2 Korin 4:16 - Golin: God ka main buku

¹⁶ Ena iru paangwa main i pire, ka main konagi gay gule ta erekire, na yobilaan bile erebinwe. Na gaynan bile yerala di erimba, kamin kaun kaun na nomanin suna si kwi ye na tongure, sigare kule u wai obinwe.

2 Korin 4:16 ပူးပေါင်းရင်းမြစ်များ

Luku 11:3

Kemina komina kuunin biinangwa mere na to.

Orom 12:2

Gariba ibal inin main paangwa kal erungwa mere, ta ere milekio. I kal digan eringa kwi nomanin suna si kiruul sire u ibal wai ta nala di piringire, “I iru ere na to,” di God to. Ka di tenanga, ena God kalkan ere i terala dinangwa mere piranwe. Kalkan ere i tenangwa kal wai erere, te eranga, yalini kawen gun ye i terere, te kirara kawen dungwa paamue.

Orom 7:22

God kile kaman ka di ibal tongwa, na denan miranan suna wai pire wiina ere terala di piriga paamue.

1 Korin 15:58

Na enan kobe, na ye nobinga milinga, ka main goma di i tega iru paamia, kwi dirala piro. Ka main pire niminin mile kirara girin di milo. Yesu Singaba konagi eringa, kal imore ta dekenama di piringa, ena konagi nega di ere yalini to.

2 Korin 12:15

I ibal kobe aa ki di i tegire, u wai nana dire, na kalkan para te pisere, te nil konagi nega di ere i terala dire, wai wen piriwe. Na denan miranan kirara i teiba, i denin miriin tawle na tekinano?

2 Korin 4:1

Ena God miriin giil pire na tere, “Ka main konagi iray ero,” di na tongwa gay gule ta erekire, na yobilaan bile konagi iray erebinwe.

Epesas 3:16

Na iru sirin bile God tobinga, i ibal kobe pire gi di Kirisito tere yalini i nomanin suna mile pai erama dire, God inin Iban nusi i tere, yobilaan bil wen paangwa mere, i nomanin te denin miriin suna yobilaan bile niminin milana di pire di tobinwa. God yobilaan bile miriin pire ibal tongwa mere pirere, God iru ere i tenangwa di yalini tobinwa. Di tere ka ta iru para sirin bile tobinga, i ibal kobe denin miriin tenanga main, kirara iru wen milana di pire, di God tobinwa.

Epesas 4:23

I nomanin suna si kiruul sire sigare kule u wai pi milo.

Taitas 3:5

yalini aa te pilaan pai na tongure, sigare kule u wai obinwe. Na ibal kobe inan kalkan wai erebinga pire aa te pilaan pai na tekimba, yalini inin miriin pire na tere aa te pilaan pai na ibal kobe na tomue. Iru ere na tongwa iwe. Yalini nil bigin si na tongwa kwi kule ye na tere, te God Kegemama Iban u si kwi ye na tongure, sigare kulebinwe.

1 Pita 3:4

ibal kobe i kanama dire, denin miriin te nomanin suna wai painangure, nomanin suna kabin si mile den miriin mone di dinan milo. Main iru milanga imo di painangwal painangure, te God main i eringa kanere, “Kirara wi yebe omua,” di i tenamue.

1 Pita 4:14

I ibal kobe pire gi di Kirisito tenga, ibal taw ka piril sungwa di i tenamia, ena i pire miriin painanwe. Yobilaan bilungwa Iban, God Iban i bole si dawle milebilga, ena i miriin painanwe.