1 Yon 3:2 - Golin: God ka main buku

² Ye nobinga kobe, malia God wan abilin na ibal kobe milebinga, eme kal ta kwi u maribe pi na tenangwa pire pol sekebinwe. Dimba Kirisito kwi u maribe milangwa kaun, yalini milungwa main kawen kirara kanabina, ena yalini milungwa mere na ibal kobe iru milabinwe.

1 Yon 3:2 ပူးပေါင်းရင်းမြစ်များ

Matyu 5:8

Ibal kobe den miriin wai yere milere, miriin paamua. Paangure ibalin kobe God i maribe erangure kanamua.

Luku 17:30

Iru erungwa mere Na U Ibal Obinga Yal u maribe nalga kaun, para iru eramua.

Luku 20:36

Angel kobe ta gulekungwa mere, ibalin kobi para iru milamua. Ibalin kobe gulere alamia, ena God wan abilin muru milamua.

Yon Yesu guun kan ka minin ganin bilungwa 1:12

Tekimba ibal taw kobe aa te wai ere tere pire gi di yalini tomia, ena ibalin kobe God kule yongwa kobe milama di pirere, yobilaan bile tongwa.

Yon Yesu guun kan ka minin ganin bilungwa 11:52

Dimba Yuda ibal tawle wai imo milama dire, tamama. God baan baan para ibal kule yongwa u ku bile taminin taran milama dire, Yesu gulungwa.

Yon Yesu guun kan ka minin ganin bilungwa 17:24

“Na Abe, ibalin kobe kobaan i milinba, ‘Kenin ero,’ di na tengire, na pi milalga ain ibalin kobe para pi milama di piriwa. Kamin kaya wen gariba ta ere yekebinga kaun, i den miriin na tenga, ena yobilaan bil bile na tenga ibalin kobe kanama dire, para pi milama di piriwa.

Orom 8:16

Di tobingire God Iban te na ibanan para ka ta di maribe ere iru dungwa, “Na wanan abilan milinwa,” di inin ibal kobe na tomue.

Orom 8:18

Ena maliaga na ibal kobe gain giil pirebinga, i ta maakinama di pirebinwe. Kirisito naabile aw dungwa bole God i maribe ere na tenangure kanabina, ena gain giil pirebinga, i ta maakinamue.

Orom 8:19

God wan abilin kobe i maribe erangwa kaun, God kalkan para ere yongwa kobi kanala di pire suul milemue.

Orom 8:29

Kamin kaya wen, ibal kobe na ibalan kobe milama dire, God pirere yalini Wan milungwa mere ibalin kobe milama di pire paale suna ere imue. Ingure kebin abin milungwa Yesu yalini abin kominin milama di pire, ibalin kobi kebinbi paale suna ere imue.

1 Korin 13:12

Nilniminin gumanan kanekun ta erekibinga mere iray, maliaga main paangwa iru pire kanebinba, eme Yesu Kirisito guman giran kirara u maribe nangwa omilan kanabinwe. Maliaga nomanin paangwa main muru ta pirekebinba, eme na milebinga main God kirara pire pol sungwa mere, na main para muru iru pirabinwe.

1 Korin 15:49

God yal ta gariba ere yongure milungwa mere, na ibal kobe gumanan iru kulebinga, ena yal ta kamin mina pisere ere ime ure milungwa mere, gumanan iru si paale ire kulabinwa.

1 Korin 2:9

Ta pirekimba ka main minin ganin iru dire bilungwa paangwa, “Ibal kal ta kanekire, te ta pirekire, te kal ta u maribe nama di pirekungure, kal i God aa tekun erere, den miriin yalini tongwa ibal ere terala dimua.”

2 Korin 3:18

Na ibal kobe para Kirisito pire gi di tobinga milere, God Singaba naabile aw dungwa, nil niminin guun mere i maribe erungwa mere, na ibal kobe para God Singaba naabile aw dungwa, iru mere i maribe erebinwe. Guman gal ta yobile tekire i maribe erebinwe. I maribe erebinga, ena God Singaba Iban mile pai erungwa mere, na ibal kobe para iru ere milabina dire, yalini ere wai ere na tomue.

2 Korin 4:17

Na gaynan giil pirebinga, baan tawliga pire gin taran wei sinamba, God ere wai ere na te milangwal milamue. Gain giil pirebinga mere, iru ere na tekenamue. God ere wai ere na tenangwa, maa kora kule na tenamue.

Galesia 3:26

Ta paikungwa iwe, i ibal kobe pire gi di Kirisito Yesu tenga, ena God wan abilin milinwe.

Galesia 4:6

Yalini wan milinga, ibal kobe kane bawa dinama dire, God mile yalini Wan Iban nusi na tongure, den miriin suna mile, “Abe, na abe,” di tomue.

Pilipai 3:21

Yalini ure na ibal kobe gariba gul gaynan digan kulebinga pisere, kiribinin pu ere na tere yalini kamin mina pire gain ta kulungwa mere, kwi iru kule na tenamue. Yalini kalkan para wen imu dire gibilin a kole sungwa, yobilaan iru bile kal erungwa mere, na gaynan ta kwi kule na tenamue.

Kolosi 3:4

I ibal kobe mile pai eringa, Kirisito komin kanin taran wen milemue. Milere Kirisito kwi ure u bawa dinangwa kaun, i ibal kobe bole ereko u bawa dire yalini naabile aw dungwa para irere milanwe.

Kibiru 9:28

Ibal gin taran gulungwa mere, Kirisito gulungwa, ibal kobe kal digan ere taalime erungwa, Kirisito ibal kobe pirin paangwa irere gulemue. Yalini kaun ta kwi ere ime unamba, ibal kal digan ere taalime erungwa yalini kaun iray ibalin kobi pirin ta ikire, ibal kobe yalini unama di pire suul mile kanungwa, ibalin kobi sigare kule u wai ongwa, pi nima nama dire unamue.

2 Pita 1:4

Kal iru ere na ibal kobe tomia, ena yalini mile kal iru ere i terala dire, aan kere ye na tongure, ka dungwa i, maa yebe pire wai wen dimue. Ka dungwa i, i ibal kobe aa gi di piranga, ena gariba gul gaynin kal piringa maangwa i mun kol ere God main paangwa u taran pi milanwe.

1 Yon 2:28

Ena na kule yega kobe, i yalini bole pena gale pi taran milo. Milanga ena yalini kwi gariba gul kwi u maribe pire unangwa, i ibal kobe kuril di kanekire gay ta gule tekenanwe.

1 Yon 2:7

Na ye nobinga kobe, kile kaman ka kwi ta minin ganin bile i tekebinba, kile kaman ka minin ganin bile i tega, kamin kaya goma wen bilungwa paamue. Paangwa mere kere di i tongure kaya piringiray.

1 Yon 3:1

Abe God den miriin wai wen na ibal kobe tongwa kaningirawa. Den miriin na ibal kobe tere, “Na wanan abilan milinwa,” di na ibal kobe tongure, yalini wan abilin kirara kawen milebinwe. Gariba ibal God ta pirekemia, ena ibalin kobi na ibal kobe para ta pirekemue.

1 Yon 3:10

Ibal taw kobe God wan abilin milam mo, Satan wan abilin milam mo, tamintan guman kanekun erabine? Ibal ta kal wai ta erekinam mo, den miriin enin ta, ta tekenamia, ena ibal i God wan abilin ta milekenangwa paamue.

1 Yon 3:21

Iru paimia, ena na ye nobinga kobe i piro. Na ibal kobe inan nomanin suna, “I pirin paimua,” di na tekenangwa, ena na ibal kobe God guman mina mile denan miranan suna yobilaan bile niminin milangure milabinwe.

1 Yon 5:1

Ibal kobe mile, “Yesu milere, God konagi erungwa yal, Kirisito milemua,” dire ka i pire gi dinangwa, ena ibalin kobi God wan abilin milemue. Milungure ibal kobe den miriin nen tenangwa, ena ibalin kobi den miriin wan para tenamue.

Rebelesen 2:28

Te kulmama ta kaan Mebil, kwimile imo de dungwa, na kulmama iray ibalin kobi teralgire aw di tenamua.

Rebelesen 22:4

Ibalin kobe yalini guman kanangure, te yalini inin kaan ibalin kobi maabin mina bile paalamue.