1 Korin 1:8 - Golin: God ka main buku

⁸ Kamin kaun malia i wei sinangwa, Singaba Yesu Kirisito kwi u maribe nangwa kaun, i ibal kobe kal digan eringa kire di erungure, pirin paikire mile painana dire, God i ibal kobe kenin ere te milangwal milamue.

1 Korin 1:8 ပူးပေါင်းရင်းမြစ်များ

Luku 17:24

Kamin nege erungwa gin taran kamin kola pi koli ongwa mere, Na U Ibal Obinga Yal uralga kaun iru eramua.

Luku 17:30

Iru erungwa mere Na U Ibal Obinga Yal u maribe nalga kaun, para iru eramua.

Orom 14:4

Singaba ta milungure yalini nil konagi yal ta milungwa, i birun bale manin bale yalini ere tenanga, painamo? Ere tenanga kuunin ta paikinamue. Yalini inin yal singaba mile paim mo, paikim mo, yalini singaba inin kanamue. Iru erungwa paamia, ena Singaba Kirisito yobilaan bile pire gi dungwa ibal tenangure, kalkan ere tenangwa painamue.

Orom 16:25

Ena i ibal kobe ka main pire gi dinga pi nima nama dire, God yobilaan bile i tomue. Yobilaan bile tongwa main iwe, Yesu guun kan kere di maribe ere i tere, te Yesu Kirisito mile pai erungwa nil si i tega, ena God yobilaan bile i tomue. Te ka nil si i tega iwe, goma wen main paangwa ta aal kule ere yere, ere ungwa ungwa, malia God i maribe erungwa mere, ka nil si i teiwe.

Orom 8:19

God wan abilin kobe i maribe erangwa kaun, God kalkan para ere yongwa kobi kanala di pire suul milemue.

1 Korin 3:13

Ibal kobe konagi erungwa paim mo, paikim mo, Kirisito kwi ure ka kol ere ibal tenangwa, u maribe namue. Kaun iray enderin dere, dongwa kal denangure, ta dekungwa kal imo dinamia, ena konagi erungwa paim mo, paikim mo, u maribe namue.

1 Korin 5:5

Bile tenangwa kaun iray, Satan gain giil pire yal digan iray tenama dire, i yalini waa kile di mena ere awli pi Satan kenin erungwa gul ero. Eringire gain giil pire tenamia, ena Yesu Singaba kamin kaun malia i wei sinangwa, aa ki di yalini tenangure, iban kwi u wai namue.

2 Korin 1:13

Ka minin ganin bile i tega, i kere pire pol sinana dire, ka iru tawle bile i teiwe. Teya, ena i main kirara pire pol sinana di piriwe.

2 Korin 1:14

Piriiba malia main kole tawle pirinwe. Pirinba Singaba Yesu ere ime unangwa kaun main kirara pire pol si milere, te kaun iray i ibal kobe mile pai eringa, na kane wai pire miinin maarabinga mere, i ibal kobe na mile pai eriga kane wai pire miinin maanana di pirebinwe.

2 Korin 1:21

God yobilaan pai i ibal kobe tere na yal kobe para na tere eremia, ena na ibal kobe para Kirisito bole pena gale u taran pire, mile pai erebinga, paima di pirebinwe. Na ibal kobe ka main konagi erama dire, yalini na paale suna ere imue.

Epesas 5:27

Ka main ibal taminin kobe kirara wai wen milungwa kanala dire, Kirisito kal iru wen ere ibalin kobe tomue. Ka main ibal taminin kobe milungwa mere iwe, ibalin kobe kal digan erungwa kire di ere pirin ta paikinangwa milere, te dorimil milere dime di wai mile painamue.

Pilipai 1:10

I main iru ere milanga, ena main wai paangwa kal i, pire bawa di kananwe. Di kananga ena Kirisito u bawa dinangwa kaun, nomanin naabile dorimil milere, te God pirin gule ere i tongwa pirin kwi ta pai i tekenangure, wigi sire wai wen milanwe.

Pilipai 1:6

God kal wai ere i tongure, ka main pire gi dinga yalini kawn kule iru ere i tongwa, ere mili nangwa nangwa, Kirisito Yesu eme u bawa dinangwa kaun, konagi iru kawen kirara ere wei sinamue. God kal iru ere i tenama di kawen kirara piriwe.

Kolosi 1:22

I ibal kobe God milungwa mina milinga, kal dime dire ere milana dire, te nomanin naabile i tenangure milana dire, te ka kol ere i ta tekenama dire, God Wan eri pera mina gule na tongwa, i ibal kobe guman kane ire u taran enwe.

Kolosi 2:7

Kirisito i komin kanin milemia, ena yalini i ai si pire waro. Yalini kawligi dungwa mere milungure, i ibal kobe ogu gulan tongwa mere milina, ena i pi bole si dawle u taran pi milo. I ka main pire gi di milinga, i aa gi di pire niminin milo. Ka nil si i tongwa mere, iru pirekun ere aa gi di pire niminin milo. God kal wai ere i tongwa pire maki ye te milangal milo.

1 Tesalonaika 3:13

Kal iru eranga, ena yalini i ibal kobe nomanin suna yobilaan bile i tenangure, ena Singaba Yesu te yalini ibalin kobe bole ere ime unangwa kaun i ibal kobe Abe God guman mina kabin sire wai wen milere, te pirin ta pai i tekenangwa milanwe.

1 Tesalonaika 5:2

Kalkan kunibe nongwa yal gilaa kol warungwa mere, Yesu Singaba kwi u maribe nangwa kaun, kamin kaun malia wei sinangwa, iru u maribe nangwa i pirinwe.

2 Tesalonaika 2:2

Yesu Singaba unangwa kaun, “Kaya u bawa dimua,” dungwa i nomanin pire gogo ta erekio. Ka dungwa i, ibal ta kal ta u maribe nangwa ka kere di maribe ere tongwa dim mo, ibal ta ka main kere di ibal tongwa dim mo, “Pol minin ganin iru bile ibal tomua,” dungure dim mo, ka iru dinamba, i nomanin su su sikio.

2 Tesalonaika 3:3

Ibal iru milimba, i ibal kobe God pi tegi yenanga painamue. Paire yobilaan bile i tenangure, ena kal ki ere milungwa kobaan i ta sekenama dire, kuman kine i tenamue.

2 Timoti 1:12

Iru ere na tongwa eriga, ena malia gain giil pire na tongwa i, na pire miliwe. Pire miliiba, na gay ta gulekiga main iwe. Na pi tegi yega yal milungwa main kane pol siga, ena “Ka main kenin ero,” di na tongwa na kenin erigire, mama dinama dire, yalini kenin ere na tenamue. Kenin ere na te mile, Kirisito ere ime unangwa kaun, para kenin ere na te milamue.

2 Timoti 1:18

Yalini Epesas mile ka main konagi ere ibal tongwa, i para kaningiray. Kirisito kwi ere ime ure ka kol ere ibal tenangwa kaun, God Singaba miriin pire tongwa mere iru pire yalini tenama di piriwe.

1 Pita 5:10

I baan tawle giil pire milangire pare, aa te wai ere ibal tongwa yal God, i niminin milana dire, te i pire gi dinga pi nima nama dire, te yobilaan bile i terala dire, kal main iru ere i tenamue. God yalini naabile aw dungwa mile painangwal painangwa bole milana dire, te Kirisito bole pena gale milana dire, God “Ere wo,” di i tomue.

2 Pita 3:10

Milimba Yesu Singaba kaun, kamin kaun malia wei sinangwa kaun, u maribe nangwa iwe. Kalkan kunibe nongwa yal unangwa kaun ibal pire pol ta sekungwa mere, kaun iray para iru u maribe namue. Kaun iray kamin mina teli bilkaw dinangwa, kalkan i para wei sinangure, te kulmama kobe enderin bilkaw denangwa, para wei sinangure, te gariba gul kalkan para wen enderin denangwa, para wei sinamue.

2 Pita 3:14

Iru dungwa paamia, ena na enan kobe, i kaun iray u maribe nangwa suul milanga kaun i, kal digan eringa kire di erungure, pirin ta pai dekenan milala dire, te God bole pena gale milala di pire, konagi nega di ero.