2 Korin 3:7 - Golin: God ka main buku

⁷ Ena Mose kile kaman ka kobile mina woole bile ibal tongwa kaun, God naabile aw dungwa, kaun iray u maribe omue. U maribe ongure pare, aw dungwa i u mege omba, Mose guman mina aw bil dimia, ena Isirel ibal kobe kobe kanangwa, i ere gule ta kanekimue. Mose kile kaman ka bilemia, ibal gulangwa kol i maribe eremue. Erungure ka i u bawa dungwa kaun, naabile aw dungwa bole umia,

2 Korin 3:7 ပူးပေါင်းရင်းမြစ်များ

Aposel 6:15

U ku bilungwa yal para Sitiben guman mina tena yulin bile kanere, angel guman kulungwa mere guman iru kulungwa kanungwa.

Orom 10:4

Ibal kobe mile, “Kile kaman ka pire wiina ere terabinga, kabin sire wai wen milabinwa,” di pirimba, Kirisito ure main paangwa i kirara wei simue. Wei sungwa main iwe, ibal kobe pire gi di Kirisito tenamia, ena God mile, “I pirin gule ere tegire, wai wen milanwa,” di tenamue.

Orom 4:15

Mose kile kaman ka dungwa mere, wiina ere terala dimba, ibal kobe kuunin ta erekimia, ena God pirin pai tere gain giil pire tenamue. Dimba kile kaman ka u maribe ta pekenangwa, ena pirin pai ibal kobe ta i tenamue.

Orom 5:20

Mose kile kaman ka u maribe ongwa main iwe. Ibal kobe kal digan ere taalime erungwa sinaa di u bil nama dire, kile kaman ka u maribe omue. Sinaa di u bil omba, God kal wai ere kenin wai ere ibal tongwa main i, kirara u bil wen omue.

Orom 7:10

Kile kaman ka dungwa i, gulekirabinga main i maribe ere na tenama di pirebinba, gulabinga main i maribe ere na tomue.

Orom 7:22

God kile kaman ka di ibal tongwa, na denan miranan suna wai pire wiina ere terala di piriga paamue.

Orom 7:5

Goma na ibal kobe inan baan ware mile inan nomanin si pirebinga mere warebinga, kile kaman ka pire gogo ere kal piril sungwa erala dire, gain kal pirungwa maamue. Maamia ena gulungwa main u maribe pi na tomue.

1 Korin 13:10

kamin kaun ta kal main para muru u maribe nangwa, ena kal main kole tawle pirebinga wei sinamue.

2 Korin 3:3

Ka minin ganin bilungwa ka baan diga i, na i ibal kobe ka main kere di i tobingire, i pire gi dinga ibal kobe i kanere, “Pol ka main konagi erungwa paimua,” dungure Kirisito ka minin ganin bile na tongwa mere ere na tomue. Ka iray kobile mina ta bilekungwi, God milungwal milungwa yalini inin Iban ure, ibal den miriin suna pai milere, nomanin suna ali bilemue.

2 Korin 3:6

Ibal kobe God guman kane ire u taran pi milama dire, ka main i konagi erabina dire, yalini yobilaan pai na tomue. Te ka main iwe, kile kaman ka minin ganin ta bilekungwi, God Iban main paangwa mere, ka dire bile paalemue. Kile kaman ka minin ganin bilemia, ena ibal gulangwa kol i maribe erimba, God Iban ibal si kwi ye tongure, sigare kule kwi milemue.

2 Korin 3:8

ena God Iban ere wai ere ibal tongwa i, naabile aw dungwa bil wen bole ungwa paamue.

Galesia 3:10

Ena ibal taw mile, “Mose kile kaman ka pire wiina ere terabinga u wai nabinwa,” dungwa yal kobe, God kanere den ki ye tenangure mili namue. Iru mili nangwa main iwe, ka main minin ganin iru dire bilungwa paangwa, “Mose kile kaman ka minin ganin bilungwa paangwa para muru, ibal ta pire wiina ere tekire duulin bile ta erekinangwa, ena God den ki ye tenangure, mili namua.”

Galesia 3:21

Iru dungwa paamia, ena Mose kile kaman ka God aan kere yongwa ka yaa ime simo? Ta yaa ime wen sekungwi. Ibal kobe sigare kule u wai nama dire, kile kaman ka main ta i maribe erangwa, ena ibal kile kaman ka i pire wiina ere tenangwa, God mile, “I kabin sire wai wen milinwa,” di yalini tenamba.

Kibiru 12:18

Ena goma Isirel ibal kobe kal main erungwa mere, i ibal kobe iru ta erekinanwe. Ibalin kobe kamin kuul ta Sainai yene ale milungwa kaun, enderin bilkaw dongure, te kamin gire sibilungure, te kamin gwi bilkaw maangure,

Kibiru 3:3

Yal ta ogu kiingwa ibal kanere, “Ogu wai dimua,” dimba, ogu kiingwa yal i kaan aa te yebe wen eremue. Iru erungwa mere, ibal Mose kaan aa te yebe erimba, Yesu kaan aa te yebe wen erungwa kuunin paamue.

Kibiru 9:4

Kiile iray kalkan ala iwe. Ulgu galungwa de minanin wai sungwa bol ta kobile gol ere yongwa dungure, te God kile kaman ka di Mose tongure, kobile sutan ka minin ganin i bolimina bilungwa bokisi ta ala yongure, bokisi kole kole para bolimina kobile gol ere yongwa dungure, te goma Isirel ibal gariba simi yongwa milungure, God komina ta kaan mana tongure, komina mugu ta kobile gol ere yongwa ali yongwa mugu iray bokisi bil para ala yongwa dungure, te yal bil Eron kolaa goliba kwi dainin bile arin sungwa, para bokisi bil iray ala yongure dimue.