Juan 16:21 - Cohamacʉ Yare Yahari Tjuel

²¹ Õ sehe jira tí: Numino niji wahcõno, to ñano yʉhdʉhto pano jira. Ã jiro ticoro tuaro cahyara. Ã cahyaparota to pohna tiri baharo ticorore purĩrire wacũerara ticoro. Wihãrirocã ahri yahpapʉ to masa bajuachʉ ticoro wahchera. Ã jiro ticorore purĩrire wacũerara ticoro.

Juan 16:21 ပူးပေါင်းရင်းမြစ်များ

Gálatas 4:27

Cohamacʉ yare ti joari pũi õ sehe ni joaa tiha Cohamacʉ pohna warore, Sara yoaro sehe jiricorore yahuro: “Pohna marienicoro, wahchega. Ã yoa wahchea mehne sañurucuga, niji wahcõno purĩnore masieraricoro jico. Mʉhʉ sehe manʉ tiricoro yʉhdoro payʉ pohna ticohca. Ã jico wahchega”, ni joaa tiha panopʉre to pohna tihto pano Sara yoaro sehe jiricorore yahuro.

1 Tesalonicenses 5:3

“Mipʉre mari noano jinocaja. Cuaro mariahna marine”, masa ti ni wacũchʉ dóicãta ñano waharohca tinare. To ã wahachʉ tina duhti masisi. Niji wahcõricoro wacũenoca to purĩno tʉhoturo seheta wacũenoca ã waharohca masare.