1 Korin 15:2 - Golin: God ka main buku

² I pire nomanin suna yere pire gogo ta erekinanga, ena ka main iray i aa ki di tenangure, sigare kule u wai nanwe.

1 Korin 15:2 ပူးပေါင်းရင်းမြစ်များ

Luku 8:13

Milin taw yaa kobile bolimina sungwa mere, ibal iru milemua. Ka main pirere wai pire miinin maamba, dulaanin ikire baan tawlita pire gi dire, kiraan sire bawle tenangwa kaun u bawa dungwa, ka main mun kol eremua.

Aposel 2:47

Ibalin kobe God deminin si tongure, ibal kobe para kanere wai pire gun ye tongwa. God ibal aa ki dungure sigare kule u wai pire, are kaun kaun Yesu ka main ibal taminin u bil ongwa.

Aposel 8:13

Saimon para pire gi dungure, nil bile tongure, yalini Pilipi duulin bile ongwa. Ongure Pilipi kal guman kwi dungwa erungwa, Saimon kane buul kunungwa.

Orom 1:16

Yesu Kirisito guun kan na kere di maribe eriga i na gay ta gulekiwe. Gay ta gulekiga main iwe, God yobilaan niminin wen milungwa dimia, ena Yuda ibal ka main pire gi dinangwa, goma aa ki di tenangure sigare kule u wai nangure, te Yuda ta milekungwa ibal ka main pire gi dinangwa, eme aa ki di tenangure sigare kule para u wai namue.

Orom 11:22

God piranin pai ibal tongwa, te ka kol ere giil pire ibal tongwa main sui i kanino? Ibal kobe kal digan ere taalime erungwa ka kol ere giil pire tenamba, yalini piranin wen pai i tenamue. Pire gi niminin mile di te milanga piranin pai i tenamba, i iru ta milekenanga, ena eri yaan aa bege dire piserungwa mere kal iru ere i tenamue.

1 Korin 1:18

Kirisito eri pera mina gulungwa, ka pore dungwa iwe. Ibal kobe iban u enderin gaul ai nangwa, ibalin kobe ka dungwa i ka gogo dima di pirimba, God na ibal kobe aa ki dungure sigare kule u wai nabinga, ka dungwa i God yobilaan bilungwa mere, kawen dima di pirebinwe.

1 Korin 1:21

Ena God nomanin paangwa pire iru dungwa, “Ibal kobe inin nomanin paangwa mere pirangwa, na milebinga main pire pol ta sekenamba, ibal kobe ka main pire gi dinangwa na a pili dire aa ki di ibalin kobi teralwa.” Dungure ka main i, na kere di i tobinba, ibal taw kobe mile, “Ka dinga paikimua,” dimue.

1 Korin 11:2

I ibal kobe morin morin na ka diga nomanin si pirere, te si aine aine di i tega wiina ere tenga, i kaanin gale yebe ere deminin si i teiwe.

1 Korin 15:14

Te Kirisito ta gule alekinangwa kawen dinanga, ena ka main ta kere di maribe ere i teralba, ka main kirara wen ta dekenangure, te ka main ta i, pire gi di tenanba, ka main kirara wen ta dekenamba.

2 Korin 2:15

Na ibal kobe mile Kirisito ka main konagi erebinga God kanere, minanin wai sungwa pirungwa mere, na ibal kobe mile ka main konagi erebinga, kane wai piremue. Ka main dibinga, ibal kobe pire sigare kule u wai om mo, ibal taw kobe pire paikima di pire, u enderin gaul ai om mo, God konagi paimia, ka main konagi erebinga wai piremue.

2 Korin 6:1

Ena God te na ibal kobe bole ka main konagi erebilga, ena i kiranin aa tere ka kwi di i terala piro. God kal wai ere i tongwa piringa, i yaa ime ta sekenama dire, i iru ero.

Galesia 3:4

Kaya kal ta ta para wen ere kaninga kirara u main omo? U main oma di pirekiwe.

Epesas 2:8

I ibal kobe sigare kule u wai enga main iwe, God kal wai ere i tongure, i ibal kobe ka main i pire gi di tenga, sigare kule u wai wen enwe. I pire gi dinga, i inin konagi nega di ere, pire gi ta dikinba, God aa ki di i tongure, ka main iray pire gi dinwe.

Kolosi 1:23

Kal iru ere i tenangwa main iwe. I ibal kobe ka main pire gi dinga, ai si ware milanga, mama di painangwal painamue. Milere ka main pire pol sire, “God kal wai ere na tenamua,” dire pi tegi yenga main, i aa gi di pire waranwe. Ka main dungwa i, gariba gul para muru pai waa dungure, na Pol ka main iray konagi erama dire, God konagi iru na tomue.

2 Tesalonaika 2:15

Iru milebinga ena na enan kobe, ka main si aine aine di na tongwa kere di i terere, te ka minin ganin bile i tobinga, i aa gi di pire milere, te i denin miriin suna niminin mile yobilaan bile i tenangure ale milo.

2 Timoti 1:9

God ibalin kobe na ibal kobe iru milama dire, na ibal kobe gala dire aa ki di na tongure, sigare kule u wai obinwe. Aa ki di na tongwa main iwe. Na inan kal wai erebinga pisere, yalini inin kal wai ere na terala di pire, aa ki di na ibal kobe na tomue. Kirisito Yesu bole pena gale milebinga, gariba gul ta ole ere yekungwa kaun kal wai ere na tongwa main iray, malia ere na ibal kobe na tomue.

Kibiru 10:23

God mile, “Kal wai ere i teralwa,” dire aan kere ye na ibal kobe na tongwa, kirara iru u maribe nama di pirebinga, ena ka main pi tegi yere di gawa dibinga main i, aa gi di pire milabinwe.

Kibiru 2:1

Ena ka diga main iru paamia, ena Yesu ka main di na tongwa aa gi di pire milabinwe. Ka dungwa i pisere main ta duulin bile ta warekirabina dire, aa gi di pire milabinwe.

Kibiru 3:14

Te Kirisito bole pena gale u taran pire milebilga main iwe. Goma na ibal kobe kawn kule Kirisito pi tegi yobinga, aa gi di pire milabingal milabinga main paamue.

Kibiru 3:6

Kirisito nil konagi yal ta milekire God Wan milemia, ena yalini gawliman kobe para muru kenin ere ke milemue. Na ibal kobe God pi tegi yobinga, main i aa gi di pirabinga, te yalini kal wai ere na tenama di pire main i para aa gi di pirabinga, ena God gawliman kobe milabinwe.

Kibiru 4:14

Ena ka iru diga paamia, ka main pire gi dire ka di gawa dibinga, ka main i aa gi di pire milabino. Iru milabinga iwe, ka main kenin erungwa yal bil milungwa mere, yalini yal singaba iru mile pi God milungwa gul pire, na ibal kobe kenin ere na te milemue. Ere milungwa yalini iwe, God Wan Yesu milemue.

Yemis 2:14

Ena na enan kobe, yal ta mile, “Na pire gi di Kirisito teiwa,” dinamba, yalini kal main wai dungwa ta erekungwa, ena erungwa mere, aa ki di yalini tenamo? Mo ka main pire gi iru dungwa, God aa te pilaan pai tongure sigare kule u wai namo? I ta pekenamia.

Yemis 2:17

Ka main pire gi dibinga main iru mere dimue. Ibal ta, “Ka main pire gi diwa,” dinamba, kal main wai paangwa ta erekinangwa, ena “Ka main pire gi diwa,” dinangwa ka imore dinamia ta paikinamue.

Yemis 2:26

Ibal kobe miin gain te yobilagi dinamba, iban bole ta milekenamia, ena ibalin kobi gulungwa paamue. Iru paangwa mere, ibal kobe pire gi dire kal main wai paangwa bole ta i maribe ere milekenamia, ena ibalin kobi pire gi dungwa main i, imore pire main ta paikinamue.