1 Pita 5:8 - Golin: God ka main buku

⁸ Nomanin sigi di pire kalkan erere, te i kanekun ere milo. I kayminin Satan mile ibal si nerala dire, bolima biin eli paangwa, kaan layon mere mile, kenan gule mile gariba baan baan para ware omue.

1 Pita 5:8 ပူးပေါင်းရင်းမြစ်များ

Epesas 6:11

I kayminin Satan nu paire kura bile i tenangure, i yobilaan bile niminin milana dire, God kuman kolaa te kura kalkan i tenangwa i kinere aa to.

Yemis 4:7

Iru dungwa paamia, ena God ka dungwa pire wiina ere tere duulin bile waro. I Satan i kaymin paale to. Tenanga ena yalini i pisere si ere baan ta namue.

Epesas 4:27

Satan i kiranin sire kela kule i tekenama dire, i den ki yere ere warekio.

1 Pita 1:13

Main iru paimia, ena nomanin suna ka milin elin si yere, te nomanin sigi di pire kalkan ero. Yesu Kirisito kwi ere ime ure u maribe nangwa kaun, kal wai ere i tenama di pire, pi tegi yeyo.

1 Pita 4:7

Ena kamin te gariba kalkan para wei sinangwa kaun, kaya u maala omue. U maala omia, ena nomanin paangwa main pire erere, te gaynin kal piringa maangwa inin manaa di to. Ana di God te milala dire, kal iru ere milo.

Luku 21:36

Kal main i, u maribe nangwa i yobilaan bile milere, te Na U Ibal Obinga Yal gumanan mina ale milala dire i kanekun ere mile, ana di God te milangal milo.”

Luku 22:31

“Saimon, Saimone, ena i iru piro, Satan i suan kanala dire God para owa dimua.

Taitas 2:12

Kal wai ere na ibal kobe na tongwa main i ka iru nil si na tongwa, “God main paangwa si kunal sire kal piril sungwa main erebinga, pisere munan kal waa tere, te gariba kal irala dire, miriin kabin paangwa inan manaa di to,” dire ka iru nil si na tomue. “Gariba gul malia milebinga gaynan kal pirebinga maangwa inin manaa di tere, te kabin sire wai wen mile, te kal dime dire ere milo,” dire para iru nil si na tomue.

Rebelesen 12:12

Kal iru eremia, ena kamin ai ibal milinga wai wen pire miriin paiyo. Dimba gariba gul milinga ibal te pirin nil ali milungwa para, ayo, miriin pirie. Satan i milinga gul pire kamin kaun tawle imo milala di pire, den bilkaw gulemua.”

Yon Yesu guun kan ka minin ganin bilungwa 8:44

I ibal kobe i nenin Satan milemua. Yalini kal ki erala di pirungwa mere, i para erala di pirinwa. Kamin kaya wen yalini ibal si gulungwa yal mile, mili ongwa ongwa malia para iru milemua. Yalini kawen ta dekungwa, ena kalkan para kawen dungwa yalini i gibilin mui kol yomua. Yalini kakiibi dungwa kobaan milungwa, ena inin main paangwa mere kakiibi morin morin dimua.

Matyu 13:39

Te kaymin ibal sulsi si sulu di erungwa iwe, yalini Satan inin milemua. Awan dongwa kaun iwe, gariba gul wei sinangwa kaun dimua. Te komina konagi erungwa ibal milungwa we, ena angel kobe milemua.

Rebelesen 12:9

God angel kobe niminin milere oniba bilkaw iray te gawliman angel kobe para sire pusi gariba gul eremue. Oniba bilkaw iwe. Goma wen oniba milungwa kaan Satan dimue. Yalini gariba ibal para muru kakiibi di tere kela kule dire bawle tomue.

Matyu 24:42

Iru erangwa paamia pirere, te i Kobaan unangwa kaun pire pol sekina pirere, kanekun ere milo.

Rebelesen 20:10

Ibalin kobi kiraan sire bawle tongwa yal Satan milungure, God yalini pusi enderin de paangwal paangwa ai eramue. Ain iray ain yobilagi kaan sulpa enderin de paingwa, nega wen dungure, God kabe biin te yalini ka kebe yal para ai iray kaya yal sui pusi ali eramue. Ibalin kobi para ali milungwa, girungwa taangwa para gain giil pire milangwal milamue.

Luku 21:34

“I ibal kobe pirekun ere milo. Komina depil nongure, te nil bia nere omilin maalungure, te gariba kal pirungwa maangure, te kal iru ere milanga, ena kauba eraal sungwa mere, na kwi ere ime uralga kaun i, gin taran u maribe namua. Gariba ulin kole kole para kamin kaun iray, para muru u maribe namua.

Taitas 1:8

Te yalini aa te wai ere ibal tere, te kal main wai paangwa para erala dire oisa tenamue. Te kal main nomanin si pire ere milere, te kal dime di ere milere, te God main paangwa mere ere milere, te gain kal pirungwa maangwa inin manaa di te milamue.

2 Timoti 4:17

Yal kobe kal iru ere na tomba, Singaba Yesu Kirisito na bole ale milebilgire, yobilaan bile na tomue. Yuda ta milekungwa ibal para na ka main kirara muru di gawa di tenama dire, yobilaan bile na tomue. Te awi eli paangwa mere, ibal iru eli pai mile ta na si nekenama dire, Yesu Kirisito aa ki di na tere kenin ere na te milemue.

Taitas 2:6

Di tenga mere, yal garamil kobe gain kal pirungwa maangwa inin manaa di tenama dire, kile kaman ka di yalin kobe to.

Taitas 2:2

Yal dimanin kobe nil bia nere omilin ta maalekenama dire, te omilin kane tawa milama dire, ta gain kal pirungwa maangwa inin manaa di tenama dire, ka iru di yalin kobi to. Yalin kobe ka main pire gi dungwa, te den miriin ibal tongwa, te ka main aa gi di pire pire milungwa, kalin main sutakobe pi nima nama dire, ka di yalin kobi to.

1 Timoti 2:15

Kal iru erimba, abal kobe gaan kule yenangwa, God aa ki di tere kenin wai ere tenamue. Abalin kobi ka main pire gi di milere den miriin te milere, kal dime dire ere milere inin gain ibal ta kanekinama dire, iru ere milangwa, ena God aa ki di abalin kobi tere kenin wai ere tenamue.

Rebelesen 20:2

Iru aa te ire urere, oniba bil iray aa gi dire me erin binanwenbile, wan tausen, kan iray kule paalemue. Oniba bil milungwa iwe, goma oniba ta milere yalini Satan milemue.

Taitas 2:4

Abal garamil kobe mile win kobe te wan abilin kobe den miriin tenama dire, te gain kal pirungwa maangwa inin manaa di tenama dire, te omilin kane tawa milama dire, te milin nongwa abal milama dire, te kal wai ere ibal tenama dire, te winbi ka dungwa pire wiina ere tenama dire, abal dimanin kobe konagi iru erungwa main nil si abal garamil kobe tenamue. Abal garamil kobe kal main iru ere milangwa, ena ibal kobe God ka main gain ka si tenangwa, kuunin erekinamue.

1 Timoti 3:11

Yalin kobe ebin kobe para omilin kane kabin sire tawa mile ka way ta erekire milere, te kule ta si warekungwa abal milere, te pi tegi ye terabina di pirungure, abal iru milamue.

1 Timoti 2:9

Te abal kobe u ku bile milangwa kaun, arebal ere ulin maribe yekire, gal imore sigi dire yalgo na kanama dire, si gun gule gal iru sigi ta dikire, siine kawale te dige te kiriweri te gal tobe bil bilungwa, gal iru ta pirekenama di piriwe.

Matyu 4:1

Ena Satan Yesu kiraan sire kela kule tenama dire, God Iban milere Yesu awli gariba simi yongwa gul ongwa.

1 Timoti 3:2

Ka main yal singaba iru mere milangwa. Yalini kal digan ta erekungure ibal ka kol ta ere tekenangure milere, te yalini abal taran tawle kenin ere irere, te kule sikire milere, te gain kal pirungwa maangwa inin manaa di te milere, te konagi inin nomanin pire aa tekun ere milere, te ibayal aa te wai ere te milere, te ka main nil si ibal tongwa painama di pire ere milere,

Matyu 25:41

“Ena ibal na anan kora kol milangwa iru di teralga, ‘God kal digan ere i tenga i ere baan ta po. Satan te yalini ka kebe ibal kobe, enderin de painangwal painangwa ai nangwa, i para po.

Matyu 4:11

Iru dungure, Satan Yesu milungwa gul piserungure angel kobe urere Yesu ai yebe dungwa.

Maka 4:15

Ka main milin kombil bolimina sigilungwa mere, ibal iru mere milemua. Ka main pirungure, Satan gin taran urere ka main milin nomanin suna sigilungwa, i omua.

2 Korin 2:11

Iru di tega main iwe, Satan kela kule dire bawle ibal terala dungwa, yalini na ibal kobe te yal iray yaa ime ta sekenama dire, “Wei simua,” di teiwe.

Rebelesen 12:10

Iru erungure pare, kamin mina gala bil ta dungure na piriga, ka iru dungwa, “God yal ta nusi erungure, ibal aa ki di tenangure, sigare kule u wai nangwa, maliagira yal iray u maribe pi milemua. Te maliagira God yobilaan bile kenin ere ke milungwa main i maribe eremua. Te God konagi erungwa yal, Kirisito, yobilaan bilungwa para i maribe eremua. Iru erungwa main iwe, Satan God guman mina mile, ka main enan kobe girungwa taangwa kakiibi dire ka digwane waa tongwa, God yalini sire pusi gariba gul ime eremua.