1 Pita 2:6 - Golin: God ka main buku

⁶ Ka iru di tega, ka main minin ganin suna God ka iru dungure, dire bilungwa paangwa, “Eri ta tobe maa yebe pi bilungwa mere, yal ta iru milungwa, na paale suna ere irere, Sayon ogu ai ogu biriin dungwa mere, yal iray awli pi yobinwa. Ibal kobe pire gi di yalini tenangwa, ena ibalin kobe gay ta gulekenamue.”

1 Pita 2:6 ပူးပေါင်းရင်းမြစ်များ

Matyu 12:18

“God iru di tongwa, ‘Ena i kano. Na nil konagi yal iwe, na inan paale i suna ere iga unamua. Na denan miranan tere gun yere yalini teiwa. Na ibanan ere yalini teralgire, na ka kol eralga main di maribe ere ibal para tenamua.

Maka 12:10

Ka main minin ganin baan ta iru dire bilungwa paangwa i kere pirekeno? Piringi ena i piro. ‘Ibal ogu kiingwa eri ta piserungwa, eri iray i pi biriin wen mina yomua.

Luku 20:17

Dungure Yesu ibalin kobe kanere ka iru di tongwa, “I iru dinba, ka main minin ganin kere di i teralga, takal main paame? ‘Ibal ogu kiingwa eri ta piserungwa, ire i pi biriin wen mina yomua.’

Luku 23:35

Ibal kobe kane milungure, Yuda ibal singaba kobe ka di sutaw ere tere iru dungwa, “Yalini ibal kobe aa ki dungure u wai ongwa, yalini God paale suna ere ingwa yal Kirisito milamia, ena yalini inin aa ki dinamba.”

Yon Yesu guun kan ka minin ganin bilungwa 7:38

Ibal kobe pire gi di na tenamia, ena den miriin suna ali nil gibilin bilungwa mere, yalini kal wai ere ibal tere, u wai pire mile painangwal painamua. Ka main minin ganin iru bilungwa paimua.”

Aposel 1:16

“Na enan kobe, goma God Kegemama Iban Yudas kal erangwa ka dungwa mere, Debiti giran mina dungure ka main minin ganin bilungwa iray u maribe omua. Ibal Yesu kanin sinama dire Yudas yalin kobe awli Yesu milungwa gul omua.

Orom 10:11

Main iru mere milebinga, ka main minin ganin iru dire bilungwa paangwa, “Ibal kobe pire gi dinangwa, ena ibalin kobi gay ta gulekinamua.”

Epesas 1:4

Na ibal kobe kabin sire wai wen milabina dire, te pirin paangwa gule ere na ibal kobe na tenama dire, kamin gariba ere yekungwa kaun, God na ibal kobe paale suna ere imue. Kirisito pire gi di tere God ibalin kobe milabina dire, na ibal kobe paale suna ere imue. Yalini den miriin na tongwa,

Epesas 2:20

Yesu ka main ibal taminin milungwa mere, kanin main di terabina piro. God ogu kiingwa, yalini nusi erungwa ongwa yal kobe, Aposel, te yalini ka kebe yal kobe, maan kawligi mere milungure, te Yesu Kirisito biriin kawligi mere milungure, te i ibal kobe ogu gulan mere milinwe.

2 Timoti 3:16

Ka main minin ganin para muru bile paalungwa, God inin ka milin di ibal tongure bilemue. Iru bile paalungwa iwe. Ka main kawen dungwa nil si ibal tenama dire, te ibal main ta paikungwa erungwa kan tenama dire, te ka di kuunin ere tenama dire, te kile kaman ka di tenangwa pire kabin sire wai wen milama dire, te ka main minin ganin bile paalungwa main iru i aa ki di i tenamue.

1 Pita 2:4

Ena i ibal kobe Yesu Singaba bole pena gale milana wo. Na ibal kobe kwi imo milebinga, komin kanin yalini taran milemue. Ogu kiingwa eri ta piserungwa mere, yalini para iru milimba, God yalini paale suna ere ire, “Tobe maa yebe pi biliwa,” dimue.

1 Pita 2:8

Te ka main minin ganin baan ta iru dire bilungwa paangwa, “Yal iray biriin dungwa mere milemia, ibal taw pi wabe sinangure, kol gaul sinamua.” Ibalin kobe ka main ta pire wiina ere tekungure, ena pi wabe sungure kol gaul simue. Kal main iru u maribe nama dire, God kaya pire paale dimue.

2 Pita 1:20

Main ta malia di i teralga, kaya pire pol sinanwe. Ka main minin ganin bilungwa, ibal ta main pirama dire, ibal iray inin pire main di maribe ta erekinamue.

2 Pita 3:16

Yalini ka minin ganin ta ta para bile ibal tongwa, ka main di i tega i, yalini morin bilemue. Yalini main taw bile ibal tongwa, ibal main i pirala dimba, pirungwa obin domue. Domia ena ibal taw main paangwa nomanin pire pol ta sikire, te ka main pire gi dungwa pi nima ta pekungure milere, ka main minin ganin taw ama ibalin kobi main ta paikungwa di maribe erungwa mere, Pol ka main iray ibalin kobi main para iru di maribe ere tomue. Tomia ena ibalin kobi nomanin ki sire u main namue.