Salmo 22:16 - Wanano OT Portions

¹⁶ ‘Dieya suaina baro yoaro sehe soroarʉcʉ sʉhre yʉhʉre masa Cohamacʉ mehne dojori tiina baro. Tina ã dojori tiinata yʉ wamomacarine, yʉ dahpori cʉ̃hʉre cami dahrehre. *****

Salmo 22:16 ပူးပေါင်းရင်းမြစ်များ

Isaía 53:5

Wiho mejeta ã jierare. Tiro mari ya buhiri ñano cami tia wahare. Mari ya buhiri tirore ñano tjanayere. Tó sehe yʉhdʉre tiro, marine yʉhdoro taro, mari Yawe mehne noano jinocahto sehe. Mari sehe cami, yati masieraa cami cjʉaina yoaro sehe jija mari buhiri tia mehne. Ã jiro tiro ñano yʉhdʉre tí camine yatia wahachʉ yoaro seheta yoaro taro.

Zacaría 12:10

(Ã yoa masare yʉhdohtiro to wahahtire to basi to ni ducuruboriro seheta Yawe Zacaríare yahu cũ mʉhta dutiha israe masapʉre.) Ã jiro õ sehe ni yahuha Zacaría: —Cʉ̃ dacho yʉhʉ, pʉhtoro Davi cjiro ya da poto macainare, ã jichʉ paina Jerusalẽi jiina cʉ̃hʉre yʉ noariro jia tiare masichʉ yoaihtja. Tuhsʉ, yʉhʉre tʉho duaina wahachʉ yoaihtja. Yʉhʉre sini duaina, maca duaina cʉ̃hʉ wahachʉ yoaihtja tinare. Ã jia tina yʉhʉre ti ñosariro cjirore ñʉa, tuaro tiiahca. Cʉ̃iro masʉno to macʉno masa bajua mʉhtariro, cʉ̃iro jiriro to yariachʉ, purĩno mehne tuaro to tiiboro seheta tiiahca tina —ni yahu cũ mʉhta dutiha Yawe Zacaríare.