Zacaría 12:10 - Wanano OT Portions

¹⁰ (Ã yoa masare yʉhdohtiro to wahahtire to basi to ni ducuruboriro seheta Yawe Zacaríare yahu cũ mʉhta dutiha israe masapʉre.) Ã jiro õ sehe ni yahuha Zacaría: —Cʉ̃ dacho yʉhʉ, pʉhtoro Davi cjiro ya da poto macainare, ã jichʉ paina Jerusalẽi jiina cʉ̃hʉre yʉ noariro jia tiare masichʉ yoaihtja. Tuhsʉ, yʉhʉre tʉho duaina wahachʉ yoaihtja. Yʉhʉre sini duaina, maca duaina cʉ̃hʉ wahachʉ yoaihtja tinare. Ã jia tina yʉhʉre ti ñosariro cjirore ñʉa, tuaro tiiahca. Cʉ̃iro masʉno to macʉno masa bajua mʉhtariro, cʉ̃iro jiriro to yariachʉ, purĩno mehne tuaro to tiiboro seheta tiiahca tina —ni yahu cũ mʉhta dutiha Yawe Zacaríare.

Zacaría 12:10 ပူးပေါင်းရင်းမြစ်များ

Génesis 45:1

à yoa Judá to yahuare to tʉhochʉ, tiro Josére payʉ wacũa wihiha. Tuhsʉ, tii duaro pja wihiha. à waharo, tiro sehe tirore dahra cohtaina ti ñʉrocaroi tii duaeraro, tinare wijaa dutiha. Wijaa duti tuhsʉ, to wahmisʉma sahserore “Yʉhʉ José mʉsa bahʉ jija” ni, bajuroi yahuro taro niha.

Génesis 45:2

à jiro tuaro tiiha tiro. To ã tuaro tiichʉ, tirore dahra cohtaina sehe tʉhoha. à tʉhoa, painapʉre tí quitire yahu turiaha. Pʉ faraõpʉ cʉ̃hʉre tí quiti sʉha.

Números 21:9

To ã yoa dutichʉ tʉhoro, Moise sehe comaa bronce mehne agã masʉ dahre, yucʉcʉ sohtoapʉ õ, dapoha. Ã yoa diina agã cohõina, tiro agã masʉre ñʉroca õa, noaa wahaha jʉna.