1 Yon 3:18 - Golin: God ka main buku

¹⁸ Na kule yega kobe, na ibal kobe denan miranan terabinga ka imore di tere, te giran mina tawle imore di terabinga pisera. Denan miranan terabinga, konagi kawen ere tere, te aa te wai ere terabinwe.

1 Yon 3:18 ပူးပေါင်းရင်းမြစ်များ

Luku 7:5

Yalini na Yuda ibalan kobe wai pire tere, te Yuda ka main ogu inin ki obin golin si na tomia, ena i aa ki di tenanwa.”

Yon Yesu guun kan ka minin ganin bilungwa 17:19

I kirara kawen dinga pirere, te ibalin kobe para i konagi taran ere milama dire, i kal ta ere na terala di piranga, ‘Kal i ere na to,’ diwa.

Orom 12:9

Ena i denin miriin ibal tenga, kirara niminin mile te milo. Kal ki erungwa main i den ki ye to. Main wai dungwa aa gi di pire ware milo.

Galesia 5:13

Ena na enan kobe, i ibal kobe milinga iwe. Mose kile kaman ka i ibal kobe kan ta kulekenangure, sigare kule u wai nana dire, God i gala dungure milinwe. I iru milinba, gaynin kal piringa maangwa mere, iru erala di piranga ta erekio. Denin miriin inin inin te ibeya erere, te aa ki di inin inin te ibeya ero.

Epesas 4:15

Ta milekerabingi, na inan denan miranan ibal tere ka paangwa mere direre, te Kirisito bole pena gale tere u taran wen pi milabinga u ibal mere pire milabinwe. Kirisito iwe, yalini na ibal kobe gibilanan mere milungure,

1 Tesalonaika 1:3

I ibal kobe pire gi di Yesu Kirisito tenga, ka main konagi erere, te den miriin ibal tenga, konagi nega dire erere, te Singaba Yesu Kirisito kalkan ere i terala dungwa, i aa gi di pirere, te kal iru ere milinga, na yal kobe Abe God milungwa gul pire i tere milebinwe.

1 Pita 1:22

Ena i ibal kobe ka main kawen dungwa i pire wiina eringa, i nomanin suna naabile i tongure milinwe. Milere te i ka main ibal milinga suna inin inin denin miriin suna te ibeya eringa, ena i denin miriin kawen kirara inin inin te ibeya ero.

1 Yon 2:1

Na kule yega kobe, i ibal kobe kal digan ere taalime ta erekinana dire, ka minin ganin bile i teiwe. Ka bile i teiba, na ibal ta kal digan ere taalime erabinga, ena aa ki di ibal tongwa yal, Abe God bole milere yal iray, na ibal kobe pi kulere ka di God tere aa ki di na tenamue. Aa ki di ibal tongwa yal, Yesu Kirisito, kabin sire wai wen milungwa yal milemue.

1 Yon 3:7

Na kule yega kobe, ibal ta kakiibi dire i bawle tenamba, ka dinangwa i, i ta pirekio. I inin niminin milo. Kirisito kabin sire wai wen milungwa mere, ibal ta kal wai erangwa, ibal i para kabin sire wai wen milangwa paamue.

2 Yon 1:1

Na ka main goma yongwa yal na milere, ka minin ganin i bilere, abal singaba te abalini wan abin kobe teiwe. Ka main kawen dungwa pire na denan miranan i ibalin kobe para i teiba, ka main kawen dungwa ibal kobe para pirungwa den miriin i ibal kobe para tomue.

3 Yon 1:1

Na ye nega Gayas, ka main kawen dungwa pire, na denan miranan i tere ka main goma yongwa yal na milere, minin ganin i bile i teiwe.