Efesios 3:18 - Cohamacʉ Yare Yahari Tjuel

^18-19 Jipihtina paina Cohamacʉ yaina cʉ̃hʉ mʉsa mehne Cristo masare to tuaro cahĩare mʉsa masihto sehe sini payoja. Tiro jipihtina masare cahĩ yʉhdʉariro jira. To ã cahĩ yʉhdʉarire noano masi pahñohto basioerara. Ã jipachʉta to ã cahĩriro to jia tiare mʉsa noano masihto sehe sini payoja mʉsare. Ã yoa to cahĩare mʉsa masichʉ cahmaja Cohamacʉ mʉsa mehne to noano jihto sehe. Noa yʉhdʉariro, ñaa marieriro to jiro seheta mʉsa wahahto sehe to cahĩare mʉsa masichʉ cahmaja. Ã jicʉ to cahĩare mʉsa masihto sehe sini payoja mʉsare Cohamacʉre.

Efesios 3:18 ပူးပေါင်းရင်းမြစ်များ

Juan 15:13

Cʉ̃iro masʉno tiro mehne macariro yaro jiborirore yariaro tiro mehne macarirore tuaro cahĩna, paina ti cahĩriro yʉhdoro.

Romanos 10:3

Tuhsʉ, tinare Cohamacʉ to noaina wahachʉ yoaborire tina tʉho ñahaerare. Ã tʉho ñahaeraa, ti mʉ sʉro noaare yoa duapahta bihoerare. Ti ã yoachʉ tinare Cohamacʉ to wacũ tua dutiriro seheta ti yoaerachʉ ñʉno, tiro sehe tinare “Noaina jira”, ni ñʉerare.

2 Corintios 13:13

Jipihtina õ macaina Cohamacʉ yaina mʉsare noa dutira.

Gálatas 2:20

à jina yariariro to mʉ sʉro to yoaerariro seheta mari mʉ sʉro yoaeraja mari. Cristo ya tuaa mehne yoaja. à yoa mipʉre Cohamacʉ macʉnore wacũ tuaa mehne jirucuja mari. Tiro Cohamacʉ macʉno marine cahĩre. à jiro mari ya buhirire yariare.

Gálatas 3:13

à jia tí dutia marine buhiri tichʉ yoara. Mari ã buhiri tichʉ ñʉno Cristo sehe to basi mari yaro jiborirore buhiri tiriro waharo, mari buhiri tiborirore tiro sehe cohãbasare marine. Cristo to buhiri tihtore yahuro õ seheta ni joaa tiha panopʉre: “Jipihtina yucʉcʉpʉ ti duhu õina buhiri tiina jira”, ni joaa tiha panopʉre.

Efesios 1:15

Cristore wacũ tuaina mʉsa jichʉ tʉhorocacʉ Cohamacʉre ã sini payorucuja mʉsare. Mari pʉhtoro Jesucristore mʉsa wacũ tuarire, jipihtina to yainare mʉsa cahĩrire tʉhorocacʉ Cohamacʉre “Noana”, nija.

Colosenses 1:4

Tirore “Noana”, nirucuja sã mʉsa jia tiare tʉhorocana. To ya buhea potocã jia buheare mʉsa tʉhoriro seheta jipihtia dachoripe mʉanopʉ mʉsare jichʉ yoarohca Cristo sehe. To ã yoahtiro jichʉ tíre mʉsa ã cohtarucu wama tira. Ã jina Cristo Jesure wacũ tua wama tira mʉsa. Tuhsʉ, to yainare cahĩ wama tira mʉsa. Mʉsa ã jiina jichʉ Cohamacʉ mehne wahche tirore “Noana”, nija sã.

1 Timoteo 3:16

Ahri potocã tjira. Marine Cohamacʉ to buheri cjiri, panopʉ mari noano masierari cjiri noa yʉhdʉa buhea jira. Ahri buhea õ sehe jira: Tiro Cristo mari pjacʉ seheta pjacʉ tiriro masa bajuari jire. Noariro, ñaa marieriro to jichʉ ñore Espíritu Santo sehe. Anjoa cʉ̃hʉ tirore ñʉri jire. Ã yoa buhe duti to cũrina paye yahpari macainare to yare buhei sã. Ã jia ahri yahpai masa payʉ tirore wacũ tuare. Baharo mʉanopʉ Cohamacʉ naahre tirore. Tí jira noaa buhea.

Apocalipsis 3:21

Watĩnore yʉ yʉhdʉrʉcari baharo yʉ Pʉcʉ pʉhtoro to dujiro cahai dujija, yʉhʉ cʉ̃hʉ duticʉ tacʉ. Tó seheta mʉsa cʉ̃hʉ ñaa yoarire mʉsa yʉhdʉrʉcari baharo yʉ pʉhtoro dujiro cahai dujinahca, mʉsa cʉ̃hʉ dutina tana. Mʉsare yʉ cahai dujichʉ yoaihtja.