Apocalipsis 14:7 - Cohamacʉ Yare Yahari Tjuel

⁷ Ã jiro anjo sañurucuro õ sehe niroca borohre: —Cohamacʉre cui, ño payoga. “Tua yʉhdʉariro, noa yʉhdʉariro jira”, niga tirore. Mipʉre tiro masare to buhiri dahrehti pja jiro nina. Tiro mʉanore, yahpare, pjiri mare, mári pohtari cʉ̃hʉre yoariro jira. Ã jina tirore na tuhcua caha sʉ, wahche payoga —ni sañurucuhre anjo.

Apocalipsis 14:7 ပူးပေါင်းရင်းမြစ်များ

Mateo 25:13

’Ã jina tʉho masia numia ti yare ti noano cahno tuhsʉ ti cohtariro seheta yʉ tahtore noano cohtaga mʉsa cʉ̃hʉ. Yʉ tjua tahti dachore tí hora cʉ̃hʉre ne masierara mʉsa —ni yahure Jesu.

Lucas 17:18

Ahriro pa yahpa macariro dihta Cohamacʉre “Noana”, nino taro tjua tahre. ¿Dohse yoa paina taerari? —niha Jesu.

Hechos 14:15

—Mʉsa õ sehe yoaena tjiga. Sã cʉ̃hʉ mʉsa yoaro seheta masa jija. Õ sehe mʉsa yoaa ne yaba cjihti jierara. Ã jina mʉsare buhena tahi mʉsa õ sehe yoaare duhu dutina tana. Ahri cohamana mʉsa niare, mʉsa yoaa, wiho jia masʉri jira. Tí masʉrine cohãga. Ã jina Cohamacʉre catiriro sehere ño payoga. Cohamacʉ sehe mʉanore, yahpare, pjiri mare, jipihtiare yoariro jira.

1 San Pedro 4:7

Pihtiri dacho cjihto mahanocã dʉhsara. Ã jina noano tʉho masiina jiga, mipʉre Cohamacʉ mehne mʉsa durucuhto noano.

Apocalipsis 11:13

Ti ã mʉjachʉta yahpa tuaro ñuhminohca. To ã ñuhmichʉ tí maca macaa wʉhʉse décima parte boraa wahaahca. Ã jia yahpa ñuhmino mehne siete mil masa yariaa wahaahca. Paina dʉhsaina sehe cʉaa wahaa, Cohamacʉre mʉano macarirore “Tuariro jira”, ni ño payoahca tirore.

Apocalipsis 11:18

Jipihtina ahri yahpa macaina mʉhʉre cahmaeraina mʉhʉ mehne suamare. Mipʉre tinare mʉ buhiri dahrehti pja jira. Yariaina cʉ̃hʉre mʉ buhiri dahrehti pja jira. Ã jiro mʉ yaina sehere noaare ti yoari wapare mʉ wahti pja jira. Cãina tina mʉhʉre dahra cohtaina mʉ yare yahu mʉhtaina jira. Ã yoa tina, paina mʉ yaina mehne jipihtina mʉhʉre ño payoina jira. Ã jicʉ pʉhtoare, wiho jiina cʉ̃hʉre mʉ yaina ti jiri wapa noano yoaihca mʉhʉ. Ã jiro ahri yahpa macainare dojomehne cohtainare mʉ cohãhti pja jira mipʉre”, ni ño payohre pʉhtoa Cohamacʉre.

Apocalipsis 15:4

Jipihtina mʉhʉre wahche payoahca. Jipihtina mʉhʉre ‘Tuariro jira’, niahca. Mʉhʉ dihta ñaa marieriro jira. Jipihtia yahpari macaina mʉ cahapʉ sʉa, na tuhcua caha sʉ, mʉhʉre wahche payoahca. Ãta yoaahca tina jipihtina noano mʉ yoarire ñʉa”, ni basaa nihre tina.

Apocalipsis 16:9

à jiro sʉ̃ dacho macariro masare tuaro sihre. à jia Cohamacʉ tinare to buhiri dahre dutichʉ masia, tirore ñano durucuhre masa. à ñano yʉhdʉpahta Cohamacʉre maca duaerare. Cohamacʉre “Tuariro jira”, ni wahche payo duaerare.

Apocalipsis 18:10

To ã jʉ̃chʉ ñʉa tina pʉhtoa yoaropʉ ñʉrocarucuahca, “Mari cʉ̃hʉre buhiri dahreri”, nia. Tói ñʉrocarucua õ sehe niahca: —Cue, pjacʉori maca jira, Babilonia. Sí maca pjiri maca tuari maca jimahre. Wacũenoca sí macare buhiri dahrehre —niahca tina.

Apocalipsis 18:17

à jia wacũenoca sí maca buti pihtia wahahre —niahca tí macare. à yoa jipihtina dohoa bʉso mehne tiniina, tí bʉso pʉa, ti mʉa, paina pjiri mapʉ dahra wapataina cʉ̃hʉ tí macare yoaropʉ ñʉrocarucuahca.

Apocalipsis 18:19

à cahyaina jia ti dapu poca bui dihtare orẽ payoahca. à jia tuaro yahco tiia õ sehe niahca: —Cue, pjacʉoina jira sí maca macaina cjiri. Noari maca jimare. Jipihtina dohoa bʉso cjʉaina pjiri mapʉ tiniina sí maca macaa pache mehne noano wapatamahi mari. à yoa dóihta sí maca macaa buti pihtia wahahre —niahca bʉso macaina.

Apocalipsis 19:5

Baharo pʉhtoro dujiropʉ õ sehe nino coa tahre: “Mari pʉhtoro Cohamacʉre wahche payoga. Tirore dahra cohtaina, tirore ño payoina, wiho jiina, pʉhtoa cʉ̃hʉ jipihtina mʉsa tirore noano durucuga”, nino coa tahre.

Apocalipsis 4:11

“Mʉhʉ Cohamacʉ sã pʉhtoro waro jira. Tuariro, noariro jira mʉhʉ. Mʉhʉ sã ño payoriro jii nina. Mʉhʉre ã ño payorucuro cahmana sãre. Jipihtiare bajuamehneriro jira mʉhʉ. Mʉ cahmariro seheta tí jipihtiare bajuamehnea tiri jire mʉhʉ”, nihre tina Cohamacʉre, tói dujirirore.

Apocalipsis 4:9

à ni durucua tina pititiaro soro bajuina to tuaare durucua nihre pʉhtoro dujiroi dujirirore. à durucua, tirore jipihtia dachoripe jirucurirore wahche payoa “Noana”, nia nihre.

Apocalipsis 8:10

Pʉaro anjoa ti putiri baharo pairo anjo cʉ̃hʉ to yaria cornetare putihre tjoa. To ã putichʉ pjiria ñahpichohaca, sihãria yoaro sehe siria yahpapʉ bora sʉ cahaa wahahre. Ahri yahpa macaa mári dacho macabo cureroi tópe mári bui bora sʉ cahaa wahahre ñahpichohaca. Tópe co wijaa copari bui cʉ̃hʉre bora sʉ cahaa wahahre.