Lucas 21:25 - Cohamacʉ Yare Yahari Tjuel

²⁵ Ã ni yahu tʉhsʉ, tinare õ sehe ni yahu namoha: —Tí pjare sʉ̃ dacho macariro, ñami macariro, ñahpichoha cʉ̃hʉ cohtotaahca. Jipihtina ahri yahpa macaina “Cue, yarianahca”, ni tʉhotuina pjiri ma macaa pahcõri cuaro choro ti bisiro coa tachʉ tʉhoa tuaro cuiahca.

Lucas 21:25 ပူးပေါင်းရင်းမြစ်များ

Mateo 24:29

à yahu tuhsʉro tinare õ sehe ni yahu namore: —Tí dachori masa ti ñano yʉhdʉa dachori baharo sʉ̃ dacho macariro, ñami macariro cʉ̃hʉ buhria duhua wahaahca. Ti ã wahachʉ ñahpichoha poca mʉanopʉ jia poca boraa wahaahca. Tuhsʉ, mʉano macaa yahpari tuaro ñuhmiahca.

Mateo 27:45

à yoa cohari pja jichʉ tia hora waro jipihtiropʉ nahitiano jire.

Marcos 13:24

à ni tuhsʉ õ sehe ni yahu namoha Jesu: —Tí dachori ti ñano yʉhdʉri baharo sʉ̃ dacho macariro, ñami macariro cʉ̃hʉ buhria duhua wahaahca.

Marcos 13:26

Tí pjata yʉhʉ masʉno Cohamacʉ warocariro taihtja. Yʉ ã tachʉ mʉanopʉ yʉ tuaa mehne yʉ si sitea mehne mʉano macaa me bui ahri yahpapʉre yʉ tjua tachʉ ñʉahca masa.

Marcos 15:33

à yoa cohari pja jichʉ tia hora waro jipihtiropʉ nahitiano wahaha.

Lucas 21:24

Paina ahri maca Jerusalẽ macaina mehne cahma wajãahca. Ã cahma wajãa, paina ahri maca macainare jipihtia yahparipʉ na wahcã, peresu yoaahca. Ã jia judio masa jieraina Jerusalẽne ñano yoa, tinare yʉhdʉrʉcaahca. Judio masa jieraina ya dacho to pihtichʉpʉ Jerusalẽ macainare ñano yoa duhuahca —ni yahuha Jesu.

Lucas 21:26

Tí pjare mʉano macaa yahpari, ñahpichoha cʉ̃hʉ tuaro ñuhmiahca. Ti ã wahachʉ ñʉa, masa sehe ahri yahpa to pihtihtore cohtaa, tuaro cuiahca.

Hechos 2:19

Tuhsʉ, yʉ tuaa mehne bajuamehneare yoa ñoihca mʉanopʉ. Yahpapʉ cʉ̃hʉre yʉ bajuamehneare ñoihca: Dire, pichacare, mene ñoihca.

Apocalipsis 20:11

Baharo pjíro pʉhtoro to dujirore noano yehserore ñʉhi. Tí dujiro bui dujiriro cʉ̃hʉre ñʉhi. Tói to dujichʉ, ahri yahpa macaa cʉ̃hʉ mʉano macaa cʉ̃hʉ pihtia wahahre. Ã pihtia wahaa pari turi ji namoerare.