa te yaangwa i nomanin taran si pirinwa. Te God ka para wen main paangwa mere ka nil si tenwa. I iru ere milinga pirere kobile takis Orom yal bil kaan Sisa terabinga, na yal kobe kile kaman ka main paangwa mere si keli sirabin mo sekerabine?”

Yon Yesu guun kan ka minin ganin bilungwa 7:12

Ibal binanbile u ku bilere ka binanbile diria ere ibal taw mile, “Yalini yal wai milemua,” dungure te ibal taw mile, “O, o yalini ibal bawle tongwa yal milemua,” dungwa.

Aposel 10:22

Yalin kobe dungwa, “Simil nen kenin erungwa yal kaan Konilias, yalini wai wen mile yaa ime sire, God deminin si tongure Yuda ibal para wai pire tomua. I ka pore dinanga yalini pirama dire, God angel iru di yalini tomua, ‘Pita i ogin wo, di to.’”

Aposel 16:39

Pirere ka ura paangwa dire, “Miriin pirebinwa,” dire awli mena pire ai i pisere yal sui ere nama dire, di tongwa.

Aposel 22:12

“Ai malai yal ta milungwa kaan Ananayas, Mose kile kaman ka pire wiina ere milungure, Yuda ibal kobe ain iray mile, ‘Yal wai milemua,’ dire gun ye yalini tomua.

Aposel 24:5

Yal ta i taalime binanbile erungwa, te Yuda ibal gariba baan baan para muru milungwa yalin kobe kura gale tongwa, te Nasarete ai yal ka main duulin bile pirungwa ibal kobe, yalini ibalin kobe singaba milemua.

Aposel 28:22

I inin main nomanin si piringa mere, pirala erebinwa. I ka main kwi dinga, gariba gariba ibal para yaa ime si tongwa pirebinwa.”

Aposel 4:21

Dungure kuril pire tenama dire, u ku bilungwa yal kobe kwi yasu kan tere “Ere po,” dungwa. Yalsu kal erungwa ibal kobe para deminin si God tongware u ku bilungwa yal kobe yalsu sinangwa kuunin ta erekungwa.

Aposel 5:13

Milungure ibal taw mena milungwa bole pena galekenamba, ibal para wai pire yalin kobe tongwa.

Aposel 6:3

Paikungwa iray yal anan kole muru kole sutan God Kegemama Iban den miriin suna mile nomanin paingure, ibal kobe kane, ‘Yal wai milemua,’ dungure yalin kobe, ‘Konagi iray ero,’ di terabinwa.

Orom 3:8

“Kal ta, wai ta u maribe nama dire, kal ki ere milabinwa,” dire tameran ka iru ta dikirabine? Dirabinga kakiibi bil wen dirabinba, ibal taw mile, “Pol iru dimua,” dire na kaanan si ime eremue. Erimba God pirin pai ibalin kobi tere gain giil pire tenangwa paimue.

2 Korin 1:18

God milungwa maabinin mina na aan kere yere ka iru di i tega, “Na ka di i tega, ka gogo ta dikire kawen kirara diwa.”

2 Korin 11:21

I ibal kobe mile pai iru eringa meri, na niminin mile mile pai iru eralba, niminin ta milekia gay guliwe. Dimba yal ta kal ta inin erungwa kanere, miinin maare inin kaan gale yebe erangwa mere, na para eralga ta paikinamo? Painamia ena yal du mile du ka dungwa mere dirala piro.

2 Korin 12:16

I ibal kobe mile, “Pol, ‘Aa ki di na to,’ ta di na tekimba, yalini kela kule dire bawle na tomua,” dire na miliga kane di na tenwe.

2 Korin 4:2

Ibal kiraan sire bawle tongwa main pisere kela kule dire kakiibi ta dikire, te kakiibi dire, “God ka main dungwa iru iru dimua,” dire ibal iru bawle di tekebinwe. Ka iru di tekire, ka main kawen dungwa kirara di gawa di ibal tobina, ena ibalin kobi God mabin mina mile nomanin suna obin si pire ka dungwa paama di pirama dire, di tobinwe.

1 Tesalonaika 2:3

Na i kiranin aa tere di i tobinga main iwe. Kakiibi dungwa main ka ta di i tekire, te kal piril sungwa main para ka di i tekire, te i ibal kobe bawle terala dire, ka iru ta di i tekebinwe.

1 Timoti 3:7

Ibal kobe ka main ta pire gi dikire mena milungwa ibal, gun ye yalini tenangwa paamue. Ibal kobe yalini ka kol ere tere Satan kakiibi dire kela kule tere bawle ta tekenama dire, yalini iru mere mile pai eramue.

1 Timoti 4:10

God mile paangwal paangwa mile ibal para aa ki di tongwa yal milere, te ka main pire gi dungwa ibal kirara aa ki di tongwa yal milungwa, na yal kobe yalini pi tegi yobina, ena kal dime dire konagi nega di ere milebinwe.

Kibiru 13:13

Mayan garu di na ibal kobe tomia, ena yalini mena kol mile gay gulungwa mere, inin ibal kobe pi yalini kulere para gay gule milabinwe.

1 Pita 4:14

I ibal kobe pire gi di Kirisito tenga, ibal taw ka piril sungwa di i tenamia, ena i pire miriin painanwe. Yobilaan bilungwa Iban, God Iban i bole si dawle milebilga, ena i miriin painanwe.

3 Yon 1:12

“Demitirias yal wai milemua,” dire ibal para iru di maribe erungure, te ka main kawen dungwa mere, yalini iru ere milungure, te na ama para yalini guun kan di maribe erigire, na kawen dima di pire i ibalin kobe iru pire kaninwe.

Rebelesen 3:9

Ka di i terala ere gule piro. Ibal taw i milinga suna Satan gawliman mile, ‘Yuda ibal miliwa,’ dimba kakiibi dungwa, ena ibalin kobi iwe. Ibalin kobi ure i kawnin mina yaa i kwi bile deminin si i tenama dire, na bale nusi ibalin kobi teralwa. Teralgire na denan miranan i tega, ibalin kobi kanamua.