1 Yon 2:3 - Golin: God ka main buku

³ God kile kaman ka wiina ere terabinga, ena yalini pire pol sibina di pirabinwe.

1 Yon 2:3 ပူးပေါင်းရင်းမြစ်များ

Luku 6:46

“I ibal kobe mile, ‘Yesu Singabo,’ iru di na tenba, tameran ka di i tega mere wiina erekine?

Yon Yesu guun kan ka minin ganin bilungwa 14:15

“Ena i yal kobe den miriin na tenanga, ena na kile kaman ka di i tega wiina eranwa.

Yon Yesu guun kan ka minin ganin bilungwa 15:10

Na kile kaman ka di tega wiina eranga, ena na denan miranan i yal kobe te milalwa. Te milalga mere iwe. Na Abe kile kaman ka di na tongwa wiina eriga, ena yalini den miriin na te milemua.

Yon Yesu guun kan ka minin ganin bilungwa 15:14

Na kile kaman ka di i tega wiina eranga, ena na ye nega kawen milanwa.

Yon Yesu guun kan ka minin ganin bilungwa 17:3

I God taran kirara kawen milinga ibal kobe iru pire pol sire, te i yal ta Yesu Kirisito nusi ime eringa, ibal kobe yalini para pire pol sinangwa, ena mile painangwal painamua.

2 Korin 4:6

God mile, “Si bilungwa ali para aw di piraa sinamua,” dimue. Dire milere, te God naabile aw dungwa mere, Kirisito i maribe erungwa, na ibal kobe pire pol si pirabina dire, yalini na nomanan suna pai mile naabile aw di na tomue.

Kibiru 5:9

Yesu God giran pire wiina ere tongwa para kuunin pai milungwa kaun, ibal kobe Yesu giran pire wiina ere tongwa, ena ibalin kobi sigare kule u wai pire mile painangwal painama dire, Yesu kal iru ere ibalin kobi tenangwa paamue.

1 Yon 2:13

I gaan kule yenga yal kobe, kamin kaya goma wen Yesu Kirisito milungwa, i yalini main pire pol singa pire, ka minin ganin iray bile i teiwe. I yal garamil kobe, i yal kobe Satan i mun kol ere si kiranin bilinga pire, ka minin ganin iray bile i teiwe.

1 Yon 3:14

Pire gi dikire gulungwa gul ain iray pisere, pi pai milangwal milangwa gul ai iray obinga kanebinwe. Denan miranan enan kobe tobina, main iray kanebinwe. Ibal ta den miriin ibal kobe tekenamia, ena ibal i pire gi dikire imo milangwal milangwa ai iray, ta pi milekenamue.

1 Yon 3:19

Iru ere milabinga, ena God ka main ibal milabina di pirere, te God guman mina milebinga pire oliba sire niminin mile milabinwe.

1 Yon 3:6

Main iru paamia, ena ibal ta Kirisito bole pena gale pi taran milangwa, kal digan ere taalime ere milekenamue. Dimba ibal ta kal digan ere taalime ere ere milangwa, ena ibal i, Kirisito wen ta kanekire, pire pol sekenamue.

1 Yon 4:13

God mile yalini inin Iban na ibal kobe na tomia, ena God bole pena gale na tongure, yalini te na ibal kobe u taran milebinga pirebinwe.

1 Yon 4:7

Na ye nobinga kobe, den miriin ibal tongwa main God kawn kule ere ibal kobe tomia, ena denan miranan inin inin te ibeya ere milabinwe. Ibal ta den miriin ibal tongwa, ena God ibalini kule yongure, wan abilin milere God pire pol simue.

1 Yon 5:19

Kal ki erungwa kobaan gariba ibal para kenin ere ke milimba, God na ibal kobe kule yongwa milebina kanebinwe.

1 Yon 5:2

God wan abilin kobe denan miranan tobin mo, tekebin mo, tamintan main pirabine? Denan miranan God tere, te yalini kile kaman ka pire wiina ere terabinga, ena main i pirabinga paamue.

1 Yon 5:3

Denan miranan God terabinga, ena yalini kile kaman ka dungwa main wiina ere terabinwe. Wiina ere terabinga, tameran gain giil pirabine? Ta pirekerabingiwe.

Rebelesen 12:17

Iru erungwa ena oniba bil i den gule abal i tomue. Tere pi abalini kule yongwa kobe bole kura bilala dire, omue. Abalini kule yongwa kobe iwe, God kile kaman ka pire wiina erere, Yesu guun kan di gawa di ibal tomue. Te oniba bil i pi pirin nil binan makalua dungwa gul ale milemue.

Rebelesen 14:12

God ibalin gawliman kobe God kile kaman ka pire wiina erere, te Yesu guun kan aa gi di pire, pire gi dungwa kal main iru u pilau dinangwa kaun i, ibalin kobi niminin mile ka main aa gi di pire milangwa paamue.

Rebelesen 22:14

Kwi milungwa eri milin nerala dire, te ogu ain iray kana giran pi ala nala dire, ibal kobe galsuna bigin sungwa mere, God ka dungwa pire wiina eremue. Iru ere milungwa ibal, wai pire miriin painamue.