2 Korin 13:9 - Golin: God ka main buku

⁹ Na yobilanan ura di milebingire, te i ibal kobe niminin mile milinga, na miranan paimue. Paingure u ibal pire kal dime di ere kabin sire wai wen milana dire, ana di God tobinwe.

2 Korin 13:9 ပူးပေါင်းရင်းမြစ်များ

Orom 15:2

Na ibal kobe ka main ibalan kobe pire gi dungwa pi nima nama dire, konagi wai ere terabinga paamue.

1 Korin 1:10

Iru paamba na ka main enan kobe we. Na ibal kobe Singaba Yesu Kirisito pirere, yalini yobilaan bile na tongwa mere, i kiranin aa tere ka iru di i tega. I ibalin kobe ka dinanga ka taran tawle diria ere milo. Guman inin inin dinama dire, dikio. Nomanin taran si pire kal taran iru ere milala di piranga, u taran pi milo.

1 Korin 2:3

Pirere ena i milinga gul uga denan miranan suna yobilagi niminin ta milekire, kuril pire gaynan nuumue.

1 Korin 4:10

Kirisito kaan gale deminin si terabinga pire na ibal kobe yal du dungwa milebinba, i ibal kobe Kirisito bole pena gale mile nomanin paangwa milingiraba. Na ibal kobe yobilagi ura dungwa milebinba, i ibal kobe yobilaan bile niminin mile milingiraba. Ibal kobe nigi de pire na ibal kobe tomba, ibal kobe deminin si i ibal kobe tonguraba.

2 Korin 11:30

Ayo na miinin maare inan kaanan gale yebe eralga, ena yobilaan ta bilekiga mere, di maribe ere i teralwe.

2 Korin 13:11

Ena na enan kobe, ka ta diga i para wei simia. I ibal kobe u ibal pire kal dime di ere kabin sire wai wen milala di pire, mile pai iru ero. Na i kiranin aa tere ka di i tega, i pire nomanin suna yeyo. Guman kane ire u taran pi mile si dawle pena gale milo. Iru milanga, den miriin tongwa kobaan te den miriin yaa ime si milungwa yal, God, yalini u i kulere, bole ereko milamue.

2 Korin 13:4

Yalini gulungwa kaun iwe, niminin ta milekungure, eri pera mina si gulimba, gule kwi alungwa kaun, God yobilaan bil pai yalini tongure, milemue. Kirisito niminin ta milekungwa mere, na ama iru niminin ta milekiiba, God yobilaan pai na tongure, Kirisito bole pena gale na tere u taran pi milabilga, yobilaan wen bile kalkan ere i teralwe.

2 Korin 4:12

Na yal kobe si gulabina di omia, ena gulungwa main pire gain giil pire milebinaba, i ibal kobe sigare kule u kwi nanga kol ware milinwe.

2 Korin 7:1

Na ye nobinga kobe, God mile, “Kal iru iru ere i teralwa,” dire aan kere ye na ibal kobe na tomia, ena nomanin gule daalin sungwa main pisere, te kabin sire kirara wai wen mile erabina dire, kuril pire God tere deminin si te milabino.

Kolosi 1:28

Main iru painama di pire Kirisito ka main kere di ibal tobinwe. Ibal kobe Kirisito bole pena gale u ibal ongwa mere, iru kuunin nangure, awli pi God aan mina terabina dire, na ibal kobe nomanin paangwa pire bigan kule i tere ka nil si tobinwe.

Kolosi 4:12

Ena i gawlimanin ta kaan Epapiras, Kirisito Yesu nil konagi yal mile, “Yalkuno, abalkuno, mile dinio,” di i tomue. God kalkan ere i terala dungwa mere, i para muru pire wiina ere, u ibal mere pire ka main pi nima nama dire, Epapiras kamin kaun kaun i kanin pire ana dire iru sirin bile God te milemue.

1 Tesalonaika 3:10

Girungwa taangwa na yal kobe kal ta u maribe nama dire, girin di ana dire iru di God tobinga, ibal kobe ka main pire gi dungwa pi nima nama dire, na ibalin kobi guman kanabina dire, kal iru ere na to.

2 Timoti 3:17

Ka main dungwa i, God yalin kobe pire wiina erangwa, ena konagi wai paangwa main main para kuunin erama dire, yalin kobi konagi iray main kanamue.

Kibiru 12:23

God kawn kule, kule yongwa kobe u ku bile milungwa gul ure ale milinwe. Ibalin kobi kaan kamin mina kaya bile paalemue. Ibal para mile pai erungwa mere kane ka kol pirungwa yal God, te God ka main pire kal dorimil erungwa gulere ibalin kobi iban imo milungwa, ibalin kobi God milungwa gul ure ale milinwe.

Kibiru 13:21

God i ibal kobe kal ta erama di pirungwa, iru wen erana dire, den miriin awra di tongwa yal, God aa te wai ere i tenama di piriwe. Yesu Kirisito aa ki di na ibal kobe tongure, God kal wai ta inin pirungwa mere, iru ere na tenama di piriwe. Ibal kobe God kaan aa te yebe ere deminin si yalini tenangwal tenamue. I kawen.

Kibiru 6:1

Malia ka diga paamia, ena Kirisito ka main goma kawn kule pirebinga main, iru tawle piri nabinga nabinga tamama. Ka main pire gi dibinga pi nima nama dire, ka main milin ere gule pirabino. Yesu ka main, main paangwa kaya nil si i tegi, kwi ama para ta di i tekeralga paamue. Goma main ki mile pai eringa, mun kal waa tenga pirere, te pire gi di God tere mile pai eringa para pirinwe.

1 Pita 5:10

I baan tawle giil pire milangire pare, aa te wai ere ibal tongwa yal God, i niminin milana dire, te i pire gi dinga pi nima nama dire, te yobilaan bile i terala dire, kal main iru ere i tenamue. God yalini naabile aw dungwa mile painangwal painangwa bole milana dire, te Kirisito bole pena gale milana dire, God “Ere wo,” di i tomue.