2 Korin 6:4 - Golin: God ka main buku

^4-5 Na yal kobe God nil konagi yal milebinga, ibal kobe iru kanama dire, na yal kobe kal wai morin erebinwe. Erebinga mere iwe, gain giil pire na terere, te pirin obin dongwa u aw si na terere, te taalime ere na terere, te kuba aa tere na sirere, te ibal na kanin sirere, te ibal kobe imu dire den gule na tere na sirere, te na nil konagi yal miligire, te ul wai ta paikire, te kenan gule milere, te iru ere ware milebinba, yobilaan bile niminin mile milebinwe.

2 Korin 6:4 ပူးပေါင်းရင်းမြစ်များ

Luku 21:19

I ka main aa gi di milangal milanga, aa ki dire a pilaan pai tenamua.

Yon Yesu guun kan ka minin ganin bilungwa 16:33

I yal kobe bole pena gale na tere den miriin suna ura dinangure kamin wai taanama dire, ka iru di i yal kobe teiwa. Gariba gul ibal gain giil pire i yal kobe tenamba, gariba gul yal singaba, Satan, na yalini si ime ere i sutaw ere tobinga, ena i yobilaan bile milo.”

Aposel 2:22

“Isirel nen kobe, ka dirala piro. Yesu Nasarete ai ki paingwa yal i bole para milungure, God yalini nusi erungwa i kanana dire, God Yesu yobilaan bilungure yalini kal guman kwi dungwa erere, kalkan ibal kane buul kunungwa erere ibal main pirama dire kalkan para i maribe erungure, i yal kobe kaninwa.

Aposel 20:34

Na inan anan sutan konagi eriga na te ibalan bole komina te kalkan nobinwa. I yal kobe inin para kaninwa.

Aposel 9:16

Na kaanan di maribe erere giil pirangwa, pire di maribe ere yalini teralwa.”

Orom 14:18

Te ibal ta main iru ere milungwa mere, konagi ere Kirisito tenangwa, ena God gun ye ibalini tenangure, te ibal kobe mile, “Ibalini erungwa paimua,” di tenamue.

Orom 16:10

Ka main konagi erungwa paangwa yal ta kaan Apelis milungure, “Yalkuno, mile dinio,” di tobinwe. Aristobulas bole para ki pai milungwa kobe milungure ama para, “Yalkuno, mile dinio,” di tobinwe.

Orom 3:5

Dimba na ibal kobe kal digan erebinga God kabin sire wai wen milama dire, i maribe erangwa, na tawa di terabine? Ibal nomanin si pirungwa mere, dirala piro. God gain giil pire na ibal kobe tenangwa, “Yalini kal iru ere na tongwa ta paikimua,” dire maan di kole ere terabino?

Orom 5:8

Ibal kobe kal iru erimba, inin ibal kobe kal digan ere taalime ere milebinga, ena Kirisito kuman kine na pire gule na tomue. Gule na tongwa, ena God den miriin na ibal kobe na tongwa i maribe eremue.

1 Korin 3:5

Ena Apolos te Pol yal sui, ibena mileme? Na yalsui God nil konagi yal milere, God “Konagi ta ero,” di na yasu tongwa mere erebilgire, i ibal kobe pire gi di Yesu tenwe.

1 Korin 4:1

God kamin kaya goma wen ka main aal kule ere yongwa di maribe ere ibal ta tekungwa, ka main i God “Kenin ero,” di tongwa kenin erungwa ibal milere, te Kirisito nil konagi ibal para milebinwe. Milebinga mere, i ibal kobe mile, “Na ibal kobe iru milemua,” di piro.

1 Korin 9:11

God ka main milin i nomanin suna kaula si yenana dire, na goma kere di i tega, ena i ibal kobe kulgal bona na tenanga main ta paikimo? Main painangwiwe.

2 Korin 11:23

Te yalin kobi Kirisito ka main nil konagi yal milemo? Milia di pirimba, na kawen kirara iru miliwe. Ayo, na nomanin paikungwa mile ka iru diwe. Konagi erimba, na ka main konagi nega di eriwe. Eriga kanin na sungure milere, te kuba na sungure milere, te na si gulama dungure milere, te kal binanbile iru ere na tongure miliiba, yalin kobi iru erungwa mere, ta maakimue.

2 Korin 11:27

Na konagi nega di erere, te kamin kaun binanbile ulkun ta paikire, te komina kenan gule nil para gule milere, te kamin kaun binanbile komina te ogu te gal iralga, kuunin ta erekimue.

2 Korin 11:9

Te na goma i ibal kobe milinga suna milere ka main nil si i te miliga, na kobile moni wei sungwa kaun i, i ibal kobe kobile moni na tenana dire, kaan ta di i tekiwe. Masedonia ka main enan kobe ure komina kuunin biinangwa mere, na tomue. Na tongure goma, “I ibal kobe kal ta na to,” dire kaan ta dikiga mere, eme para iru kaan ta dikiralwe.

2 Korin 12:10

Iru diga paamia, ena yobilaan ta bilekiga yal milere, te gain ka si na tongure milere, te kal obin dongwa aw si na tongure ere milere, te giil pire na tongure milere, te taalime main main ere na tongure milere, na mile pai iru ere miliga, Kirisito yobilaan bil paangwa ibal pirama dire, nigi de ta pirekire miranan paimue. Na niminin ta milekiga kaun, Kirisito yobilaan bil pai na tongure miliwe.

2 Korin 12:12

God nusi erungwa ongwa yal, Aposel, na kirara iru milema di i iru kanana dire, na i milinga suna konagi ere i teiwe. Kal ere i tega iwe, kal guman kwi dungwa ere, te kal niminin milungwa yobilaan bile eriga, ena i ibal kobe kane buul kunere, God na paale suna ere ima di kaninwe.

2 Korin 2:17

Ibal taw kobe God ka main konagi erungwa, konagi bil ta paikima di pire erungwa mere, na yal kobe konagi iru ta erekibinba, God konagi iray ere na toma di pire, Kirisito bole pena gale mile God guman mina kirara di gawa di ibal tobinwe.

2 Korin 3:6

Ibal kobe God guman kane ire u taran pi milama dire, ka main i konagi erabina dire, yalini yobilaan pai na tomue. Te ka main iwe, kile kaman ka minin ganin ta bilekungwi, God Iban main paangwa mere, ka dire bile paalemue. Kile kaman ka minin ganin bilemia, ena ibal gulangwa kol i maribe erimba, God Iban ibal si kwi ye tongure, sigare kule kwi milemue.

2 Korin 4:17

Na gaynan giil pirebinga, baan tawliga pire gin taran wei sinamba, God ere wai ere na te milangwal milamue. Gain giil pirebinga mere, iru ere na tekenamue. God ere wai ere na tenangwa, maa kora kule na tenamue.

2 Korin 4:2

Ibal kiraan sire bawle tongwa main pisere kela kule dire kakiibi ta dikire, te kakiibi dire, “God ka main dungwa iru iru dimua,” dire ibal iru bawle di tekebinwe. Ka iru di tekire, ka main kawen dungwa kirara di gawa di ibal tobina, ena ibalin kobi God mabin mina mile nomanin suna obin si pire ka dungwa paama di pirama dire, di tobinwe.

2 Korin 4:8

Ibal taw kobe na yobile suna ere wenabe gire taalime main main ere na tomba, kol wai ta nabina dire, kanebinwe. Te ibal taw nomanin binanbile si na tomba, na pire gogo ta erekibinwe.

2 Korin 7:11

I giil pire iru miriin pire milinga, God kalkan i maribe ere i tongwa iwe. I konagi nega di eringiwe. Te ka digwane waa i tongwa, i pirin ta paikima di ibal iru pirama dire, ka dingiwe. Te kal nigi dongwa erungwa, i nigi de piringiwe. Te God den gule tongwa main kanere, kuril pire milingiwe. Te na kwi kanala di piringiwe. Te ka main konagi nega di eringiwe. Te yal ta kal digan erungwa, pirin pai yalini terala di piringiwe. Kal main iru ere milinga, ena i pirin pai imo ta dekenama di pirebinwe.

Kolosi 1:11

Pirere God yobilaan bile kirara niminin milungwa mere, yobilaan pai i tenamue. Kura taalime u maribe pi i tenangwa, i pire unin si wai pire milana dire, yobilaan pai i tenamue.

Kolosi 1:24

Ena malia na gaynan giil pire miliga iwe, i ibal kobe wai milana dire, na gaynan giil pire miliwe. Pire miliiba, gun ye God teiwe. Na ibal kobe ka main ibal taminin Kirisito miin gain te yobilagi dungwa mere milebingire, Kirisito na ibal kobe pire na tere gain giil pirungwa mere malia na gaynan giil iru taw pire Kirisito aa ki di tere pire te miliwe.

1 Tesalonaika 3:7

Na enan kobe, na yal kobe taalime main pai milere, te gaynan giil pirebinba, i iru di pire te i ka main pire gi wen di milinga pirere, na yobilaan bile denan miranan suna niminin mile milebinwe.

1 Tesalonaika 5:14

Enan kobe, kaman i terala piro. Ibal kobe sin nege ere milungwa, kiraan aa tere ka di to. Ibal kobe suna niminin ta milekungwa, i ibalin kobi yobilaan bile to. Ibal kobe ka main pire gi tawliga dungwa, i ibalin kobi aa ki di to. Ibal kobe para milungwa i denin miriin suna ura dinangure ibalin kobi i gin taran nigi de pire tekio.

1 Timoti 2:15

Kal iru erimba, abal kobe gaan kule yenangwa, God aa ki di tere kenin wai ere tenamue. Abalin kobi ka main pire gi di milere den miriin te milere, kal dime dire ere milere inin gain ibal ta kanekinama dire, iru ere milangwa, ena God aa ki di abalin kobi tere kenin wai ere tenamue.

1 Timoti 4:6

Ena kile kaman ka diga i, i si aine di ka main enin kobe tenanga iwe. Iru tenanga, Kirisito Yesu nil konagi yal wai mile ka main milin nil si tongwa, te ka main, main wai paangwa, duulin bile pire waringa, ka main pire gi dinga pi nima namue.

1 Timoti 6:11

Ena ibal taw kal main iru erimba, i God gawliman mile kalin dungwa mere, i iru ta erekirala dire, kanekun ere milo. Kabin sire wai wen milere, te kal dime dire ere ware milere, te ka main pire gi di milere, te denin miriin ibal tere milere, te ka main aa gi di pire pire milere, te girin ta di milekire mone mone di erere, kalin kan diga i duulin bile ere milala dire, konagi nega di ero.

2 Timoti 1:8

Ena kal main iru ere i tomia, na Singaba Yesu ka main di gawa di ibal terala dinanga, gay ta gulekio. Te na Yesu guun kan kere di maribe eriga, na kanin pai miliga pire, gay ta gulekio. God yobilaan bile i tongwa mere i, “Yesu guun kan kere di maribe ere gaynan giil pire milalga paamua,” di pire milo.

2 Timoti 2:24

Yesu Singaba nil konagi yal inin kura ka ta dekenangwa paamue. Yalini mone di mile aa te wai ere ibal terere, te ka nil si tenangwa, painama di pire milere, te kal digan ere tongure pire unin si milamue.

2 Timoti 4:5

Piramba ena iwe. Kal para u maribe nangwa, nomanin si gogo erekire nomanin sigi di milo. Gaynin giil ta u maribe nangwa kaun i, i gaynin giil pire ale niminin mile milo. Ka main gariba kole kole para ware biinama dire, kere di maribe ere ibal to. God ka main konagi ere i tongwa mere, kirara wen dime di ere milo.

Kibiru 12:1

Ena ibalin kobe mile pai iru ere milimba, na ibal kobe iwe. Ibal kobe pire gi di God tongwa ibalin kobi binanbile milungure, na ibal kobe suna milebina, ena kal obin dongwa aw sibinga, te kal digan ere taalime erala dibinga, kal i piserabinga paamue. Pisere te God kol wai bala di na tongwa, kol iray egile duulin bile warabinga paamue.

Rebelesen 1:9

Ena i ibal kobe ka main enin ta, na Yon miliwe. I na bole Yesu Kirisito gawliman milebilga, gain giil bole para pire milere, te yalini kenin ere ke milungwa suna bole milere, te ka main aa gi di pire milabingal milabinga bole milere, na ibal kobe iru milebilwe. God ka dungwa na kere di maribe erere, Yesu ka main kawen dungwa di gawa diga, ena ibal na nusi mena erere, “Pi pirin nil suna gariba ai mege kaan Patmos milo,” di na tongure, na u miliwe.

Rebelesen 3:10

Ka main aa gi di piringa, ‘Yobilaan bile niminin milo,’ di tega mere eringa, ena gariba gul ibal muru gain giil pirungwa kaun u maribe nangure, na i ibal kobe kenin ere i te milalga wai milanwa. Ibal para muru sua i kanama dire, kamin kaun iray kawen u maribe namua.