2 Korin 6:6 - Golin: God ka main buku

⁶ Kal dime dire ere milere, te nomanin paangwa mere ere milere, te nigi de pire na tongure kane gogo ere milere, te aa te wai ere ibal terere, te God Kegemama Iban aa ki di na tongure milere, te denan miranan kirara ibal terere,

2 Korin 6:6 ပူးပေါင်းရင်းမြစ်များ

Orom 12:9

Ena i denin miriin ibal tenga, kirara niminin mile te milo. Kal ki erungwa main i den ki ye to. Main wai dungwa aa gi di pire ware milo.

Orom 15:19

te kalkan eriga ibal kane buul kune milere, te kal guman kwi dungwa main main erere, te God Kegemama Iban yobilaan bile na tongure, konagi main iru erebinwe. Erebinga ena Yerusalem ain Kirisito guun kan di gawa dire kere di maribe eriga, ere mili ubinga ubinga Ilirikam pi bawa dibinwe.

1 Korin 12:8

Ibal ta nomanin paangwa main di maribe erama dire, God Iban yobilaan bile ibalini tongure, te ibal ta kalkan para main pirungwa di maribe erama dire, God Iban iray yobilaan bile ibalini tongure,

1 Korin 13:4

Na ibal kobe denan miranan ibal terabinga kal main iru erabinga, na ibal kobe gin taran nigi de pire ibal ta tekire, te denan miranan wai pire ibal terere, te ibal kal ta aa te nongwa san bale tekire, te inan kaan gale yebe ta erekire, te miinin maare kule si warekire,

1 Korin 2:16

Ta sekungwa ena ka main minin ganin iru dire bilungwa paangwa, “God Singaba nomanin si pirungwa mere ibena para pirame? Ibena kile kaman ka di yalini tename?” Ka iru dimba Kirisito nomanin si pirungwa mere, na ibal kobe para iru pirebinwe.

1 Korin 2:4

Gaynan nuure ka pore di i ibal kobe tega iwe. Ibal kamil kaa wai bilungwa mere kere di tekebinba, kere di i tega i, God Iban yobilaan bile na tongwa mere, kere di maribe ere i teiwe.

2 Korin 1:23

Ena na nomanin suna si piriga God kanemia, ena malia ka di i teralga kawen dim mo, dikim mo, yalini kanamue. Kawen dirala i piro. Na i ibal kobe kan ta tekerala dire, na i milinga ain, Korin, ole u bawa dikibinwe.

2 Korin 11:11

Tameran ka iru di i teiye? “Denan miranan i ta tekiwa,” dire ka iru diralo? I pisera. Denan miranan kirara i tega, God para piremue.

2 Korin 11:4

Tameran na nomanin si gogo eriye? Yal taw i milinga gul ure, na Yesu milungwa main di i tega mere, ka i pisere, yalin kobi, “Yesu iru milemua,” dire i kiranin sire kere di maribe ere i tongure, i pire tengiwe. Te God Iban mo Yesu guun kan goma aa gi di piringa, main sui iray pisere, iban ta te ka main ta aa gi di piringiwe. Iru ere milinga, na nomanin si gogo eriwe.

2 Korin 11:6

Na ka diga girabilan su paangwa mere diiba, ka main ere gule pire kuunin ere ka main milin di maribe ere i teiwe. Ka main kawen dungwa, main ta ta para wen morin di bawa di i tegire pirinwe.

2 Korin 12:15

I ibal kobe aa ki di i tegire, u wai nana dire, na kalkan para te pisere, te nil konagi nega di ere i terala dire, wai wen piriwe. Na denan miranan kirara i teiba, i denin miriin tawle na tekinano?

2 Korin 13:10

I ka main ibal kobe pire gi dinga, na i sutaw ere tenama dire, God yobilaan bile na tekungwi, i pire gi dinga pi nima nama dire, yobilaan bile na tomue. Tomia ena na i milinga gul uralga kaun, God yobilaan pai na tongwa, kura ka di i tekerala dire, na baan ta mile ka minin ganin bile i teiwe.

2 Korin 2:10

Yal ta taalime ere i tenangwa, “Ka kol ta paikimia, wei simua,” di tere ka wai di yalini tenanga, ena na para yal i ka wai di yalini teralwe. Na mile, “Ka kol ta paikimia, wei simua,” dire di yal ta teralga, na Kirisito guman mina mile i ibal kobe milinga pire ka iru di teiwe.

2 Korin 2:4

Na ka minin ganin goma bile i tega, na denan miranan suna ku ku maarere, te i ibal kobe kay mi i tere bile i teiwe. I ibal kobe miriin giil sinama dire, ka minin ganin bile ta i tekiiba, na denan miranan kawen kirara i tega, i kane pirana dire, bile i teiwe.

2 Korin 3:3

Ka minin ganin bilungwa ka baan diga i, na i ibal kobe ka main kere di i tobingire, i pire gi dinga ibal kobe i kanere, “Pol ka main konagi erungwa paimua,” dungure Kirisito ka minin ganin bile na tongwa mere ere na tomue. Ka iray kobile mina ta bilekungwi, God milungwal milungwa yalini inin Iban ure, ibal den miriin suna pai milere, nomanin suna ali bilemue.

2 Korin 4:6

God mile, “Si bilungwa ali para aw di piraa sinamua,” dimue. Dire milere, te God naabile aw dungwa mere, Kirisito i maribe erungwa, na ibal kobe pire pol si pirabina dire, yalini na nomanan suna pai mile naabile aw di na tomue.

2 Korin 7:2

Ena i denin miriin na terala di ero. Na kal digan ere i yal ta tekire, te nomanin kama si i yal ta terala dire, iru ta erekire, te kiraan sire bawle i yal ta tekebinwe.

Galesia 3:2

Na ka taranta ka sirin bile i terabina piro. Mose kile kaman ka pire wiina ere tere konagi wai ere milinga, God inin Iban i tom mo, Yesu ka main pire gi di tenga, God Iban i tome? Yesu ka main pire gi di tenga, God Iban i tomue.

Galesia 3:5

God yalini inin Iban ere i tere, te kal guman kwi dungwa main main i milinga suna ere i maribe ere i tomue. Ere i tongwa iwe. Mose kile kaman ka pire wiina ere tenga, yalini pire ere i tom mo, Yesu ka main pire gi di tenga, yalini pire kal i ere i tome? Pire gi di Yesu tenga, ere i tomue.

Galesia 5:22

Dimba God Iban den miriin suna pai milungwa kal, i maribe ere iru paamia. Den miriin ibal terere, te gun yere miriin kabin pai milere, te God kenin ere na toma di pire den miriin aregan ere milere, te ibal kal digan ere na toma di pirimba, pire unin si milere, te kal wai ere ibal terere, te aa te wai ere ibal terere, te, “Kal iru erabinwa,” dungwa mere erere,

Epesas 3:4

i kere piranga, ena Kirisito kamin kaya goma wen ka main aal kule ere yongwa pirebinga mere, i piranwe.

Epesas 4:2

Milere i omilin kabin gulangure, den miriin suna ura dinangure milo, te ibal ta nigi de pire i tenangwa, i pire unin si milo, te i milinga suna yal ta taalime i maribe erangwa, i yalini aa ki di tere yalini den miriin to.

Epesas 4:32

I ibal kobe inin inin aa te wai ere tere denin miriin to. God mile Kirisito nusi gariba gul erere kal wai ere i ibal kobe i tere pirin paangwa gule ere i tongwa mere, ibal kobe kal gogo ere i tenamba, i pirin gule ere to.

Kolosi 1:27

God konagi erala dire, iru nomanin si pirungwa, “Ka main kawen diga wi yebe pire wai wen dimia, gariba bilin ta ta para muru di maribe ere ibal teralwa,” dimue. Ka main aal kule paangwa iru di paalungwa paangwa, “Kirisito Iban i denin miriin suna pai milemia, ena God naabilungwa ai iray i pi si dawle milanwa.”

Kolosi 2:3

Nomanin paangwa main te kalkan pire pol sungwa main ibal kobe main sui pirala di pirangwa iwe, ena ibalin kobe Kirisito milungwa main kanamia, main sui iray para kanamue.

Kolosi 3:12

Ena i ibal kobe kal dime dire ere mile God wan abilin milana dire, i paale suna ere ingure milinwe. Yalini den miriin i ibal kobe tomue. Tomia ena miriin pire ibal tere, te aa te wai ere ibal tere, te inin kaanin pire yaa ime sire, te girin ta di milekire mone mone di erere, te nigi de pire i tenangwa i pire unin si milere, te main iru mile pai ero.

1 Tesalonaika 2:10

I ibal kobe Yesu ka main pire gi di milinga na yal kobe i bole milebinga, God gun ye na tenama dire, iru milere, te na kabin sire wai wen milere, te pirin pai na tekenama dire, iru milere, te na yal kobe iru ere milebinga, i ibal kobe te God para kane iru di maribe eranwe.

1 Timoti 4:12

I yal garamil milinga, ibal taw mile, “I ka dinga paikimua,” di i tenamba, ka dungwa i, ta paikinama dire, ka main pire gi dungwa ibal kol wai ta egilama dire, i kol iru egile waro. Ka wai dire, te main wai paangwa ere ware mile, te denin miriin ibal tere, te ka main pire gi dinga, pire niminin mile, te kabin sire dorimil milo.

1 Timoti 5:2

Te i manin kal ere tenga mere, kal iru ere abal dimanin kobe to. Te i alenbi kal ere tenga mere, kal iru tawle abal garamil ere tere kal dime dire ere milo.

2 Timoti 3:10

Ena yalin kobe kal iru ere milimba, na ka nil si tega, te mile pai eriga, te na kalkan erala di piriga, i pire kane duulin bile warinwe. Te na ka main pire gi diga, te kal digan ere na tongure pire unin si miliga, te denan miranan ibal tega, te ka main aa gi di pire pire ere miliga, te kal main iru ere miliga, i pire pol sinwe.

2 Timoti 4:2

Ka main kere di maribe ere ibal to. Te, “Kamin kaun i dinanga paamua,” dinangwa di to. Te, “Kamin kaun i dinanga ta paikimua,” dinamba di to. Te kan to. Te kawre di to. Te yobilaan bile milama dire, i kaman to. I ka iru dire nil si ibal tenanga, ena ibalin kobi main gin taran ta pirekenama di piranba, nigi de ta pire tekire ka nil si te tere milo.

Taitas 2:7

Te i we. Ibal kobe kol wai egilama dire, i kalkan para mile pai eringa kal wai paangwa ere milanwe. Ka nil si ibal tenanga, nomanin tegi dire kawen dima di pire di to.

Yemis 3:17

Main iru u maribe namba, nomanin wai paangwa kamin mina ai ere ime ungwa main iwe. Yal ta nomanin iru painangwa, ena yalini nomanin naabile kal dime dire ere milere, te den miriin suna ura di milere, te ka wai di ibal tere ka di taran u nama dire, bole pena gale milere, te miriin pire ibal tere kal main wai paangwa i maribe erere, te ibal maangwa yaangwa milema di ta pirekire, te ka sutan ta dikire kawen dima di pire dinamue.

1 Pita 1:12

Yalin kobi konagi erungwa aa ki di yalin kobi inin ta erekungure, “Konagi eringa, eme ibal kwi maalungwa aa ki di ere tenanwa,” dire God main iru di maribe ere yalin kobi tere i ibal kobe kan dimue. Aa ki di i tongwa main iwe. Malia ka main kere di i tongwa yal kobe, Kirisito milungwa main para di gawa di i tomue. Tongwa God yalini inin Kegemama Iban nusi ime erungure, ure ka di yalin kobi tongure, kere di maribe ere i tomue. Ka di i tongwa main i, angel kobe pire pol si pirabina di piremue.

1 Pita 1:22

Ena i ibal kobe ka main kawen dungwa i pire wiina eringa, i nomanin suna naabile i tongure milinwe. Milere te i ka main ibal milinga suna inin inin denin miriin suna te ibeya eringa, ena i denin miriin kawen kirara inin inin te ibeya ero.

1 Yon 3:18

Na kule yega kobe, na ibal kobe denan miranan terabinga ka imore di tere, te giran mina tawle imore di terabinga pisera. Denan miranan terabinga, konagi kawen ere tere, te aa te wai ere terabinwe.